ImportMaster: robot: Import pages using विशेष:आयात

2022-05-01T17:05:26Z

नवीन पृष्ठ

'''आचार्य गिरिराज किशोर''' ([[४ फेब्रुवारी]], [[इ.स. १९२०]]:मिसौली, [[एटा जिल्हा]], [[उत्तर प्रदेश]], [[भारत]] - [[१३ जुलै]], [[इ.स. २०१४]]) [[विश्‍व हिंदू परिषद|विश्‍व हिंदू परिषदेचे]] मार्गदर्शक होते. त्यांचा जन्म [[उत्तरप्रदेश|उत्तरप्रदेशातील]] [[एटा जिल्हा|एटा जिल्ह्याच्या]] मिसौली नावाच्या छोट्या गावात झाला. त्यांनी [[अलीगढ]] येथून शिक्षण घेतले.

==कार्य==
नंतर [[आग्रा]] येथे वास्तव्यास असतानाच संघाचे प्रचारक दीनदयाल आणि भव जुगादे यांच्या संपर्कात आले. देशप्रेमाच्या विचारांनी ते भारले. राष्ट्रीय स्वयंसेवक संघाच्या विचारांनी प्रेरित होऊन [[स्वयंसेवक]] झाले.
काही काळानंतर प्रचारक म्हणून काम करू लागले. त्यांनी मैनपुरी, आग्रा, [[भरतपूर]], [[धौलपूर]] येथे काम केले. १९४८ साली संघावर विनाकारण बंदी घातली गेली. यामध्ये त्यांनाही गोवले गेले. ते [[बनारस]]च्या कारागृहात १३ महिने बंदिस्त राहिले. याकाळात त्यांना उच्च शिक्षणाची गोडी वाटली. त्यांनी बी.ए. व नंतर [[इतिहास]], [[हिंदी]] व [[राज्यशास्त्र]] या विषयांत एम.ए. केले. १९४९ ते १९५८ पर्यंत त्यांनी [[ओरिसा]] राज्यात [[प्रचारक]] म्हणून काम केले. काही काळानंतर त्यांनी [[मध्यप्रदेश|मध्यप्रदेशातील]] [[भिंड]] जिल्ह्यातील अडोखर महाविद्यालयाचे [[प्राचार्य]] म्हणूनही काम केले. काही काळातच त्यांच्यातला कार्यकर्ता जागा झाला व [[अखिल भारतीय विद्यार्थी परिषद|अ. भा. विद्यार्थी परिषदेचे]] राष्ट्रीय उपाध्यक्ष आणि नंतर संघटन मंत्री या पदांवर ते कार्य करू लागले. नंतर त्यांनी राजस्थानला हेच कार्य केले.

===मीनाक्षीपुरमचे धर्मांतर===
१९७९ साली [[मीनाक्षीपुरम]] येथील तीन हजार [[हिंदु|हिंदूंचे]] मुसलमानांनी [[धर्मांतर]] करण्याचा प्रयत्न केला. यामुळे [[इंदिरा गांधी]] अस्वस्थ झाल्या व त्यांनी संघाची मदत मागितली. यावेळी [[विराट हिंदू समाज]] नावाच्या संस्थेची स्थापना केली गेली. संघाच्या वतीने [[अशोक सिंघल]] आणि आचार्य गिरिराज किशोर यांनी याचे नेतृत्व केले. हिंदूंना परत धर्मात आणले.

१९८३ साली एकात्मता यात्रेचे नियोजन त्यांनी केले.

पुढे त्यांनी खालील कामे केली.:
* संस्कृती रक्षा योजना -स्थापना
* द्वितीय एकात्मता यज्ञ यात्रा
* राम जानकी यात्रा
* रामशिला पूजन
* राम ज्योती अभियान
* रामंदिराचा शिलान्यास

==आतरराष्ट्रीय एकात्मता==
[[इंग्लंड]], [[हॉलंड]], [[बेल्जियम]], [[फ्रान्स]], [[स्पेन]], [[जर्मनी]], [[रशिया]], [[नॉर्वे]], [[स्वीडन]], [[डेन्मार्क]], [[इटली]], [[मॉरिशस]], [[मोरोक्को]], [[गयाना]], [[नैरोबी]], [[श्रीलंका]], [[नेपाळ]], [[भूतान]], [[सिंगापूर]], [[जपान]], [[थायलंड]] आदी देशांना भेटी देऊन तेथील हिंदूंना एकत्र आणण्याचा प्रयत्न केला.

==वैज्ञानिक दृष्टी==
त्यांच्या इच्छेनुसार त्यांचे नेत्र आणि त्यांचा देह वैद्यकीय महाविद्यालयाला दान करण्यात आला.

==पुरस्कार==
* आचार्य गिरिराज किशोर यांना भारत सरकारने इ.स. २००७मध्ये साहित्य आणि शिक्षण यांतील कार्यासाठी पद्मश्री हा पुरस्कार दिला.

==हेही पहा==
* [[अखिल भारतीय विद्यार्थी परिषद]]
* [[विश्व हिंदु परिषद]]
* [[राष्ट्रीय स्वयंसेवक संघ]]

==बाह्य दुवे==
* [http://maharashtratimes.indiatimes.com/nation/senior-vhp-leader-giriraj-kishore-dies-in-delhi-at-the-age-of-94/articleshow/38333182.cms गिरिराज किशोर]
* [http://www.saamana.com/2014/July/15/stambhalekh.htm ठसा - आचार्य गिरिराज किशोर]{{मृत दुवा}}

{{DEFAULTSORT:गिरिराज किशोर, आचार्य}}
[[वर्ग:राष्ट्रीय स्वयंसेवक संघ]]
[[वर्ग:विश्व हिंदु परिषद]]
[[वर्ग:हिंदू नेते]]
[[वर्ग:इ.स. १९२० मधील जन्म]]
[[वर्ग:इ.स. २०१४ मधील मृत्यू]]
[[वर्ग:पद्मश्री पुरस्कारविजेते]]
[[वर्ग:पुरुष चरित्रलेख]]

गिरिराज किशोर - आवृत्ती इतिहास

ImportMaster: robot: Import pages using विशेष:आयात