ImportMaster: robot: Import pages using विशेष:आयात

2022-05-01T17:55:07Z

नवीन पृष्ठ

'''घारापुरीची लेणी''' किंवा '''एलिफंटा लेणी''' ही [[महाराष्ट्र|महाराष्ट्रामधील]] [[मुंबई]]पासून ६-७ मैल अंतरावर समुद्रातील घारापुरी या लहान बेटावर डोंगरात ही लेणी आहेत. ही लेणी भव्य आकाराच्या शिल्पासाठी प्रसिद्ध आहेत. पाषाणात खोदलेली ही लेणी [[इ.स.चे ९ वे शतक]] ते [[इ.स.चे १३ वे शतक|१३ वे शतक]] या कालखंडात निर्माण करण्यात आली होती. [[इ.स. १९८७|१९८७]]साली या लेण्यांना [[युनेस्को जागतिक वारसा स्थान|युनेस्को जागतिक वारसा स्थानाचा]] दर्जा दिला गेला. घारापूरी लेण्यांच्या प्रवेशद्वाराजवळ [[हत्ती]]चे प्रचंड आकाराचे एक शिल्प होते, त्यावरूनच या लेण्यांना एलिफंटा लेणी असे नाव पडले. हे शिल्प सध्या मुंबईच्या राणीच्या बागेत आहे. ही लेणी मुंबई शहराच्या पूर्वेस समुद्रात किनाऱ्यापासून १० कि.मी. दूर आहेत.
[[File:Elephanta caves3.jpg|thumb|घारापुरी लेणी]]

== इतिहास ==
एलिफंटा लेण्यांच्या निर्मितीचा काळ हा साधारण इसवी सन ९०० ते १३०० च्या दरम्यान असावा असा अंदाज आहे. एका अखंड पाषाणात ही लेणी कोरण्यात आली आहेत. ज्या काळी पाश्चात्त्य देशांमध्ये मानवी वसाहतीचा मागमूससुद्धा नव्हता त्याकाळी आपल्या भारतीय पूर्वजांनी इतक्या दुर्गम भागात इतकी अफाट कलाकृती निर्माण केला याला कुठेच तोड नाही.या गावाचे प्राचीन नाव श्रीपुरी असे होते.कोकणातल्या मौर्य वंशाची घारापुरी ही राजधानी असावी.त्यानंतर [[चालुक्य]], [[राष्ट्रकूट]] , यादवनी [[मोगल]] यांनी तिथे क्रमाने आपली सत्ता प्रस्थापित केली.सोळाव्या शतकाच्या पूर्वार्धात हे बेट [[पोर्तुगीज|पोर्तुगीजां]]च्या ताब्यात गेले.[[शिवाजी महाराज|शिवाजी महाराजां]]च्या काळात ते मराठ्यांनी हस्तगत केलेनी सन १७७४ मध्ये त्यावर [[इंग्रज|इंग्रजां]]नी आपले प्रभुत्व स्थापले.<ref>जोशी सु.ह. महाराष्ट्रातील लेणी </ref>
[[File:Cave of Elephants 1905.jpg|thumb| १९०५ सालचे छायाचित्र]]
[[File:Elephanta Map.svg|thumb|लेणी नकाशा ]]

==महत्त्व आणि वैशिष्ट्ये==
या बेटावरील डोंगरात पाच लेणी खोदलेली आहेत.येथील शिल्पकाम शैव संप्रदायाचे आहे.त्यात अनेक वेचक , निवडक शिवकथा समूर्त झालेल्या दिसतात.या कथांपैकी अतिशय वैशिष्ट्यपूर्ण अशी शिव-पार्वती विवाह,गंगावतरण,तांडवनृत्य,अंधकासुर वध इ. दृश्ये अतिशय रमणीय असून, साक्षात शिवाचे जीवनच थोडक्यात आपल्यापुढे साकार करतात.

== भूगोल ==
एलिफंटा बेट, किंवा घारापुरी, दक्षिण मुंबईतील [[ट्रॉम्बे]] जवळच्या खाडीमधील एक बेट आहे. बेटाचे क्षेत्रफळ समुद्राच्या भरतीच्या वेळी सुमारे १० चौरस किमी आणि ओहोटीच्या वेळी १६ चौरस किमी असते. बेटावरच दक्षिणेस घारापुरी नावाचे छोटेसे गाव आहे.
[[चित्र:Elephanta Islands.jpg|इवलेसे|उजवे|200px|घारापुरीच्या लेणीकाठचा समुद्र]]

==प्रवास==
घारापुरी बेटावर पोहोचण्यासाठी मुंबई शहरातील [[गेट वे ऑफ इंडिया]]पासून मुंबईच्या खाडीतून होडीने जावे लागते. होडीचा हा प्रवास साधारण तासाभराचा आहे. या एका तासाच्या सागरी प्रवासात समुद्रावर विहार करणाऱ्या नानाविध पक्षी-बगळ्यांबरोबरच मुंबईचे दुरून दिसणारे रूपही न्याहाळता येते. शिवाय [[बॅाम्बे हाय]] नावाचे समुद्रातून उत्खनन करून पेट्रोलियम मिळवणारे क्षेत्र, [[न्हावा-शेवा बंदर]], देशविदेशांतील मोठमोठ्या व्यापारी नौका यांचेही दर्शन होते.

समुद्रात थोडेसे आत गेल्यानंतर सी-गल पक्ष्यांचे अनेक थवे बोटीवर घिरट्या घालायला लागतात. या पक्षांचे वैशिष्ट्य म्हणजे अन्नपदार्थ हवेतच झेलण्याची त्यांची क्षमता होय.

== मुख्य गुहा ==
मुख्य गुहा अथवा शिव गुहा/ गुहा १ किंवा ज्यास महाकाय गुहा असे म्हणतात, ती २७ मीटर (८९ फूट) वर्गचा मंडप आहे.या लेण्यात भव्य दालन असून मध्यभागी ११ हात उंचीची एक त्रिमुखी मूर्ती आहे.
तीनही मुखे अतिशय सुंदर असून त्यांच्या मुकुटावरील कलाकुसर प्रेक्षणीय आहे.ब्रह्मा, विष्णू,महेश यांच्या संयुक्त मूर्तीला त्रिमूर्ती असे म्हणतात.
(परंतु असे नसून त्रिमूर्ती मध्ये उमा, शिव आणि रुद्र आहेत.)

[[चित्र:Elephanta Mahesamurti 1.JPG|thumb|right|200px|घारापुरीच्या लेण्यांमधील त्रिमूर्तीचे शिल्प]]

==रावणानुग्रह==
एका लेण्यात , कैलास पर्वतावर शिव-पार्वती बसलेली असून ,रावण आपल्या वीस भुजांनी तो पर्वत हालवीत आहे असे दृश्य दिसते.शंकराच्या मुकुटात चंद्रकला आणि मागे प्रभा आहे.त्याच्या मुद्रेवर शांत,निश्चय आणि कपाळावर तृतीय नेत्र स्पष्टपणे दिसत आहे.शंकर एका हाताने बावरलेल्या पार्वतीला आधार आणि निर्भयतेचे आश्वासन देत आहे.<ref>जीशी,सु,ह,, महाराष्ट्रातील लेणी</ref>
[[File:Grottes d'Elephanta - grotte principale - Ravana.jpg|thumb|रावणानुग्रह]]

==विवाह मंडल==
हे घारापुरीच्या चित्रातले सर्वोत्कृष्ट चित्र ठरेल.शंकरावर अनुरक्त असलेल्या पार्वतीने शंकराची सेवा करून त्याची प्रीती संपादन केली,तिला मागणी घालण्याकरीता शंकराने हिमालयाकडे सप्तऋषी पाठविले.हिमालयाने ही मागणी मान्य केल्यानंतर त्यांचा विवाह झाला.यामुळे सर्व देवांना संतोष झाला आणि ते विवाह समारंभाला उपस्थित राहिले ,हा प्रसंग या चित्रात दाखविला आहे.<ref>जोशी सु.ह. महाराष्ट्रातील लेणी </ref>
[[File:Grottes d'Elephanta - Mariage de Shiva et Parvati.jpg|thumb|शिव पार्वती विवाह]]

==इतर उल्लेखनीय गुफा ==
इतर ठिकाणी मानवती पार्वती,गंगा अवतरण ,शिवशक्ती अर्धनारी,महायोगी शिव,ल्कुलीह्साची मूर्ती,भैरव-महाबलाची मूर्ती अशी अन्य शिल्पेही पहायला मिळतात.

{{संदर्भनोंदी}}
{{महाराष्ट्रातील लेणी}}
{{भारतीय बौद्ध लेणी}}

[[वर्ग:भारतातील जागतिक वारसा स्थाने]]
[[वर्ग:मुंबईतील प्रेक्षणीय स्थळे]]
[[वर्ग:महाराष्ट्रातील लेणी]]
[[वर्ग:बौद्ध लेणी]]
[[वर्ग:शिव]]

घारापुरी लेणी - आवृत्ती इतिहास

ImportMaster: robot: Import pages using विशेष:आयात