ImportMaster: robot: Import pages using विशेष:आयात

2022-05-01T16:00:37Z

नवीन पृष्ठ

'''ॲंजेला सोनटक्के''' ऊर्फ राही ऊर्फ इशाराका (जन्म : इ.स. १९७४) ही [[पुणे|पुण्याजवळ]] लवासा रोड, पिरंगुट येथे सुषमा हेमंत रामटेके ऊर्फ श्रद्धा गुरव ऊर्फ भारती (जन्म : इ.स. १९८४) या तिच्या साहाय्यकाबरोबर २७ एप्रिल २०११ रोजी पकडली गेली. हे घर गोल्डन कॉरिडॉर कमिटीचे महाराष्ट्रातील मुख्यालय आहे. राज्याच्या माओवादी चळवळीच्या ’थिंक टॅंक’ची सभासद असलेली ॲंजेला, विद्यार्थी, सुशिक्षित तरुण, औद्योगिक वसाहतीत काम करणारे सामान्य कामगार आणि शहरी भागातील झोपडपट्ट्यांत राहणारे गरीब लोक यांच्यात माओवादाचा प्रसार करत होती. ती ’मोस्ट वॉन्टेड’ माओवादी मिलिंद तेलतुंबडे याची पत्‍नी आहे. तिच्यावर २७-४-२०११ पर्यंत, खुनाच्या गुन्ह्यासकट सुमारे २० गुन्ह्यांची नोंद होती. १ फेब्रुवारी २००९ला ग्याराबत्ती आणि मरकेगांव येथे माओवाद्यांनी केलेल्या बेछूट गोळीबारात एका पोलीस उपनिरीक्षकासह १४ पोलिसांचे बळी गेले होते. या गोळीबाराचा कट ॲंजेला हिनेच आखला होता असा आरोप तिच्यावर केला गेला होता.<ref>{{संकेतस्थळ स्रोत|title=The land of Chup|दुवा=https://kractivist.org/the-land-of-chup-2/|संकेतस्थळ=Kractivism|अॅक्सेसदिनांक=24 मे 2020|दिनांक=25 ऑगस्ट 2012}}</ref>

ॲंजेला ही बी.एस्‌सी.(मायक्रोबायॉलॉजी), एम्‌एस्‌सी.(झुऑलॉजी), एम्‌ए.(सोशॉलॉजी) व बी.एड. अशा शैक्षणिक पदव्या मिळवलेली असून मुंबई विद्यापीठात अभ्यास करत होती. तिला मराठी, हिंदी, इंग्रजी, फ्रेंच यांसोबत [[गडचिरोली]] आणि [[गोंदिया]]त सर्रास बोलल्या जाणाऱ्या [[माडिया]] आणि [[गोंडी]] या भाषा उत्तम प्रकारे बोलता येतात.

मूळची [[चंद्रपूर]]ची असलेली ॲंजेला ही, [[माओवादी चळवळ।माओवादी चळवळीत]] असलेल्या गुन्हेगारांना आश्रय देणे, त्यांना आर्थिक मदत करणे त्यांची शस्त्रे लपवून ठेवणे आणि त्यांच्यासाठी वेगवेगळी उपकरणे खरेदी करणे वगैरे कामे करीत होती.

[[कार्ल मार्क्स]]ने ग्रंथबद्ध केलेले [[साम्यवादी तत्त्वज्ञान]] पुढे [[लेनिन]]ने अंमलात आणले. [[रशिया]]त आणि [[रशिया]]ला लागून असलेल्या देशांत साम्यवादी राज्ये अस्तित्वात आली. [[चीन]]नेही थोड्या वेगळ्या स्वरूपात साम्यवादाचा स्वीकार केला. [[नेपाळ]]मध्ये, [[उत्तर कोरिया]]त आणि उत्तर [[व्हिएटनाम]]मध्ये साम्यवादी सत्ता आल्या. भारतातही केरळ आणि पश्चिम बंगाल ही साम्यवादी राज्ये आहेत (सन २०११). मूळच्या साम्यवादात अनेक स्थित्यंतरे घडून आली. त्यांतूनच रशियन साम्यवाद, चिनी साम्यवाद, [[नक्षलवाद]] असे भेद निर्माण झाले.

मुळात [[पश्चिम बंगाल]]मधून सुरू झालेला [[नक्षलवाद]] भारताच्या अनेक राज्यात पसरला. त्याला [[माओवादी चळवळ]] म्हणून संबोधण्यात येऊ लागले. ॲंजेला सोनटक्के ऊर्फ राही ऊर्फ इशाराका (इस्कारा) ऊर्फ सविता ऊर्फ कविता ऊर्फ सुनीता पाटील ऊर्फ सौ. तेलतुंबडे ही माओवाद्यांच्या केंद्रीय समितीने तयार केलेल्या तथाकथित ’गोल्डन कॉरिडॉर कमिटीच्या’ प्रमुख सूत्रधारांपैकी एक आहे.

== जामिनावर सुटका ==
दहशतवाद विरोधी पथकाने (एटीएस) पौड परिसरातून अटक केलेल्या नक्षलवादी ॲंजेला सोनटक्के (ॲंजेला मिलिंद तेलतुंबडे) हिला ४ मे २०१६ रोजी सुप्रीम कोर्टाने जामीन मंजूर केला. ती पाच वर्षांपासून जेलमध्ये होती. ॲंजेलासोबत पुण्यातील कबीर कला मंचच्या काही सदस्यांवर अटकेची कारवाई झाली होती.<ref>{{स्रोत बातमी|title=PressReader.com - Your favorite newspapers and magazines.|दुवा=https://www.pressreader.com/india/the-times-of-india-mumbai-edition/20111009/282093453491930|अॅक्सेसदिनांक=२४ मे २०२०|काम=www.pressreader.com}}</ref>

''एटीएस'ने त्यावेळी दाखल केलेल्या गुन्ह्यांमध्ये कबीर कला मंचच्या सहा सदस्यांवर कारवाई करण्यात आली होती. त्यातील तिघांना कोर्टाने जामीन मंजूर केला आहे तर इतर तिघे जेलमध्ये आहेत.<ref>{{स्रोत बातमी|last1=Apr 27|first1=TNN | Updated:|title=Top woman Naxal cadre picked up from Thane {{!}} Nagpur News - Times of India|दुवा=https://timesofindia.com/city/nagpur/Top-woman-Naxal-cadre-picked-up-from-Thane/articleshow/8094312.cms|अॅक्सेसदिनांक=२४ मे २०२०|काम=The Times of India|भाषा=en}}</ref><ref>{{स्रोत बातमी|title=ATS arrests Naxal queen bee|दुवा=https://m.mid-day.com/amp/articles/ats-arrests-naxal-queen-bee/120147|अॅक्सेसदिनांक=२४ मे २०२०|काम=Mid-day|दिनांक=28 एप्रिल 2011|भाषा=en}}</ref>

{{विस्तार}}

== संदर्भ ==
{{संदर्भयादी}}

{{DEFAULTSORT:सोनटक्के,ॲंजेला}}
[[वर्ग:नक्षलवादी चळवळ]]
[[वर्ग:मराठी महिला]]
[[वर्ग:स्त्री चरित्रलेख]]

अँजेला सोनटक्के - आवृत्ती इतिहास

ImportMaster: robot: Import pages using विशेष:आयात