ImportMaster: robot: Import pages using विशेष:आयात

2022-05-01T17:08:40Z

नवीन पृष्ठ

{{माहितीचौकट व्यक्ती|नाव=कुर्बान हुसेन|धर्म=इस्लाम|जन्मनाव=अब्दुल रसूल कुर्बान हुसेन|जन्म_दिनांक=|मृत्यू_दिनांक=१२ जानेवारी १९३१|मृत्यू_कारण=फाशी|राष्ट्रीयत्व=भारतीय|ख्याती=स्वातंत्रसैनिक|जन्म_स्थान=[[सोलापूर]], [[महाराष्ट्र]]}}'''अब्दुल रसूल कुर्बान हुसेन''' हे [[सोलापूर]] येथील स्वातंत्र्य चळवळीतले पत्रकार होते. कुर्बान हुसेन यांना इंग्रजांनी [[भारतीय स्वातंत्र्यलढा|स्वातंत्र्यलढ्यातील]] सहभागाबद्दल दोषी ठरवून, १२ जानेवारी १९३१ रोजी फासावर चढविले. त्यावेळी कुर्बान हुसेन यांचे वय अवघे २२ वर्षे होते. एवढ्या तरुण वयात हौतात्म्य लाभलेले ते पहिलेच संपादक असावेत.<ref>{{स्रोत पुस्तक|title=मार्शल लॉ आणि सोलापूरचे चार हुतात्मे|last=पुंडे|first=नीलकंठ|publisher=सुविद्या प्रकाशन|year=प्रथम आवृत्ती , मार्च २००९|isbn=|location=सोलापूर|pages=}}</ref>

सोलापुरातील स्वातंत्र्यलढा दडपण्यासाठी इंग्रजांनी [[सोलापूर मार्शल कायदा|मार्शल कायदा]] लागू केला. त्यामुळे कुर्बान हुसेन यांचे वृत्तपत्र बंद पडले.त्यांनी १९२७ साली ‘गझनफर’ नावाचे [[उर्दू भाषा|उर्दू]] भाषेतील साप्ताहिक सुरू केले होते. ‘गझनफर’ या शब्दाचा अर्थ आहे सिंह. [[लोकमान्य टिळक|लोकमान्य टिळकांच्या]] ‘[[केसरी (वृत्तपत्र)|केसरी]]’ वृत्तपत्राने ज्याप्रमाणे स्वातंत्र्यलढ्यासाठी जागृती केली, त्याचप्रमाणे सोलापूर जिल्हयात कुर्बान हुसेन यांच्या ‘गझनफर’ वृत्तपत्राने कार्य सुरू केले होते. गझनफर हे नाव उर्दू भाषेतील होतं, परंतु ते मराठी भाषेत देवनागरी लिपीत छापले जात असे. त्यांनी गझनफर वृत्तपत्रातून स्वातंत्र्यलढा, कामगारांचे प्रश्न, हिदु-मुस्लिम ऐक्य यासह विविध विषयांवर लेखन केले.<ref>{{स्रोत बातमी|url=https://divyamarathi.bhaskar.com/news/MAH-WMAH-SOL-article-on-kurban-husain-and-his-journalism-5215352-NOR.html|title=कुर्बान हुसेन यांची पत्रकारिता राष्ट्रप्रेम सामाजिक ऐक्याची|last=मोकाशी|first=रवींद्र|date=६ जानेवारी २०१६|work=दिव्य मराठी|access-date=२० ऑगस्ट २०१८|archive-url=|archive-date=|dead-url=}}</ref> त्यांची भाषा प्रभावी आणि परखड होती. कुर्बान हुसेन हे एका सामान्य मुस्लिम कुटुंबात जन्माला आले. ते गिरणी कामगार होते. कॉंग्रेसचे कार्यकर्ते म्हणून ते ओळखले जात होते, ते सभांमध्ये अतिशय प्रभावी भाषणे करीत असत. ५ मे १९३० रोजी महात्मा गांधीजींना अटक झाल्यानंतर सोलापूर शहरात जे सभा झाली, त्यातील त्यांचे भाषण ऐकून तरुण कार्यकर्ते इंग्रजाविरुद्ध पेटून उठले होते. सोलापुरातील तरुण रस्त्यावर उतरल्यानंतर येथील परिस्थिती कलेक्टर यांच्या नियंत्रणाबाहेर गेली. त्यामुळे ९, १०, ११ मे १९३० हे तीन दिवस सोलापूर शहरात इंग्रज सरकारचे शासनच नव्हते. भारताला स्वातंत्र्य मिळण्याआधी तीन दिवस सोलापूर शहराने पूर्ण स्वातंत्र्य अनुभवले.

== संदर्भ ==

[[वर्ग:भारतीय स्वातंत्र्यसैनिक]]
[[वर्ग:भारतीय पत्रकार]]
[[वर्ग:पुरुष चरित्रलेख]]
[[वर्ग:इ.स. १९०९ मधील जन्म]]
[[वर्ग:इ.स. १९३१ मधील मृत्यू]]
[[वर्ग:सोलापूर]]
[[वर्ग:ऐतिहासिक व्यक्ती]]

अब्दुल रसूल कुर्बान हुसेन - आवृत्ती इतिहास

ImportMaster: robot: Import pages using विशेष:आयात