ImportMaster: robot: Import pages using विशेष:आयात

2022-05-01T17:41:09Z

नवीन पृष्ठ

{{माहितीचौकट भारतीय न्यायक्षेत्र
| स्थानिक_नाव = उस्मानाबाद
| इतर_नाव = धाराशिव
| टोपणनाव =
| प्रकार = शहर
| अक्षांश = 18.17
| रेखांश = 76.05
| शोधक_स्थान= right
| राज्य_नाव = महाराष्ट्र
| जिल्हा = [[उस्मानाबाद जिल्हा|उस्मानाबाद]]
| नेता_पद = प्रशासक
| नेता_नाव = हरिकल्याण येलगट्टे <ref>{{संकेतस्थळ स्रोत|url=https://www.lokrajyalive.com/2022/03/blog-post_346.html|title=जिजाऊ चौक ते बोंबले हनुमान चौक रस्त्याच्या कामाचा शुभारंभ|access-date=2022-03-29}}</ref>
| उंची = 647
| लोकसंख्या_वर्ष = 2011
| लोकसंख्या_एकूण = ११२,०८५
| लोकसंख्या_घनता =
| क्षेत्रफळ_आकारमान= sq. km
| क्षेत्रफळ_एकूण =
| एसटीडी_कोड = ०२४७२
| पिन_कोड = ४१३५०१
| आरटीओ_कोड = MH-25
| लिंग_गुणोत्तर = १.०७६
| unlocode =
| संकेतस्थळ = osmanabad.gov.in
| तळटिपा =
| लोकसंख्या_क्रमांक=
|अधिकृत_भाषा=मराठी
}}
'''उस्मानाबाद''' ([[इंग्लिश भाषा|इंग्रजी]] : Osmanabad) शहर हे [[उस्मानाबाद जिल्हा|उस्मानाबाद जिल्ह्याचे]] प्रशासकीय मुख्यालय आहे. त्याचे नाव ७व्या निजाम [[मीर उस्मान अली खान]] नंतर ठेवले गेले आहे. शहराचे जुने नाव उस्मानाबादची ग्रामदैवत असलेल्या धारासुर मर्दिनी या देवीच्या नावावरून धाराशिव असल्याचे खुप पुरावे सापडतात पण निजामशाही मधील राजा उस्मान अली खान याच्या नावावरून धाराशिव शहराचे नाव उस्मानाबाद झाल्याचेही संदर्भ आढळतात.<ref>{{स्रोत बातमी|url=https://www.amarujala.com/india-news/maharashtra-cm-uddhav-thackeray-is-consistent-to-change-name-of-cities|title=कांग्रेस का विरोध मुख्यमंत्री ठाकरे पर बेअसर, ट्विटर पर उस्मानाबाद को लिखा 'धाराशिव'|publisher=Amar Ujala}}</ref>

इ.स. २०११ च्या जनगणनेनुसार उस्मानाबाद शहराची लोकसंख्या ११२०८५ होती. पैकी ५८०९८ पुरुष तर ५३९८७ स्त्रिया होत्या. १३३४६ व्यक्ती ६ वर्षांखालील होत्या. उस्मानाबाद शहराचे लिंग गुणोत्तर १००० पुरुषांमागे ९२९ स्त्रिया आहे. साक्षरता प्रमाण ८८.१५% आहे. पुरुष साक्षरता ९३.४५% आहे, तर स्त्री साक्षरता ८२.५२% आहे.

उस्मानाबादमध्ये डॉ. बाबासाहेब आंबेडकर मराठवाडा विद्यापीठाचे उपकेंद्र आहे.

== इतिहास ==
उस्मानाबाद हे नाव [[हैदराबाद संस्थान|हैदराबाद संस्थानचा]] निझाम [[मीर उस्मान अली खान]] याच्या नावावरून पडले. उस्मानाबादचे पूर्वीचे नाव धाराशिव असे होते.

तुळजाभवानी ही उस्मानाबादची कुलस्वामिनी म्हणून मानली जाते. तुळजाभवानीचे हे देवस्थान देवीच्या साडेतीन शक्तिपीठांपैकी एक आहे. [[तुळजापूर]] गाव नवरात्रात भक्तांनी गजबजलेले असते.आणि येथे मोठ्या प्रमाणात भाविक जमत असतात. जिल्ह्यातील नळदुर्ग येथील जलदुर्ग आणि परंडा येथील भूईकोट किल्ला प्रसिद्ध आहेत. [[नळदुर्ग]] किल्ल्यातील नर-मादी धबधबा प्रसिद्ध आहे. हा किल्ला बोरी नदीला नैसर्गिक खंदक समजून त्यानुसार बांधलेला असून, येथील जलमहाल हा वास्तूशास्त्राचा उत्कृष्ट नमुना आहे. [[नळदुर्ग]] जवळ [[अणदूर]] येथील खंडोबाचे [[मंदिर]], [[तेर]] येथील संत गोरोबा काकांचे मंदिर, डोमगाव येथील कल्याणस्वामींचे मंदिर प्रसिद्ध आहेत. उस्मानाबाद शहरातील धारासूर मर्दिनीचे मंदिर तसेच शमशोद्दीन गाझी यांचा दर्गा प्रसिद्ध आहे.

शहराच्या बाहेर हातळादेवीचे रम्य मंदिर आहे. हे मंदिर हतलई नावाने ओळखले जाते. शहराचा मध्यभागातून भोगावती नदी वाहते. उस्मानाबाद शहराच्या जवळच आठ किलोमीटर अंतरावर 'धाराशिव’ नावाची जैन लेणी आहेत. उस्मानाबादचा इतिहास रामायण काळापासून आढळतो. वनवासात असताना काही काळ रामाने या ठिकाणी वास्तव केल्याचे सांगतात. उस्मानाबाद शहरानजीक पापनाश येथे सीतेची नहाणी आहे. या परिसरात केवड्याची झाडे आहेत. त्यापूर्वी उस्मानाबाद मौर्य, सातवाहन, राष्ट्रकूट आणि यादवांचे राज्य होते. त्यानंतर उस्मानाबाद बहामणी आणि विजापूर संस्थानात अाले. १९४८ पर्यंत उस्मानाबाद [[हैदराबाद संस्थान|हैदराबाद संस्थानात]] होते. उस्मानाबादची शेळी प्रशिद्ध आहे

या जिल्ह्यामध्ये परंडा व नळदुर्ग या ठिकाणी किल्ले आहेत. तुळजापूर या ठिकाणी तुळजा भवानीचे भव्य मंदिर आहे. उस्मानाबाद शहराला ऐतिहासिक वारसा लाभलेला आहे. बालाघाट डोंगर रागामध्ये वसलेले गाव आहे. त्या जवळ तुळजाभवानी देवीचे मंदिर जवळ लाभले गेले आहे. त्या ठिकाणी प्रसिद्ध असे हतलादेवी मंदिर ही आहे. [[श्री दत्त मंदिर संस्थान रुईभर]] हे उस्मानाबाद पासून १५ कि. मी. अंतरावर दत्तमहाराजांचं एक अतिभव्य मंदिर आहे. त्यातील बांधकाम काळ्या पाषाणातील असून त्यावर अत्यंत सुबक व उठावदार नक्षीकाम आहे.
== खास पदार्थ ==
उस्मानाबादचे गुलाब जामून प्रसिद्ध आहेत. खवा, मैदा आणि साखरेचा पाक यापासून बनवलेले गुलाब जामून स्वादिष्ट आहेत. याशिवाय उस्मानाबादी शेळीचे चवदार मटन प्रसिद्ध आहे. या मटनाचा शेरवा किंवा रस्सा वैशिष्ट्यपूर्ण असून मटन शिजवलेल्या गरम पाण्यात हळद, तीखट, काळा मसाला, मिरची, लसूण, अद्रक, कोथिंबीर आदी टाकून त्यापासून बनवलेला शेरवा लोकप्रिय आहे.

कुंथलगिरी जवळील धुळे-सोलापूर या राष्ट्रीय महामार्गावरील सरमकुंडी फाटा येथील खवा, पेढे प्रसिद्ध आहेत.

== वाहतूक ==
उस्मानाबाद शहर राष्ट्रीय महामार्ग ५२<ref>[https://morth.nic.in/sites/default/files/Details-of-National-Highways-as-on-31.03.pdf Details of National Highways (NHs) as on 31.03.2019]</ref> वर वसले आहे. हा राष्ट्रीय महामार्ग [[संगरूर]]([[पंजाब]])-[[हिस्सार]]([[हरियाणा]])-[[कोटा]]-[[इंदूर]]-[[धुळे]]-[[औरंगाबाद]]-[[बीड]]-उस्मानाबाद-[[तुळजापूर]]-[[सोलापूर]]-[[विजापूर|विजयपूर]]-[[हुबळी]]-[[अंकोला]]([[कर्नाटक]]) असा जातो.

उस्मानाबाद शहर रेल्वे ने जोडले आहे. उस्मानाबाद हे लातूर रोड ते मिरज जंक्शन या रेल्वेमार्गावरील महत्त्वाचे रेल्वे स्थानक आहे. उस्मानाबाद येथून पुणे, मुंबई, कोल्हापूर,पंढरपूर, मिरज, लातूर, नांदेड, परभणी, परळी वैजनाथ, अकोला नागपूर, हैदराबाद, निजामाबाद, बिदर आदी ठिकाणी जाण्यासाठी रेल्वेगाड्या उपलब्ध आहेत.

== हेसुद्धा पहा ==
*[[उस्मानाबाद जिल्हा]]
*[[हैदराबाद संस्थान]]

==संदर्भ==
* [http://www.maharashtra.gov.in/english/gazetteer/FINAL_GAZETTEE1/index.html महाराष्ट्र शासनाच्या संकेतस्थळावरील {{लेखनाव}} विषयक लेख]

[[वर्ग:उस्मानाबाद जिल्हा]]
[[वर्ग:मराठवाडा|शहरे]]
[[वर्ग:मराठवाड्यातील शहरे]]
[[वर्ग:हैदराबादचे निजाम]]

उस्मानाबाद - आवृत्ती इतिहास

ImportMaster: robot: Import pages using विशेष:आयात