ImportMaster: robot: Import pages using विशेष:आयात

2022-05-01T17:59:06Z

नवीन पृष्ठ

'''''{{माहितीचौकट विधानसभा सदस्य
| सन्मानवाचक पूर्वप्रत्यय =
| नाव = जिग्नेश मेवाणी
| सन्मानवाचक प्रत्यय=
| चित्र = Jignesh Mevani Social activist.jpg
| चित्र शीर्षक = अहमदाबाद येथील गुजराती साहित्य संमेलनामध्ये, १६ डिसेंबर २०१६
| मतदारसंघ_विस =[[वडगाम विधानसभा मतदारसंघ|वडगाम विधानसभा मतदारसंघात]]
| संसद = 
| बहुमत = 
| कार्यकाळ_आरंभ = २०१७
| कार्यकाळ_समाप्ती = 
| मागील = 
| पुढील = 
| जन्मदिनांक = {{जन्म दिनांक आणि वय|1982|12|11}}
| जन्मस्थान = [[अहमदाबाद]], [[गुजरात]]
| मृत्युदिनांक =
| मृत्युस्थान =
| राष्ट्रीयत्व = भारतीय
| पक्ष = अपक्ष
| शिक्षण = बॅचलर ऑफ आर्ट्स, बॅचेलर ऑफ लॉज
| इतरपक्ष = राष्ट्रीय दलित अधिकार मंच (संघटना)
| आई =
| वडील = नटरवलाल मेवाणी
| पती =
| पत्नी =
| नाते =
| अपत्ये =
| निवास =
| शाळा_महाविद्यालय = [[गुजरात विद्यापीठ]]
| व्यवसाय = वकिली, सामाजिक कार्य
| धंदा =
| धर्म =
| सही =Jignesh Mevani autograph.svg
| संकेतस्थळ =
| तळटीपा =
}}

'''जिग्नेश नटरवलाल मेवाणी''' ([[गुजराती]] : જિગ્નેશ નટવરલાલ મેવાણી) हे [[गुजरात]] मधील एक सामाजिक कार्यकर्ते, पत्रकार व वकील आहेत. ते [[दलित]] समाजाचे तरूण नेते व [[आंबेडकरवादी]] कार्यकर्ते म्हणून प्रसिद्ध आहेत. ते [[२०१७ गुजरात विधानसभा निवडणूक|२०१७ च्या गुजरात विधानसभा निवडणुकीत]] [[वडगाम विधानसभा मतदारसंघ|वडगाम विधानसभा मतदारसंघातून]] अपक्ष उमेदवार म्हणून १८,१५० मतांनी निवडून गेले.

== सुरुवातीचे जीवन ==
जिग्नेश यांचा जन्म ११ डिसेंबर १९८२ साली गुजरातच्या [[अहमदाबाद]] शहरात झाला. [[मेहसाणा]] जिल्ह्यातील मेऊ हे त्यांच्या परिवाराचे मूळ गाव आहे. त्यांचे शालेय शिक्षण अहमदाबादमधील स्वस्तिक विद्यालय व विश्व विद्यालय माध्यमिक शाळा येथे झाले. त्यांनी २००३ साली [[एच.के. आर्ट्स कॉलेज]] येथून इंग्लिश साहित्य या विषयात कला शाखेची पदवी मिळवली. २००४ साली त्यांनी पत्रकारिता व जनसंचार या विषयात डिप्लोमा प्राप्त केला. २००४ ते २००७ या काळात त्यांनी ''अभियान'' या [[गुजराती भाषा|गुजराती]] साप्ताहिकात वार्ताहर म्हणून काम केले. २०१३ साली त्यांनी डी.टी. लॉ कॉलेज, अहमदाबाद येथून एल.एल.बी. करून विधि शाखेची पदवी मिळवली.

== चळवळ ==
२०१६ साली गुजरातच्या [[सौराष्ट्र]] भागातील [[उना, गुजरात|उना]] गावात स्वतःला गोरक्षक म्हणवणाऱ्या एका गटाकडून काही दलित पुरुषांवर हल्ला झाला होता व ह्या घटनेची चित्रफीत काढून समाजमाध्यमांद्वारे प्रसारित करण्यात आली होती. ह्या घटनेचा गुजरातमध्ये तीव्र निषेध झाला. ह्याचाच एक भाग म्हणून [[अहमदाबाद]] ते उना या मार्गावरून ''दलित अस्मिता यात्रा'' काढण्यात आली. या यात्रेचे नेतृत्व जिग्नेश मेवाणी यांनी केले. १५ ऑगस्ट २०१६ रोजी यात्रेचा समारोप झाला. या कार्यक्रमात जवळपास २०,००० दलित लोक सहभागी झाले, ज्यामध्ये दलित महिलांचाही समावेश होता. सहभागी दलित जनतेने मेलेल्या गाई व ढोरे ओढून नेण्याचे त्यांचे पारंपरिक काम सोडून देण्याची प्रतिज्ञा घेतली. जिग्नेश यांनी दलितांच्या उत्थानासाठी त्यांना जमिनी मिळाव्या ही मागणी उचलून धरली.

[[हार्दिक पटेल]] व [[अल्पेश ठाकोर]] यांसह जिग्नेश मेवाणी यांना गुजरातमधील राजकारणातील नवीन नेते समजले जाते.

==२०१७ सालची विधानसभा निवडणूक==
२०१७ सालच्या डिसेंबर महिन्यात झालेल्या गुजरात विधानसभा निवडणुकीत अपक्ष उमेदवार म्हणून जिग्नेश मेवाणी यांनी [[वडगाम विधानसभा मतदारसंघ|वडगाम विधानसभा मतदारसंघात]] भारतीय जनता पक्षाचे उमेदवार विजय चक्रवर्ती यांचा १९,६९६ मतांनी पराभव केला आणि ते निवडून आले.

== संदर्भ ==
{{संदर्भयादी}}

{{DEFAULTSORT:मेवाणी, जिग्नेश}}
[[वर्ग:गुजरातच्या १४व्या विधानसभेचे सदस्य]]
[[वर्ग:दलित नेते]]
[[वर्ग:दलित कार्यकर्ते]]
[[वर्ग:भारतीय वकील]]
[[वर्ग:गुजराती व्यक्ती]]
[[वर्ग:पुरुष चरित्रलेख]]
''''''
[[वर्ग:आंबेडकरवादी]]

जिग्नेश मेवाणी - आवृत्ती इतिहास

ImportMaster: robot: Import pages using विशेष:आयात