ImportMaster: robot: Import pages using विशेष:आयात

2022-05-01T17:27:53Z

नवीन पृष्ठ

{{विकिडेटा माहितीचौकट}}
[[चित्र:Dr. BR Ambedkar with Dadasaheb Gaikwad at Nashik.jpg|thumb|right|250px|डॉ. बाबासाहेब आंबेडकर आणि दादासाहेब गायकवाड, नाशिक]]
'''भाऊराव कृष्णराव गायकवाड''' ऊर्फ '''दादासाहेब गायकवाड''' (जन्म : १५ ऑक्टोबर १९०२, - २९ डिसेंबर १९७१) हे भारतीय राजकारणी, समाजसेवक आणि [[डॉ. बाबासाहेब आंबेडकर]]ांचे विश्वासू सहकारी होते. गायकवाड आंबेडकरांचा वारसा लाभलेल्या [[भारतीय रिपब्लिकन पक्ष]]ाचे अध्यक्ष होते, तसेच पक्षाच्या केंद्रीय कार्यकारिणीचे सदस्य होते. मुंबई विधानसभेचे सदस्य (आमदार), लोकसभा सदस्य व राज्यसभा सदस्य (खासदार) म्हणून त्यांनी कार्य केलेले आहे.
==आंबेडकरांसोबत सामाजिक कार्य==
बाबासाहेबांच्या अनेक कामांत दादासाहेबांचा सहभाग होता. [[मार्च २]], [[इ.स. १९३०]]च्या [[काळाराम मंदिर सत्याग्रह|ाच्या]] वेळी डॉ. आंबेडकरांना दादासाहेबांची खूप मदत झाली. अस्पृश्यांच्या मंदिर प्रवेशासाठी दादासाहेबांच्या नेतृत्वाखाली आणि बाबासाहेबांच्या पुढाकाराने दिलेल्या लढ्याचा एक भाग म्हणजे हा सत्याग्रह होता. काळाराम मंदिर हे [[नाशिक]] मधील प्रसिद्ध [[राम]]ाचे मंदिर आहे.
==धर्मांतर==
१४ ऑक्टोबर इ.स. १९५६ मध्ये दादासाहेब गायकवाड यांनी डॉ. आंबेडकरांसोबत [[बौद्ध धर्म]]ाची दीक्षा घेतली.

==राजकीय कारकीर्द==
इ.स. १९३७ ते १९४६ या काळात गायकवाड मुंबई विधानसभेचे, तर इ.स. १९५७ ते १९६२ या काळात लोकसभेचे सदस्य होते. १९५७–५८ मध्ये ते लोकसभेत रिपब्लिकन पक्षाचे नेते होते. इ.स. १९६२ ते ६८ दरम्यान ते राज्यसभेवर सदस्य म्हणून कार्यरत होते. इ.स.

== चरित्रे/गौरवग्रंथ ==

दादासाहेब यांच्या मृत्यूनंतर त्यांचे गुणवर्णन करणारे आणि त्यांची कार्याची माहिती देणारे अनेक ग्रंथ प्रकाशित झाले आहेत. त्यांतले काही हे ---
* ’डॉ. बाबासाहेब आंबेडकरांची दादासाहेब गायकवाडांना पत्रे’ या नावाचा मराठी व इंग्रजी ग्रंथ प्रा. वामन निंबाळकर यांनी संपादित केला आहे.
*’आंबेडकरी चळवळीतील दादासाहेब गायकवाड यांचे योगदान’ -- लेखक डॉ. अविनाश दिगंबर फुलझेले
* दादासाहेब गायकवाड यांच्या कार्याची माहिती देणारा ’पद्मश्री कर्मवीर दादासाहेब गायकवाड’ नावाचा गौरवग्रंथ रंगनाथ डोळस यांनी लिहिला आहे.
* अरुण रसाळ यांचा ’जननायक कर्मवीर दादासाहेब गायकवाड’ हा ग्रंथ
* भावना भार्गवे यांचा ’लोकाग्रणी दादासाहेब गायकवाड’ हा ग्रंथ
* कर्मवीर दादासाहेब गायकवाड यांचे एक चरित्र त्यांचे जावई आणि आंबेडकरी चळवळीच्या महत्त्वपूर्ण कालखंडाचे साक्षीदार अ‍ॅड. हरिभाऊ पगारे यांनी लिहिले आहे.
* दि.रं. भालेराव यांनीही ’कर्मवीर दादासाहेब गायकवाड’ या नावाचे एक छोटे चरित्रवजा पुस्तक लिहिले आहे.

== पुरस्कार व सन्मान ==

* [[कर्मवीर पद्मश्री दादासाहेब गायकवाड पुरस्कार]] हा महाराष्ट्र शासनाद्वारे २००२ पासून दिला जाणारा पुरस्कार आहे.
* दादासाहेबांच्या नावाने महाराष्ट्र राज्य सरकारची ’कर्मवीर दादासाहेब गायकवाड सबलीकरण व स्वाभिमान योजना' या नावाची एक योजना २००४पासून आहे. २०१२साली तिचा लाभ ३८ भूमिहीनांना झाला होता. मात्र त्यापूर्वी केवळ २५० लोकांना जमिनी मिळाल्या होत्या.
* [[भारत सरकार]]ने गायकवाडांना १९६८मध्ये [[पद्मश्री]] हा पुरस्कार दिला.
* नाशिकमध्ये एका सभागृहाला ’दादासाहेब गायकवाड सभागृह’ नाव दिले आहे.
* मुंबईत अंधेरीभागात 'दादासाहेब गायकवाड सांस्कृतिक केंद्र' नावाची संस्था आहे.
* दादासाहब गायकवाड यांचा परिचय करून देणारी एक १३ मिनिटांची ‘डॉक्युमेंटरी फिल्म’ आहे.

== संदर्भ आणि नोंदी ==
* [https://www.loksatta.com/sampadkiya/visheshlekh/article-pay-tribute-to-dadasaheb-gaikwad-ambedkarite-movement-zws-70-2738315/lite/ आंबेडकरी चळवळीचे सरसेनापती]

{{संदर्भयादी}}

== बाह्य दुवे ==
{{कॉमन्स वर्ग|Dadasaheb Gaikwad|दादासाहेब गायकवाड}}

{{डॉ. बाबासाहेब आंबेडकर}}

{{DEFAULTSORT:गायकवाड, भाऊराव}}
[[वर्ग:इ.स. १९०२ मधील जन्म]]
[[वर्ग:इ.स. १९७१ मधील मृत्यू]]
[[वर्ग:पोस्टाचे तिकीट असलेल्या व्यक्ती]]
[[वर्ग:डॉ. बाबासाहेब आंबेडकर]]
[[वर्ग:भारतीय बौद्ध]]
[[वर्ग:मराठी राजकारणी]]
[[वर्ग:आंबेडकरवादी]]
[[वर्ग:लोकसभा सदस्य]]
[[वर्ग:राज्यसभा सदस्य]]
[[वर्ग:महाराष्ट्र विधानसभेचे सदस्य]]
[[वर्ग:सामाजिक कार्यकर्ते]]
[[वर्ग:भारतीय रिपब्लिकन पक्षातील राजकारणी]]
[[वर्ग:डॉ. बाबासाहेब आंबेडकर यांचे सहयोगी]]

दादासाहेब गायकवाड - आवृत्ती इतिहास

ImportMaster: robot: Import pages using विशेष:आयात