ImportMaster: robot: Import pages using विशेष:आयात

2022-05-01T09:56:24Z

नवीन पृष्ठ

{{माहितीचौकट हिंदू दैवत
| चित्र = Ahalya.jpg
| चित्र_रुंदी = 200px
| चित्र_शीर्षक = [[राजा रविवर्मा]]कृत ''अहल्या'' (१८४८ - १९०६)
| नाव = अहल्या
| नाव_मराठी_देवनागरी_लेखन = अहल्या
| निवासस्थान = गौतम ऋषींचा आश्रम
| पती_नाव = [[गौतम ऋषी]]
}}

[[हिंदू]] पौराणिक साहित्यानुसार '''अहल्या''' (मराठी लेखनभेद: '''अहिल्या''') ही [[ब्रह्मा|ब्रह्मदेवाची]] मानसकन्या व [[गौतम ऋषी|शरद्वत् गौतम]] ऋषीची पत्नी होती<ref name="चरित्रकोश">[{{स्रोत पुस्तक | title = भारतवर्षीय प्राचीन चरित्रकोश | संपादक = [[सिद्धेश्वरशास्त्री चित्राव]] | प्रकाशक = भारतीय चरित्रकोश मंडळ, पुणे | वर्ष = इ.स. १९६८ | पृष्ठ = ९०-९१ | भाषा = मराठी }}</ref>. देवांचा राजा [[इंद्र]] याच्यासह हिने केलेल्या जारकर्म उघडकीस आल्यावर संतापलेल्या शरद्वत् गौतमाने हिला शाप दिल्याची घटना व पुढे [[राम|रामाने]] [[सीता]]विवाहाला जाताना हिचा उद्धार केल्याची घटना, अश्या हिच्या आयुष्यातील दोन प्रमुख प्रसंगांचे वर्णन [[वाल्मीकि रामायण|वाल्मीकि रामायणात]] व अन्य पौराणिक साहित्यात आढळते. शरद्वत् गौतमाने दिलेला शाप ही पातिव्रत्याच्या निष्ठेस जागून भोगत राहिली, म्हणून ही शुद्धचरित मानल्या जाणाऱ्या [[पंचकन्या|पंचकन्यांपैकी]] एक मानली जाते. मात्र त्यासोबतच हिच्या हातून घडलेल्या पापकर्मामुळे पुरुषकेंद्रित दृष्टिकोनाच्या कथासंभारातून हिचे चित्रण पतिता म्हणून केले गेल्याचे आढळते{{संदर्भ हवा}}

ब्रह्म देवाने विश्वातील सर्वात सुंदर स्त्री म्हणून अहल्येची घडणा केली. तिचा विवाह तिच्यापेक्षा वयाने बरेच मोठे असलेल्या गौतम ऋषींसोबत करून देण्यात आला. सर्वात जुन्या कथेनुसार इंद्र गौतम ऋषींचे रूप घेऊन अहल्येसमोर येतो. तिला हे कळूनही ती इंद्राच्या या कृत्याचा विरोध करत नाही. नंतरच्या कथांमध्ये अनेकदा तिला या दोषातून मुक्त केले गेले व ती इंद्राच्या कपटाला बळी पडली किंवा इंद्राने तिचा बलात्कार केला असे मांडण्यात आले. मात्र सर्व कथांनुसार तिला व तिचा प्रेमी (किंवा बलात्कारी) इंद्र यांना गौतम ऋषी शाप देतात. या शापाचे स्वरूपही ग्रंथांमध्ये वेगवेगळे आहे मात्र सर्वांनुसार राम अहल्येच्या उद्धारास कारणीभूत ठरतो. काही कथांनुसार अहल्येने शापाचे प्रायश्चित्त म्हणून अज्ञातवास स्विकारला व रामाचे आदरातिथ्य करून तिचा हा अज्ञातवास संपला. यानंतर प्रचलित झालेल्या कथांमध्ये असे मांडण्यात आले की ऋषींच्या शापामुळे ती दगड बनली व नंतर रामाचा पाय लागून तिचा उद्धार झाला.

तिची कथा प्राचीन धर्मग्रंथापासून ते आधुनिक साहित्य व कविता तसेच नाट्य व नृत्यांमधून अनेकदा मांडण्यात आली आहे. प्राचीन कथा रामावर केंद्रित असून सद्यःकालीन कथा अहल्येला केंद्रस्थानी ठेवतात. काही कथांमध्ये तिच्या मुलांचाही उल्लेख केला गेला आहे.
== संदर्भ व नोंदी ==
{{संदर्भयादी}}

{{कॉमन्स वर्ग|Ahalya|{{लेखनाव}}}}
{{विस्तार}}
{{रामायण}}

[[वर्ग:रामायणातील व्यक्तिरेखा]]
[[वर्ग:हिंदू पौराणिक व्यक्ती]]
[[वर्ग:पंचकन्या]]
[[वर्ग:हिंदू पुराणातील पतिव्रता]]

अहल्या - आवृत्ती इतिहास

ImportMaster: robot: Import pages using विशेष:आयात