अमृतयोग

हिंदू पंचांगात दाखविलेला अमृतयोग हा नक्षत्र आणि आणि वार यांच्या संयोगाने होतो.

• रविवारी हस्त नक्षत्र असल्यास अमृतयोग होतो.
• सोमवारी मृग किंवा श्रवण नक्षत्र असल्यास अमृतयोग होतो.
• मंगळवारी आश्विनी नक्षत्र असल्यास अमृतयोग होतो.
• बुधवारी अनुराधा नक्षत्र असल्यास अमृतयोग होतो.
• गुरुवारी पुष्य नक्षत्र असल्यास अमृतयोग होतो.
• शुक्रवारी रेवती नक्षत्र असल्यास अमृतयोग होतो.
• शनिवारी रोहिणी नक्षत्र असल्यास अमृतयोग होतो.

अमृतयोग हा सामान्यत: सर्व कार्यास शुभ योग असतो. मात्र काही अमृत योग ठरावीक कार्यास वर्ज्य असतात. उदा०

• गुरुवारी पुष्य नक्षत्र असल्यास, त्या दिवशी अमृतयोग असला तरी हा दिवस विवाहास वर्ज्य असतो.
• शनिवारी रोहिणी नक्षत्र असल्यास, त्या दिवशी अमृतयोग असला तरी हा दिवस प्रयाणास वर्ज्य असतो.
• मंगळवारी आश्विनी नक्षत्र असल्यास, त्या दिवशी अमृतयोग असला तरी हा दिवस गृहप्रवेशा वर्ज्य असतो.