ImportMaster: robot: Import pages using विशेष:आयात

2022-05-01T16:19:53Z

नवीन पृष्ठ

{{माहितीचौकट साहित्यिक
| नाव =
| चित्र =
| चित्र_रुंदी =
| चित्र_शीर्षक =
| पूर्ण_नाव = बाबूराव रामजी बागूल
| टोपण_नाव = आबा
| जन्म_दिनांक = [[जुलै १७]], [[इ.स. १९३०|१९३०]]
| जन्म_स्थान = [[विहितगाव]], [[नाशिक जिल्हा]], [[महाराष्ट्र]], [[भारत]]
| मृत्यू_दिनांक = [[मार्च २६]], [[इ.स. २००८|२००८]]
| मृत्यू_स्थान = [[नाशिक]], [[महाराष्ट्र]], [[भारत]]
| कार्यक्षेत्र = [[साहित्य]]
| राष्ट्रीयत्व = [[भारत|भारतीय]]
| भाषा = [[मराठी भाषा|मराठी]]
| कार्यकाळ =
| साहित्य_प्रकार =
| विषय =
| चळवळ = मराठी आंबेडकरवादी साहित्य
| प्रसिद्ध_साहित्यकृती = [[मी जात चोरली होती]]<br/>[[मरण स्वस्त होत आहे]]
| प्रभाव = [[डॉ. बाबासाहेब आंबेडकर]]<br/>[[कार्ल मार्क्स]]<br/>[[अण्णा भाऊ साठे|अण्णाभाऊ साठे]]
| प्रभावित =
| पुरस्कार =
| वडील_नाव = रामजी/रामचंद्र
| आई_नाव =
| पती_नाव =
| पत्‍नी_नाव =
| अपत्ये =
| स्वाक्षरी_चित्र =
| संकेतस्थळ_दुवा =
| तळटिपा =
}}
'''बाबुराव बागूल''' ([[जुलै १७]], [[इ.स. १९३०|१९३०]] - [[मार्च २६]], [[इ.स. २००८|२००८]]) हे [[आंबेडकरवादी]] साहित्यासाठी ओळखले जाणारे [[मराठी भाषा|मराठी]] [[लेखक]], [[कवी]] होते. विद्रोही [[आंबेडकरवादी]] कथांचे प्रमुख उद्गाते आणि प्रखर वास्तववादी [[कादंबरीकार]] तसेच शोषित, उपेक्षित, [[झोपडपट्टी]]तील, फुटपाथवरील भणंग जनजीवनाचे भेदक चित्रण करणारे लेखक म्हणून त्यांची ओळख होती. प्रभावी व विद्रोही[[भाषा]]शैली, जिवंत प्रसंगचित्रण, कारूण्य आणि क्रुरता रेखाटन हे त्यांच्या लेखनाचे विशेष गुण होते. दलित साहित्य मध्ये मोठे योगदान देणारे एक प्रतिभावंत लेखक साहित्यिक म्हणून बाबूराव बागूल यांना एक नवी ओळख मिळालेले आहेत त्यांनी लिहिलेल्या कथा व कादंबऱ्या या गावकुसाबाहेर राहणाऱ्या समाजाच्या सामाजिक जाणिवांचं व वेदनांचं वर्णन करणारे आहेत स्त्रीप्रधान कथालेखन हा देखील त्यांच्या लिखाणाचा महत्त्वाचा भाग राहिलेला आहे सूड कथेमध्ये बाबुराव बागूल यांनी वाडी वस्तीवरील स्त्रीच्या हृदयद्रावक व तिच्यावर ओढवलेल्या प्रसंगाचं चित्रण केलेला आहे या कथेतील स्त्री पात्र हे समाजातील स्त्रियांच्या शोषित पीडित स्त्रीच्या सामाजिक स्थितीचं चित्रण करणार आहे

==जीवन==
बाबुराव बागुल [[जुलै १७]], [[इ.स. १९३०|१९३०]] रोजी [[महाराष्ट्र|महाराष्ट्राच्या]] [[नाशिक जिल्हा|नाशिक जिल्ह्यातील]] ‘विहितगाव’ नावाच्या खेड्यात जन्मले. दलित जातीत जन्मल्यामुळे जातीय विषमतेचे अनुभव त्यांनी लहानपणापासूनच घेतले. बागुलांच्या आधीची भावंडे जगली नाहीत; तेव्हा ते तरी जगावेत या विचाराने बागुलांच्या वडिलांनी त्यांना [[मुंबई|मुंबईला]] [[माटुंगा|माटुंग्याच्या]] लेबर कॅंपात राहणाऱ्या मावशीकडे पाठवून दिले. तेथील महानगरपालिकेच्या शाळेतच ते शिकू लागले. त्या सुमारास वाढू लागलेल्या [[आंबेडकरवादी]] विचारांचा परिणाम शालेय वयात असलेल्या बागुलांवरही झाला. चौथ्या इयत्तेत असतानाच त्यांनी एक आंबेडकरगीत लिहिले. आर्थिक परिस्थितीमुळे मॅट्रिकनंतर त्यांना शिक्षण थांबवावे लागले. नोकरीच्या शोधात असलेल्या बागुलांवर त्यादरम्यान मुंबईत बळावू लागलेल्या कामगार चळवळीचा प्रभाव पडला. माटुंग्याच्या लेबर कॅंपातच राहत असलेल्या [[अण्णा भाऊ साठे|अण्णा भाऊ साठेंच्या]] संपर्कातून ते कामगार चळवळीत सहभागी झाले. या काळात त्यांनी [[साम्यवाद|साम्यवादी]] विचारवंतांच्या साहित्याचा अभ्यास केला. बेरोजगारी, आर्थिक-सामाजिक विषमता यांविरुद्ध या कालखंडात त्यांनी रचलेल्या कवितांमधून या विचारांचा प्रभाव जाणवतो.

[[इ.स. १९५५|१९५५]] मध्ये रेल्वे वर्कशॉपात नोकरी मिळाल्यामुळे बागुल [[सुरत|सुरतेस]] गेले. तेथे त्यांना जातीय भेदभावामुळे भाड्याने घर मिळत नव्हते. तेव्हा त्यांनी जात चोरून भाड्याचे घर घेतले. परंतु जात चोरून असे राहणे न रुचल्यामुळे नोकरी सोडून ते मुंबईस परतले. सुरतेतील त्या अनुभवांवर त्यांनी ‘[[जेव्हा मी जात चोरली होती]]’ ही कथा लिहिली.

[[इ.स. १९५७|१९५७]] मध्ये प्रथमच त्यांची कथा [[प्रल्हाद केशव अत्रे|आचार्य अत्रेंच्या]] ‘नवयुग’ नियतकालिकातून प्रकाशित झाली. पुढील काळात ‘नवयुग’ व ‘युगांतर’ या नियतकालिकातून त्यांच्या कथा एकामागोमाग एक प्रकाशित होऊ लागल्या. प्रस्थापित समाजव्यवस्थेतील दोषांचे दर्शन घडवणाऱ्या त्यांच्या कथा [[इ.स. १९६३|१९६३]] साली ‘जेव्हा मी जात चोरली होती’ या कथासंग्रहाच्या रूपाने प्रकाशित झाल्या. नंतर [[इ.स. १९६९|१९६९]] सालात ‘मरण स्वस्त होत आहे’ हा कथासंग्रह प्रकाशित झाला. 'अघोरी', 'कोंडी', 'पावशा', 'सरदार', 'भूमिहीन', 'मूकनायक', 'अपूर्वा' अशा कथा-कादंबऱ्यांनी मराठी साहित्यात नवा प्रवाह आणला. बागुलांच्या लेखनामुळे प्रभावित होऊन लिहित्या झालेल्या दलित वर्गातील लेखकांच्या लिखाणातून मराठी साहित्यात दलित साहित्याची नवी लाट आली.

[[मार्च २६]], [[इ.स. २००८|२००८]] रोजी बागुलांचे [[नाशिक|नाशकात]] निधन झाले.

==सन्मान व पुरस्कार==

* [[धारावी]] ([[मुंबई]]), येथे [[७ फेब्रुवारी]] १९९९ रोजी भरलेल्या पहिल्या [[विद्रोही साहित्य संमेलन|विद्रोही साहित्य संमेलनाचे]] अध्यक्षपद. उद्‌घाटनाचे भाषण डॉ. [[आ.ह. साळुंखे]] यांनी केले होते.
* बागुलांच्या साहित्यिक कार्याचा गौरव म्हणून कविवर्य [[कुसुमाग्रज]] प्रतिष्ठानचा ’[[जनस्थान पुरस्कार]]’ २००७ साली त्यांना देण्यात आला.
* महाराष्ट्र फाउंडेशन पुरस्कार
* [[जनस्थान पुरस्कार]]

==प्रकाशित साहित्य==
===कादंबरी===
* अघोरी (1983)
* अपूर्वा
* कोंडी (2002)
* पावशा (1971)
* भूमिहीन
* मूकनायक
* सरदार
* सूड

===कथासंग्रह===
* जेव्हा मी जात चोरली होती (१९६३)
* मरण स्वस्त होत आहे (१९६९)

===कवितासंग्रह===
* वेदाआधी तू होता

===वैचारिक===
* आंबेडकर भारत
* दलित साहित्यः आजचे क्रांतिविज्ञान

== संदर्भ ==
{{संदर्भयादी}}

{{मराठी साहित्यिक}}
{{मराठी साहित्यिक}}
{{मराठी कवी}}

{{DEFAULTSORT:बागूल,बाबूराव}}
[[वर्ग:मराठी लेखक]]
[[वर्ग:मराठी कवी]]
[[वर्ग:इ.स. १९३० मधील जन्म]]
[[वर्ग:इ.स. २००८ मधील मृत्यू]]
[[वर्ग:कादंबरीकार]]
[[वर्ग:भारतीय बौद्ध]]
[[वर्ग:आंबेडकरवादी]]

बाबुराव बागूल - आवृत्ती इतिहास

ImportMaster: robot: Import pages using विशेष:आयात