०४:४९, १ मे २०२२ वर ImportMaster

2022-05-01T04:49:35Z

नवीन पृष्ठ

{{संदर्भ कमी}}
[[चित्र:संत गोरा कुंभार यांचे समाधीमंदिर,तेर.jpeg|right|thumb|300px|संत गोरा कुंभार यांचे तेर येथील समाधी मंदिर]]
'''गोरा कुंभार''' ([[इ.स. १२६७]] - २० एप्रिल १३१७) हे [[महाराष्ट्र|महाराष्ट्रातील]] [[वारकरी]] संप्रदायातील संत होते. ते [[नामदेव]] व [[ज्ञानेश्वर|ज्ञानेश्वरांचे]] समकालीन मानले जातात व तज्ज्ञांच्या मते [[शा.श. ११८९]] ([[इ.स. १२६७]]) साली त्यांचा जन्म झाला असावा<ref>{{संकेतस्थळ स्रोत | दुवा= http://www.hindupedia.com/en/Saint_Gora_Kumbhar.| प्रकाशक=हिंदुपीडिया | भाषा=इंग्रजी | title=संत गोरा कुंभार | ॲक्सेसदिनांक=१८ ऑगस्ट, २०१२}}</ref>.संत गोरा कुंभार यांनी अनेक अंभग लिहिले आहेत. गोरा कुंभार हे [[विठ्ठलाचे]] ([[पांडुरंग]]) मोठे भक्त होते.

त्यांनी चैत्र कृष्ण त्रयोदशी, शके १२३९ (२०एप्रिल १३१७) रोजी समाधी घेतली. गोरा कुंभार यांना गोरोबा काका म्हणत. त्यांची समाधी समजले जाणारे संत गोरोबा काका मंदिर [[उस्मानाबाद]] जिल्ह्यात [[तेर]] नावाच्या गावी आहे. याशिवाय ऐनपूर (जिल्हा - [[राहू]] (जिल्हा - [[पुणे]]), [[दौलताबाद]] (जिल्हा - [[औरंगाबाद]]), बजाजनगर [(जिल्हा-औरंगाबाद)], तुर्काबाद खराडी [(जिल्हा-औरंगाबाद)], काटे पिंपळगाव (जिल्हा - औरंगाबाद), [[कोकिसरे]] (जिल्हा - [[सातारा]]) , [[कुंभार्ली]] (जिल्हा - [[रत्‍नागिरी]]), [[सेलू]] (जिल्हा - [[परभणी]]), [[कर्जत]] (जिल्हा - [[रायगड]]) येथे आणखी संत गोरोबा काका मंदिरे आहेत.

शिरोली बु॥ कुंभारवाडा (जिल्हा - [[पुणे]]) येथे भालचंद्र उकिर्डे, दिगंबर उकिर्डे, सदानंद उकिर्डे आणि कुंभार समाज शिरोली बु॥ ह्यांच्या प्रयत्नाने ३ फेब्रुवारी २०२२ मध्ये संत शिरोमणी गोरोबा काका-विठ्ठल रुख्मिणी मूर्ती स्थापना थेतील गणेश मंदिर परिसरामध्ये करण्यात आली. सविस्तर https://www.ganeshmandirshiroli.in/

==आणखी माहिती==
“तेर’ नगरीत गोराबा काका यांच्या घराण्याची परंपरा धार्मिक वृत्तीची व सदाचारी वृत्तीची होती. “तेर’ येथील “काळेश्वर’ या ग्रामदैवतांचे त्यांचे घराणे उपासक होते. दोघे नवराबायको कुंभारकाम व काबाडकष्ट करून आपल्या कुटुंबाचा उदरनिर्वाह करीत होते. सदाचारी, सच्छिल वृत्तीमुळे “तेर’ गावात माधव बुवांना “संत‘ म्हणून गावकरी ओळखत होते. माधवबुवांना आठ मुले झाली होती. त्यांना झालेली मुले जगत नव्हती. त्यांनी आपली ८ ही मुले काळेश्वराजवळील स्मशानातील गोरीत पुरली होती. ती आठही मुले जिवंत कशी झाली. यासंबंधी एक आख्यायिका संत गोरोबा काका चरित्रामध्ये महादेव बाळाजी कुंभार यांनी सांगितली आहे. ते आपल्या चरित्रामध्ये म्हणतात,””श्री माधवबुवा “तेर’ येथील काळेश्वराची उपासना करीत होते. त्यांना आठ पुत्र होते. त्यांना आठ पुत्र झाले. परंतु ते सर्व एकामागून एक निवर्तले. पुढे कालांतराने परमात्मा पांडुरंग ब्राह्मणाचा वेष घेऊन त्यांचे घरी आले. तेव्हा त्यांनी खिन्न मुद्रा पाहून देवांनी त्यांना विचारले की, तुम्ही दुःखी का?’ माधबुवांनी सांगितले की,”आमची आठही मुले देवाने नेली, म्हणून दुःखी आहोत’ नंतर देवाने आठ मुलांना जेथे मूठमाती दिली, ती जागा दाखविण्यास सागितले. माधवबुवांनी त्यांना काळेश्वर जवळील स्मशानात नेले, व देवास आठही मुले कोठे पुरली ती जागा दाखविली. देवांनी सर्व मुलांची प्रेते उकरण्यास सांगितली. बुवांनी त्याप्रमाणे आठही मुलांची प्रेते बाहेर काढली. देवाने पाहिले व सात मुलांना आपल्या हाताच्या स्पर्शाने जिवंत केले व त्यांना स्वर्गात पाठविले आणि नंतर आठवा मुलगा जिवंत केला. तोही स्वर्गाच्या मार्गाने निघाला. परंतु देवाने त्यास जाऊ दिले नाही. भगवंताने त्याला आपल्या हातात घेऊन माधवबुवा रखुमाईच्या स्वाधीन केले. देव म्हणाले, ‘तुला गोरीतून काढले म्हणून तुझे नाव गोरोबा ठेवले.’ या आख्यायिकेच्या मागे चमत्काराचा भाग असलेला दिसून येतो. संतांच्या चरित्रात असे अनेकविध चैतन्याचे चमत्कार वर्णिलेले आहेत. चमत्काराचे चैतन्य असते. पण बऱ्याचदा समृद्ध समाजाला अशा चमत्कारातून चेतना मिळण्याऐवजी त्यांच्या ठिकाणी अंधश्रद्धा बळावताना दिसते. संतांचे जीवन दर्शन घडवितानासुद्धा केवळ चमत्कार हे त्यांचे साध्य नव्हते तर साधन होते, याचे भान राखावे. म्हणून फक्त तो त्यांच्या जीवनातील एक चमत्काराचा भाग समजावा. फार तर त्याचा सरळ सरळ अर्थ घेणे योग्य नाही. याबाबत असे म्हणता येईल की, माधवबुवा धार्मिक व सहिष्णु वृत्तीचे होते. काळेश्वरावर त्यांची निस्सीम श्रद्धा व भक्ती होती. सात मुले एका मागोमाग गेली परंतु आठवा मुलगा गोरोबा जिवंत राहिला. म्हणून माधवबुवांना तो आपल्या श्रद्धेचा, भक्तीचा, महिमा वाटला. यावरून एवढाच तर्क करता येतो किंवा अंदाज बांधता येतो की, अत्यंत प्रतिकूल परिस्थितीत गाोरोबांचा जन्म झाला आहे.

==गोरा कुंभार यांनी रचलेल्या काही अभंगांची पहिली ओळ==
*१. अंतरीचे गुज बोलू ऐसे काही वण
*२. एकमेकामाजी भाव एकविध
*३. कवण स्तुति कवणिया वाचे
*४. काया वाचा मन एकविथ करी
*५. कासयासी बहू घालसी मळण
*६. केशवाच्या भेटी लागलेसे पीस
*७. कैसे बोलणे कैसे चालणे
*८. जो आवडी निर्गुणाचा संग धरिला
*९. जोहरियाचे पुढे ठेवियले रत्‍न
*१०. देवा तुझा मी कुंभार
*११. नामा ऐसे नाम तुझिया स्वरूपा
*१२. निर्गुण रूपडे सगुणाचे बुंथी
*१३. निर्गुणांचे भेटी आलो सगुणासंगे
*१४. ब्रह्म मूर्तिमंत जगी अवतरले
*१५. मुकिया साखर चाखाया दिधल
*१६. रोहिदासा शिवराईसाठी
*१७. वंदावे कवानासी निंदावे कवनासी
*१८. श्रवणे नयन जिव्हा शुद्ध करी
*१९. सरितेचा ओघ सागरी आटला
*२०. स्थूळ होते ते सूक्ष्म पै जहाल

==गोराकुंभार यांची चरित्रे व जीवनकार्यावरील ग्रंथ==
* संत गोरा कुंभार (लेखक - अशोकजी परांजपे)
* श्री विठ्ठलाच्या संत मेळाव्यात श्रीसंत गोरा कुंभार (लेखक - धोंडीराम दौलतराव कुंभार).
* संत गोरा कुंभार (लेखक - निवृत्ती वडगांवकर)
* संत गोरा कुंभार वाङमय दर्शन (लेखक - बाबुराव उपाध्ये)
* गोरा कुंभार (लेखक - प्रा. [[बाळकृष्ण लळीत]])
* संत गोरा कुंभार (लेखक - महादेव कुंभार)
* संत गोरा कुंभार (लेखक - मा.दा. देवकाते)
* श्री गोरा कुंभार चरित्र (लेखक - वीणा र. गोसावी)
* [[विलास राजे]] यांनी लिहिलेला संत गोरा कुंभार यांच्या जीवनकार्यावर आधारित ग्रंथ, ’जीवनमुक्त’ हा २५-५-२०१३ रोजी, डॉ. रामकृष्णदास लहिवतकर यांच्या हस्ते चिंचवडमध्ये प्रकाशित झाला.
* म्हणे गोरा कुंभार (लेखक - [[वेदकुमार वेदालंकार]])
* गोरा कुंभार (लेखक - [[स.अ. शुक्ल]])

==चित्रपट==
* ’भगत गोरा कुंभार’ नावाचा हिंदी चित्रपट १९७८मध्ये निघाला होता. दिग्दर्शन दिनेश रावल यांनी केले होते.
* संत गोरा कुंभार नावाचे मराठी नाटक होते. त्यात [[प्रसाद सावकार]] यांनी गोरोबांची भूमिका केली होती. लेखन [[अशोकजी परांजपे]] यांचे होते.
* 'संत गोरा कुंभार' मराठी चित्रपट (दिग्दर्शक - राजा ठाकूर)
* संगीत संत गोरा कुंभार (मराठी नाटक, लेखकः- [[अशोकजी परांजपे]]; दिग्दर्शक - मिलिंद टिकेकर) : रत्‍नागिरीच्या राधाकृष्ण कलामंचाने अहमदनगर येथे भरलेल्या ५८व्या नाट्य संमेलनात सादर केलेल्या या नाटकाला 'हौशी संगीत नाटका'साठीचा प्रथम पुरस्कार मिळाला.

==हेही पहा==gr

==संदर्भ आणि नोंदी==
{{संदर्भयादी}}

==बाह्य दुवे==

* [http://www.hindupedia.com/en/Saint_Gora_Kumbhar]
* [http://saileelas.org/articles/saints/gora.htm]

{{वारकरी संप्रदाय}}
{{हिंदू धर्मामधील पंथ आणि संप्रदाय}}

[[वर्ग:वारकरी संत]]
[[वर्ग:मराठी संत]]
[[वर्ग:वारकरी संप्रदायातील व्यक्ती]]
[[वर्ग:इ.स. १२६७ मधील जन्म]]
[[वर्ग:इ.स. १३१७ मधील मृत्यू]]

गोरा कुंभार - आवृत्ती इतिहास

०४:४९, १ मे २०२२ वर ImportMaster