०५:३३, १ मे २०२२ वर ImportMaster

2022-05-01T05:33:34Z

नवीन पृष्ठ

{{माहितीचौकट भारतीय जिल्हा
|जिल्ह्याचे_नाव = अकोला जिल्हा
|स्थानिक_नाव = अकोला जिल्हा
|चित्र_नकाशा = Akola_in_Maharashtra_(India).svg
|अक्षांश-रेखांश =
|राज्याचे_नाव = महाराष्ट्र
|विभागाचे_नाव = [[अमरावती विभाग|अमरावती]]
|मुख्यालयाचे_नाव = [[अकोला]]
|तालुक्यांची_नावे = १.[[अकोट]], २. [[अकोला तालुका|अकोला]],३. [[तेल्हारा]],४.[[पातूर]], ५.[[बार्शीटाकळी]], ६.[[बाळापूर]], ७.[[मूर्तिजापूर]]
|क्षेत्रफळ_वर्ग_किमी = ५४३१
|लोकसंख्या_एकूण = १६,३०,२३९
|जनगणना_वर्ष = २००१
|लोकसंख्या_घनता = ३००.८
|शहरी_लोकसंख्या = ३८.४९
|साक्षरता_दर = ८१.४१
|लिंग_गुणोत्तर = ९३८
|प्रमुख_शहरे =
|जिल्हाधिकार्यांचे_नाव =परिमल सिंग
|लोकसभा_मतदारसंघाची_नावे = १.[[अकोला (लोकसभा मतदारसंघ)]]
|विधानसभा_मतदारसंघाची_नावे = १.[[अकोला पूर्व विधानसभा मतदारसंघ|अकोला पूर्व]],२.[[अकोला पश्चिम विधानसभा मतदारसंघ|अकोला पश्चिम]],३.[[अकोट विधानसभा मतदारसंघ|अकोट]], ४.[[बाळापूर विधानसभा मतदारसंघ|बाळापूर]], ५.[[मुर्तिजापूर विधानसभा मतदारसंघ|मुर्तिजापूर]]
|खासदारांची_नावे = संजय धोत्रे
|पर्जन्यमान_मिमी =
|संकेतस्थळ = http://akola.nic.in
}}

{{जिल्हा सूचना|जिल्हा_नाव=अकोला}}

'''अकोला जिल्हा''' महाराष्ट्राच्या पूर्व भागात आहे.या जिल्ह्याचे प्रशासकीय केंद्र [[अकोला]] हे आहे.अकोला जिल्हा हा [[विदर्भ|विदर्भाच्या]] [[अमरावती]] प्रशासकीय विभागात येतो.
[[जुलै १]], [[इ.स. १९९८]] रोजी महाराष्ट्रातील अकोला जिल्ह्याचे विभाजन करण्यात आले. त्यामुळे अकोला व [[वाशीम जिल्हा|वाशिम]] हे दोन नवे जिल्हे निर्माण झाले.जिल्ह्याच्या सीमा उत्तरेस व पूर्वेस [[अमरावती जिल्हा]], दक्षिणेस [[वाशिम जिल्हा]] तर पश्चिमेस [[बुलढाणा जिल्हा]] आहे.

[[चित्र:Vidarbha Map.jpg|250px|thumb|विदर्भाच्या नकाशात जिल्ह्याचे स्थान]]
अकोला जिल्ह्यातील तालुके- [[अकोला तालुका|अकोला]], [[बाळापूर]], [[पातूर]], [[बार्शीटाकळी]], [[मुर्तिजापूर]], [[अकोट]] व [[तेल्हारा]]. अकोला जिल्ह्याचे क्षेत्रफळ ५,४३१ चौ.कि.मी असून लोकसंख्या १६,३०,२३९ इतकी आहे.

== भूरूपे ==
[[अकोला]] जिल्ह्यात विविध भूरूपे आहेत. [[पूर्णा]] नदीच्या खोऱ्यायाचा बहुतेक भाग सपाट मैदानाचा आहे. जिल्ह्यात उत्तर भागात [[गाविलगडचे डोंगर]], तर दक्षिण भागात [[अजिंठ्याचे डोंगर]] आहेत. जिल्ह्याच्या उत्तरेस [[किल्ले नर्नाळा|नर्नाळा किल्ला]] आहे. भूरूपांच्या उंचसखलपणावरून प्राकृतिक रचना समजते.

== जिल्ह्यातील तालुके ==
अकोला जिल्ह्यात खालील सात तालुक्यांचा समावेश होतो.
* [[अकोट]]
* [[अकोला तालुका]]
* [[तेल्हारा]]
* [[पातूर]]
* [[बार्शीटाकळी]]
* [[बाळापूर]]
* [[मुर्तिजापूर]]

== प्राकृतिक विभाग ==
[[चित्र:Akola Fort.png|thumb|200px|अकोला किल्ला]]
प्राकृतिक रचनेनुसार जिल्ह्याचे पुढील विभाग पडतात.
=== गाविलगडचा डोंगराळ प्रदेश ===
# या विभागात जिल्ह्यातील [[तेल्हारा]] व [[अकोट]] तालुक्यांचा उत्तर भाग येतो.
=== अजिंठ्याचा डोंगराळ व पठारी प्रदेश ===
जिल्ह्याच्या दक्षिण भागात अजिंठ्याचे डोंगर आहेत. हा भाग बराचसा पठारी आहे. यात पातूर व बार्शीटाकळी तालुक्यांचा भाग येतो.
=== [[पूर्णा नदी]]चा सखल प्रदेश ===
या प्रदेशात जिल्ह्याचा मध्यभाग येतो. यात मुर्तिजापूर, अकोला, बाळापूर तसेच अकोट व तेल्हारा तालुक्यांचा दक्षिण भाग यांचा समावेश होतो. बार्शीटाकळी तालुक्याचा उत्तर भागही यात येतो.

== नद्या ==
अकोला जिल्ह्यातील मुख्य नदी [[पूर्णा नदी|पूर्णा]] आहे. ही नदी जिल्ह्यात पूर्वेकडून पश्चिमेकडे वाहते. पूर्णा नदीस [[शहानूर नदी|शहानूर]], [[पठार नदी|पठार]], [[विद्रूपा नदी|विद्रूपा]], [[आस नदी|आस]], इत्यादी नद्या उत्तरेकडून येऊन मिळतात . [[उमा नदी|उमा]], [[काटेपूर्णा नदी|काटेपूर्णा]], [[मोर्णा नदी|मोर्णा]] व [[मन नदी|मन]] ह्या नद्या दक्षिणेकडून येऊन मिळतात. याशिवाय [[निर्गुणा नदी|निर्गुणा]] ही मन नदीची उपनदी जिल्ह्यातून वाहते. [[वाशीम जिल्हा|वाशीम जिल्ह्यात]] काटेपूर्णा नदीचा उगम आहे. ही नदी बार्शीटाकळी, मूर्तिजापूर व अकोला या तालुक्यांतून वाहते. ती लाईत गावाजवळ पूर्णा नदीस मिळते. मूर्तिजापूर तालुक्यात सांगवी या ठिकाणाजवळ पूर्णा व उमा नद्यांचा संगम झाला आहे. मन व म्हैस या नद्यांचा संगम बाळापूर जवळ झाला आहे.

== हवामान ==
अकोला जिल्हा समुद्रापासून दूर आहे. जिल्ह्याचे हवामान साधारण्पणे उष्ण व कोरडे आहे. उन्हाळा फार कडक असतो. [[मे]] महिन्यात तापमान महत्तम असते. [[डिसेंबर]] महिन्यात तापमान कमीतकमी असते. उन्हाळ्यात दिवसा तापमान बरेच वाढत असले तरी रात्री ते कमी होते. जिल्ह्यातील बाळापूर, अकोला, मूतिजापूर तालुक्यांत कमी पाऊस पडतो.

== नैसर्गिक संपत्ती ==
अकोला जिल्ह्यात गाविलगड व अजिंठ्याच्या डोंगरराळ भागात जास्त वने आहेत. वनात [[साग]] , ऐन, [[खैर]], [[अंजन]], इत्यादी वृक्ष आढळतात. तसेच [[मोर]], [[रानकोंबडा]], इत्यादी पक्षीही वनांत आहेत. पातूर तालुक्यात [[साग]], [[चंदन]], आढळते तसेच [[चारोळी]]चे उत्पादनही होते. जिल्ह्यात [[काटेपूर्णा अभयारण्य]] आहे.

== पाणीपुरवठा ==
अकोला जिल्ह्यात विहिरी व नद्या ही पाणीपुरवठ्याची मुख्य साधने आहेत. अकोट, तेल्हारा, पातूर, बार्शीटाकळी तालुक्यांत विहिरी जास्त आहेत. तेल्हारा तालुक्यात वान धरण आहे. याशिवाय महान, मोर्णा ही धरणे जिल्ह्यात आहेत. बार्शीटाकळी तालुक्यातील महान येथील धरण-प्रकल्प जिल्ह्यात मोठा आहे. पातूर तालुक्यात मोर्णा व निर्गुणा यांच्यावर धरणे आहेत.

== पिके ==
जिल्ह्यात खरीप व रब्बी हंगामात वेगवेगळी पिके होतात.
=== खरीप पिके ===
अकोला जिल्ह्यात [[कापूस]] हे महत्त्वाचे खरीप पीक आहे. अकोला, तेल्हारा, मूर्तिजापूर, बाळापूर, अकोट या तालुक्यांत कापसाचे पीक जास्त होते. या शिवाय इतर तालुक्यांतही थोडाफार कापूस होतो.
खरीप [[ज्वारी]]च्या उत्पादनात अकोला जिल्हा महाराष्ट्रात अग्रेसर आहे . ज्वारीचे पीक अकोला, बाळापूर, बार्शीटाकळी या तालुक्यांत सर्वात जास्त प्रमाणात घेतले जाते.

याशिवाय [[मूग]], [[तूर]], [[तांदूळ]], [[भुईमूग]], [[उडीद]], [[सोयाबीन]] आदी खरीप पिके जिल्ह्यात घेतली जातात.

=== रब्बी पिके ===
रब्बी हंगामात जिल्ह्यात प्रामुख्याने [[गहू]], [[हरभरा]], [[जवस]], [[करडई]], आदी पिके होतात. जिल्ह्यात बागायती शेतीसुद्धा थोड्याप्रमाणात होत असून त्यात मुख्यत: [[संत्री]], [[मिरची]], [[ऊस]], [[केळी]], [[पेरू]], [[बोरे]], [[पपई]] आणि [[टरबूज]] आदी पिके घेतली जातात. तेल्हारा व अकोट तालुक्यात [[विड्याची पाने|विड्याच्या पानांचे]] उत्पादन होते.

== वाहतूक व व्यापार ==
अकोला जिल्ह्यातील वाहतूक रस्ते व लोहमार्गाने चालते. शिवनी विमानतल् हा अकोला शहराचा विमानतल् आहे.
==== राष्ट्रीय महामार्ग ====
[[मुंबई]] - [[नागपूर]] - [[कोलकाता]] हा राष्ट्रीय महामार्ग अकोला जिल्ह्यातून जातो. या मार्गावर बाळापूर, अकोला, कुरणखेड, मूर्तिजापूर, इत्यादी ठिकाणे आहेत. शिवाय अकोला-हैदराबाद हा [[नांदेड]] मार्गे जाणारा राष्ट्रीय महामार्ग आहे. इंदूर-अकोला-नांदेड-हैदराबाद हा मार्ग राष्ट्रीय महामार्ग आहे.

==== प्रमुख रस्ते ====
तेल्हारा ते मंगरूळपीर मार्ग : तेल्हाऱ्याहून शेजारच्या वाशीम जिल्ह्यातील मंगरूळपीरकडे हा मार्ग जातो. या मार्गावर अंदुरा, अकोला, बार्शीटाकळी, महान आदी ठिकाणे आहेत. अकोट- वाशीम मार्ग : या मार्गावर पाटसूळ, चोहट्टा, अकोला, पातूर इत्यादी ठिकाणे आहेत. मूर्तिजापूरहून अमरावती जिल्ह्यातील अचलपूरकडे व कारंजामार्गे यवतमाळकडे मार्ग जातात.

=== लोहमार्ग ===
जिल्ह्यात [[अकोला रेल्वे स्थानक|अकोला]] व [[मूर्तिजापूर]] ही दोन महत्त्वाची रेल्वे जंक्शने आहेत. जिल्ह्यातील लोहमार्ग [[मध्य रेल्वे]]च्या भुसावळ विभागात मोडतात.
# मुंबई - नागपूर - कोलकाता लोहमार्ग: हा लोहमार्ग जिल्ह्यातून पश्चिमेकडून पूर्वेस जातो. या मार्गावर पारस, अकोला, बोरगाव मंजू, काटेपूर्णा, मूर्तिजापूर आदी स्थानके आहेत.
# [[खांडवा]] - [[पूर्णा]] लोहमार्ग : हा लोहमार्ग जिल्ह्यातून उत्तर-दक्षिण गेला आहे. या मार्गावर अकोट, पाटसूळ, अकोला, बार्शीटाकळी इत्यादी स्थानके असून हा मार्ग पुढे वाशीमहून [[हिंगोली]]मार्गे पूर्णाकडे जातो.
सध्या पुर्णा ते अकोला रेल्वेमार्ग ब्रॉडगेज झाला आहे. ग्यामार्गे अकोला-कुचीपूडी (हॅद्राबाद ) आणि नागपूर्-कोल्हापूर रेल्वे सुरू आहेत. अकोला-खण्डवा मार्ग अजुनही नॅरोगेज असून तो ब्रॉडगेज झाल्यास वर्हाड परीसराच्या विकासाला चालना मिळेल.

== हे सुद्दा पहा ==
[[अकोला‌ करार]]
{{महाराष्ट्रातील जिल्हे}}
{{महाराष्ट्र राज्य}}

{{संदर्भनोंदी}}

[[वर्ग:अकोला जिल्हा]]
[[वर्ग:अमरावती विभागातील जिल्हे]]

अकोला जिल्हा - आवृत्ती इतिहास

०५:३३, १ मे २०२२ वर ImportMaster