ImportMaster: robot: Import pages using विशेष:आयात

2022-05-01T18:09:39Z

नवीन पृष्ठ

{{माहितीचौकट भारतीय जिल्हा
|जिल्ह्याचे_नाव = नांदेड जिल्हा
|स्थानिक_नाव = नांदेड जिल्हा
|चित्र_नकाशा = Nanded_in_Maharashtra_(India).svg
|अक्षांश-रेखांश =
|राज्याचे_नाव = महाराष्ट्र
|विभागाचे_नाव = [[औरंगाबाद विभाग]]
|मुख्यालयाचे_नाव = [[नांदेड]]
|तालुक्यांची_नावे = [[अर्धापूर]] • [[भोकर (गाव)|भोकर]] • [[बिलोली]] • [[देगलूर]] • [[धर्माबाद]] • [[हदगाव]] • [[हिमायतनगर]] • [[कंधार]] • [[किनवट]] • [[लोहा]] • [[माहूर]] • [[मुदखेड]] • [[मुखेड]] • [[नांदेड तालुका|नांदेड]] (तालुक्याचे ठिकाण) • [[नायगाव]] • [[उमरी]]
|क्षेत्रफळ_वर्ग_किमी = १०,४२२
|लोकसंख्या_एकूण = ३३५६५६६
|जनगणना_वर्ष = २०११
|लोकसंख्या_घनता = ३२२
|शहरी_लोकसंख्या =
|साक्षरता_दर = ७६.९४
|लिंग_गुणोत्तर = १.०६
|प्रमुख_शहरे =
|जिल्हाधिकार्यांचे_नाव = डॉ.विपीन इटनकर

|लोकसभा_मतदारसंघाची_नावे = [[नांदेड (लोकसभा मतदारसंघ)]], [[हिंगोली (लोकसभा मतदारसंघ)]](काही भाग)
|विधानसभा_मतदारसंघाची_नावे =
|खासदारांची_नावे = [[प्रतापराव पाटील चिखलीकर]],(२०१९ लोकसभा)
|पर्जन्यमान_मिमी = ९५४
|संकेतस्थळ = http://nanded.nic.in/htmldocs/index.html
}}

{{जिल्हा सूचना|जिल्हा_नाव=नांदेड}}

== नांदेड जिल्ह्याची ऐतिहासिक पार्श्वभूमी ==
'''नांदेड जिल्हा''' हा [[महाराष्ट्र]] राज्यातील दक्षिण-पूर्वेस व [[तेलंगणा]] व [[कर्नाटक]] राज्याच्या सीमेलगत आहे. महाराष्ट्रातील मराठवाडा भागात असलेल्या नांदेड जिल्ह्याला ऐतिहासिक महत्त्व आहे. नांदेडात शीखांचे शेवटचे गुरू गोविंदसिंहजी महाराज यांचा गुरुद्वारा आहे. नांदेड संतकवी विष्णूपंत व रघुनाथ आणि वामन पंडित यांचे जन्मस्थान आहे. नांदेड जिल्ह्यात स्वामी रामानंद तीर्थ मराठवाडा विद्यापीठ व श्री गुरूगोविंदसिंहजी अभियांत्रिकी व तांत्रिक महाविद्यालय या महत्त्वाच्या शैक्षणिक संस्था आहेत.

==नांदेड जिल्ह्याची सामाजिक व धार्मिक स्थिती ==
नांदेड जिल्ह्यात विविध जाती-धर्माचे लोक वास्तव्यास आहे. हे शहर व्यापारी पेठ म्हणूनही प्रसिद्ध आहे. हिंदू, मुस्लिम, बौद्ध, शीख या धर्मातील लोकांची संख्या अधिक असून जैन व पारशी धर्मातील लोकांची संख्या जेमतेम (नगण्य) आहे. नांदेड शहर हे गोदावरी नदीच्या नाभीस्थळी वसलेले आहे. यामुळे हे शहर धार्मिक क्षेत्रही आहे. शहरात नृसिंहाचे मंदिर आहे. शिखांचे दहावे गुरू श्रीगुरू गोविंदसिंघजी यांच्या समाधीस्थळी बांधलेला गुरुद्वारा प्रसिद्ध आहे. शिवाय जिल्ह्यातील माहूर या तालुक्याच्या ठिकाणी रेणूका मातेचे मंदिर आहे. माहूर किल्ला परिसरात लेण्या आहेत. कंधार येथे प्राचीन भूईकोट किल्ला, हजार वर्षापूर्वी बांधलेला "जगतूंग सागर" साठवण तलाव आहे. त्याठिकाणी दोन दर्गाही आहेत. दरवर्षी कंधारचा 'उरुस' या नावाने फार जत्रा भरते. लोहा तालुक्यात माळेगाव येथे मल्हारी म्हाळसाकांताचे भव्य मंदिर आहे. दरवर्षी याही ठिकाणी फार मोठी जत्रा भरते. महाराष्ट्रातील पर्यटन स्थळ म्हणून या जत्रेचे आकर्षण असते. बिलोली या तालुक्याच्या ठिकणी जुने मस्जिदीवरील कोरीव कला व दगडी पुंगराचे कोरीव काम प्रेक्षणीय आहे. देगलूर ( होट्टल ) येथील सिद्धेश्र्वराचे मंदिर, धुंडा महाराज देगलूरकराची वारकरी संप्रादायाची ध्वजा हे प्रसिद्ध आहे. नांदेड जिल्ह्यात [[सहस्रकुंड धबधबा|सहस्त्रकुंड धबधबा]], उनकेश्वर येथील गरम पाण्याचे झरे हे ऐतिहासिक दृष्ट्या महत्त्वाचे आहे. अशा रितीने सामाजिक व धार्मिक गौरवशाली परंपरा नांदेड जिल्ह्यास लाभलेली आहे.<ref>{{स्रोत बातमी|last1=देशमुख|first1=रा. नी|title=आपला नांदेड जिल्हा|प्रकाशक=कल्पना प्रकाशन|दिनांक=२०११}}</ref>

==नांदेड जिल्ह्यातील राजकीय स्थिती ==
जिल्ह्यात नांदेड लोकसभा मतदार संघ स्वतंत्र आहे. नांदेड लोकसभा मतदार संघ अंतर्गत उत्तर नांदेड, दक्षिण नांदेड, देगलूर, भोकर, नायगाव, मुखेड, माहूर, किनवट व कंधार हे विधानसभा मतदार संघ येतात. नांदेड जिल्ह्यात एकूण ९ विधानसभा मतदार संघ आहेत. नांदेड जिल्ह्याने आजपर्यंत देशातील राजकीय नेतृत्व घडविलेले आहे. कै. शंकरराव चव्हाण यांनी केंद्रीय गृहमंत्री तसेच महाराष्ट्राचे मुख्यमंत्री म्हणून कार्यभार सांभाळलेला होता.त्यांचे पूत्र मा. अशोकराव चव्हाण यांनी देखील महाराष्ट्राचे मुख्यमंत्री म्हणून कार्यभार सांभाळला होता. सध्या ते सार्वजनिक बांधकाम मंत्री व जिल्ह्याचे पालकमंत्री आहेत. श्रीमती सूर्यकांता पाटिल यांनी केंद्रात तर कै.शामराव कदम, मरहूम. फारुक पाशा, कै. बाजीराव शिंदे, मा. गंगाधरराव कुंटूरकर, मा.डॉ. माधवराव किन्हाळकर, कै. डि.बी.पाटिल, मा. डी. पी. सावंत यांनी राज्यमंत्री म्हणून पदे भूषविली आहेत . सात वेळा कंधारचे विधानसभेत प्रतिनिधीत्व करणारे शेकापचे केशवराव धोंडगे. अशा प्रकारे राजकीय नेतृत्व या 'नांदेड जिल्ह्याने तयार केलेले आहे.

==नांदेड जिल्ह्याचे भौगोलिक स्थान==
नांदेड जिल्ह्याचे क्षेत्रफळ १०,४२२ चौ.कि.मी आहे. जिल्ह्याची लोकसंख्या इ.स २००१ च्या जनगणनेनुसार २८,७६,२५९ इतकी आहे. नांदेड जिल्ह्यात सरासरी पर्जन्यमान ९५३.८ मी.मी आहे. जिल्ह्यातील प्रमुख नद्या- [[गोदावरी]], [[मांजरा]], आसना, मन्याड व [[पैनगंगा]]. नांदेड हे नाव श्री शंकराच्या ''नंदी'' या वाहनाच्या नावावरून उगम पावले असल्याचे सांगण्यात येते.

==नांदेड जिल्ह्यातील तालुके==
[[अर्धापूर]], [[भोकर]], [[बिलोली]], [[देगलूर]], [[धर्माबाद]], [[हदगाव]], [[हिमायतनगर]], [[कंधार]], [[किनवट]], [[लोहा]], [[माहूर]], [[मुदखेड]], [[मुखेड]], [[नांदेड तालुका|नांदेड]] (तालुक्याचे ठिकाण), [[नायगाव]], [[उमरी]]

==जिल्ह्यातील पर्यटनस्थळे==
श्री गुरूगोविंदसिंह यांचा गुरुद्वारा, माहुरची रेणुकादेवी (शक्तिपीठ), बिलोली मशिद, [[कंधारचा भुईकोट किल्ला]], लोहा तालुक्यातील [[माळेगाव (नांदेड)|माळेगाव]] यात्रा, सहस्रकुंडचा धबधबा [[किनवट]] तालुका, [[होट्टल|देगलूर तालुक्यातील सिद्धेश्वर मंदीर व इतर मंदिर समुह (होट्ट्ल)]], नांदेडचा किल्ला व [[मुखेड येथील शिवमंदिर]], अर्धापूर येथील केशवराज मंदिर, शंभर फूटी मजार

==नांदेड जिल्ह्यातील शैक्षणिक स्थिती==
नांदेड जिल्हा हा शैक्षणिक दृष्ट्या महाराष्ट्रातील अग्रेसर जिल्हा म्हणून ओळखला जातो. १९५८ मध्ये औरंगाबाद येथे मराठवाडा विद्यापीठाची स्थापना झाली. १९८४ पासून नांदेड येथे औरंगबाद विद्यापीठाचे उपकेंद्र कार्यरत होते.
१७ सप्टेंबर १९९४ रोजी [[नांदेड]] येथे [[स्वामी रामानंद तीर्थ मराठवाडा विद्यापीठ|स्वामी रामानंद तीर्थ मराठवाडा विद्यापीठा]]<nowiki/>ची स्थापना झाली. या विद्यापीठाचे प्रथम कुलगुरू डॉ. जनार्धन वाघमारे, दुसरे कुलगुरू डॉ. शेषेराव सुर्यवंशी, तिसरे कुलगुरू डॉ. धनंजय येडेकर, २००८ पासून मे २०१३ पर्यंत डॉ. सर्जेराव निमसे हे कुलगुरू म्हणून कार्यरत होते. या विद्यापीठाचे कार्यक्षेत्र नांदेड, परभणी, लातूर व हिंगोली या चार जिल्ह्याचे आहे. विद्यापीठ कक्षेत सध्या १८२ महाविद्यालये कार्यरत आहेत.<ref>[http://www.srtmun.ac.in/mr/]</ref>

==नांदेड जिल्ह्यांच्या सलग्न जिल्हा सीमा==
नांदेड जिल्हा हा [[गोदावरी नदी|गोदावरीच्या]] खोऱ्यात आग्नेय महाराष्ट्रात वसला आहे. आदिलाबाद,कामारेड्डी, निर्मल व निझामाबाद (तेलंगाणा), बिदर (कर्नाटक), यवतमाळ, लातूर, परभणी व हिंगोली हे जिल्हे नांदेड जिल्ह्याच्या सीमेस लागून आहेत. नांदेड जिल्हा महाराष्ट्राला (आग्नेय दिशेच्या बाजूने) कर्नाटक व तेलंगाणा या राज्यांशी जोडतो.

== नांदेड जिल्ह्यातील प्रमुख नद्या व उपनद्या ==
जिल्ह्याचा उत्तर व ईशान्य भाग सातमाळाचे डोंगर व मुदखेडच्या टेकड्यांनी व्यापलेला असून जिल्ह्याच्या दक्षिण- नैऋत्य सीमेवर बालाघाटचे डोंगर आहेत. जिल्ह्याच्या मध्य भागातून गोदावरी नदी वाहते, हा प्रदेश सपाट व सुपीक आहे. पूर्णा, मांजरा, मन्याड, लेंडी ह्या तीच्या ऊपनद्या आहेत. किनवट तालुक्यातील डोंगराळ भागात प्रामख्याने सागाची व बांबूची वने आढळतात.

== बाह्य दुवे==
* [http://nanded.nic.in नांदेड एन.आय.सी]
{{संदर्भनोंदी}}
{{महाराष्ट्रातील जिल्हे}}

[[वर्ग:नांदेड जिल्हा|*]]
[[वर्ग:औरंगाबाद विभागातील जिल्हे]]

नांदेड जिल्हा - आवृत्ती इतिहास

ImportMaster: robot: Import pages using विशेष:आयात