ImportMaster: robot: Import pages using विशेष:आयात

2022-05-01T17:28:40Z

नवीन पृष्ठ

'''बालाजी तांबे''' ([[२८ जून]], [[इ.स. १९४०|१९४०]] - [[१० ऑगस्ट]], [[इ.स. २०२१|२०२१]]) हे आयुर्वेद, योग व संगीतोपचार या विषयांतील तज्ज्ञ तसेच [[पुणे जिल्हा|पुणे जिल्ह्यातील]] [[कार्ला]] येथे असलेल्या आत्मसंतुलन व्हिलेजचे संस्थापक होते. इ.स. २०२२ मध्ये त्यांना मरणोत्तर पद्मश्री पुरस्कार जाहीर करण्यात आला.<ref name=":0" />

बालाजी तांबे यांच्या आईचे नाव लक्ष्मीबाई आणि वडील वासुदेव तांबे शास्त्री आहे. बालाजी तांबे यांना लहानपणापासूनच वडीलांनी आयुर्वेद शिकविला. पुढे बालाजी तांबे यांनी आयुर्वेदातली आणि अभियांत्रिकीमधली पदवी एकाच वर्षी मिळविली.

आयुर्वेदाचार्य तांबे यांनी आयुर्वेदिक औषधी शास्त्र आणि आयुर्वेदिक फिजिओथेरपी यांवर संशोधन केले.

इ.स. २००३ सालापासून बालाजी तांबे यांनी संपादित केलेली ''फॅमिली डॉक्टर'' नावाची पुरवणी पुण्याच्या [[दैनिक सकाळ]]बरोबर दर शुक्रवारी प्रकाशित होते. [[साम (दूरचित्रवाहिनी)|साम]] नावाच्या मराठी दूरचित्रवाहिनीवर त्यांचे आठवडाभर रोज भगवद्‌गीता या विषयावर प्रवचन होते. ’गीता योग’ या नावाने ही प्रवचने २०११सालापासून सुरू होती.

वयाच्या ८१ व्या वर्षी पुणे येथील खाजगी रुग्णालयात त्यांचे निधन झाले.<ref>{{संकेतस्थळ स्रोत|url=https://www.loksatta.com/maharashtra-news/balaji-tambe-passed-away-in-pune-sgy-87-2558686/|title=आयुर्वेदाचार्य बालाजी तांबे यांचं निधन|date=१० ऑगस्ट २०२१|website=Loksatta|language=mr-IN|access-date=१० ऑगस्ट २०२१}}</ref>

==पुस्तके==
* आत्मरामायण (गुजराती भाषेत)
* आयुर्वेद उवाच. भाग १, २.(मराठी)
* आयुर्वेदीय गर्भसंस्कार (मराठी, गुजराती, इंग्रजी)
* आयुर्वेदिक घरगुती औषधे (मराठी व इंग्रजी)
* चक्र सुदर्शन (मराठी)
* मंत्र आरोग्याचा
* मंत्र जीवनाचा
* वातव्याधी
* श्री गीता योग - शोध ब्रह्मविद्येचा (इंग्रजीत Peacock Feathers) (१८ भाग). (प्रकाशनाधीन)
* श्री रामविश्वपंचायतन (मराठी)
* संतुलन क्रियायोग (मराठी)
* स्त्रीआरोग्य
* स्वास्थ्याचे २१ मंत्र. (भाग एकाहून अधिक.)
* Living Meditation through Om Swarupa (४ भाग)
* Santulan Kriya Yog (SKY)
* Shri Gita Tarot: Shri Krishna Answers Your Question (Set of 61 Divine Cards, इंग्रजी-मराठी)
* The Untold Secrets Of Life

== बालाजी तांबे यांच्यावरील आरोप ==
'आयुर्वेदीय गर्भसंस्कार' या पुस्तकाद्वारे पु्त्रप्राप्तीचा प्रचार करून गर्भलिंग निदान प्रतिबंधक कायद्याचा भंग केल्याप्रकरणी सामाजिक कार्यकर्ते गणेश बोऱ्हाडे यांनी २०१५ साली नोव्हेंबरमध्ये अहमदनगर जिल्हा सर्जनकडे पुस्तकाचे लेखक बालाजी तांबे, प्रकाशक आणि विक्रेत्यांविरोधात तक्रार दाखल केली होती. यावर संबंधितांकडून खुलासे मागवण्यात आले होते. हा विषय आयुर्वेदाशी संबंधित असल्याने महाराष्ट्र आरोग्य विज्ञान विद्यापीठाकडे तज्‍ज्ञांचे मत घेण्यासाठी पाठवण्यात आला. तज्ज्ञांनी बालाजी तांबेंवर पुत्रप्राप्‍तीचा प्रचार केल्याचा ठपका ठेवला आहे. बालाजी तांबे यांचा हेतू पुत्रप्राप्‍तीचे उपाय सुचवून लिंगनिवडीबाबतचा आहे हे पुस्तकातून सिद्ध झाले असल्याचे विद्यापीठाच्या समितीने म्हटले आहे. यामुळे पुरुषप्रधानतेचा विचार लोकांमध्ये रुजण्याची शक्यता नाकारता येत नसल्याचे म्हटले आहे. या पुस्तकाचा गर्भलिंग निदान प्रतिबंधक कायद्याबाबतच्या जनजागृती मोहिमेवर परिणाम झाल्याचे निरीक्षणही नोंदवण्यात आले आहे. एकूणच या पुस्तकामुळे गर्भलिंग निदान प्रतिबंधक कायद्याचा भंग झाल्याचा निष्कर्ष समितीने काढला आहे.<ref>{{स्रोत बातमी|title=बालाजी तांबेंवर सरकारने दाखल केला गुन्हा|दुवा=http://maharashtratimes.indiatimes.com/maharashtra/ahmednagar-news/government-registered-a-case-against-balaji-tambe/articleshow/52757656.cms|प्रकाशक=[[महाराष्ट्र टाईम्स]]|दिनांक = १५ जून २०१६}}</ref><ref>{{स्रोत बातमी|title=Balaji Tambe: बालाजी तांबेंवर सरकारकडून गुन्हा दाखल|दुवा=http://www.loksatta.com/mumbai-news/government-filed-crime-against-balaji-tambe-1251473/|प्रकाशक=[[लोकसत्ता]]|दिनांक = १५ जून २०१६}}</ref>

पुत्रप्राप्तीचा प्रचार करून गर्भलिंगनिदान प्रतिबंधक कायद्याचा भंग केल्याप्रकरणी बालाजी तांबे, पुस्तकप्रकाशक आणि पुस्तकविक्रेते यांच्यावर महाराष्ट्र सरकारने संगमनेरच्या कोर्टात गुन्हा दाखल केला होता. कोर्टाने बालाजी तांबे यांनी फक्त जुन्या ग्रंथांतील माहिती दिली असल्याचे कारण सांगून कोर्टाने त्यांना या खटल्यातून निर्दोष ठरवले आहे. तसेच या निकालाच्या आधारे कीर्तनकार [[इंदुरीकर महाराज]] यांच्यावरील खटला देखील रद्दबातल करण्यात आला.<ref>{{संकेतस्थळ स्रोत |दुवा=https://indiankanoon.org/doc/156949704/ |title=M/S. Triveni Prakashan, Through vs The State Of Maharashtra And Anr on 3 June, 2019 Bench: V.K. Jadhav |लेखक= |दिनांक= |प्रकाशक= | संकेतस्थळ=indiankanoon.org |अ‍ॅक्सेसदिनांक=२६ जानेवारी २०२२ |विदा संकेतस्थळ दुवा=http://web.archive.org/web/20220126121534/https://indiankanoon.org/doc/156949704/ |विदा दिनांक=२६ जानेवारी २०२२}}</ref><ref>{{संकेतस्थळ स्रोत |दुवा=https://maharashtratimes.com/maharashtra/ahmednagar-news/ahmednagar-the-court-has-given-a-big-relief-to-indurikar-by-revoking-the-trial-order/articleshow/81767224.cms |title=इंदुरीकरांना मोठा दिलासा, खटला चालविण्याचा आदेश रद्द |लेखक= |दिनांक= |प्रकाशक= | संकेतस्थळ= महाराष्ट्र टाइम्स |अ‍ॅक्सेसदिनांक=२६ जानेवारी २०२२ |विदा संकेतस्थळ दुवा=http://web.archive.org/web/20220126120040/https://maharashtratimes.com/maharashtra/ahmednagar-news/ahmednagar-the-court-has-given-a-big-relief-to-indurikar-by-revoking-the-trial-order/articleshow/81767224.cms |विदा दिनांक=२६ जानेवारी २०२२}}</ref>

==पुरस्कार==
* आयुर्वेदाच्या प्रसारासाठी रोटरी क्लब ऑफ पुणे अपटाऊन व रोटरी डिस्ट्रिक्ट ३१३१ तर्फे ’रोटरी ग्लोबल लीडरशिप एक्सलन्स’ अवॉर्ड (२०१४).
* डी.वाय. पाटील विद्यापीठातर्फे डी.लिट. ही मानद पदवी (जानेवारी २०१७)
* मरणोत्तर पद्मश्री पुरस्कार ( २६ जानेवारी २०२२) <ref name=":0">{{संकेतस्थळ स्रोत|url=https://www.esakal.com/desh/shri-guru-late-balaji-tambe-awarded-with-padmashri-aau85|title=Balaji Tambe : श्रीगुरु डॉ. बालाजी तांबे यांना मरणोत्तर पद्मश्री जाहीर|website=eSakal - Marathi Newspaper|language=mr-IN|access-date=2022-01-26}}</ref>

==संदर्भ==
{{संदर्भयादी}}

{{विस्तार}}

{{DEFAULTSORT:तांबे, बालाजी}}
[[वर्ग:इ.स. १९४० मधील जन्म]]
[[वर्ग:इ.स. २०२१ मधील मृत्यू]]
[[वर्ग:पुरुष चरित्रलेख]]
[[वर्ग:पद्मश्री पुरस्कारविजेते]]

बालाजी तांबे - आवृत्ती इतिहास

ImportMaster: robot: Import pages using विशेष:आयात