ImportMaster: robot: Import pages using विशेष:आयात

2022-05-01T16:26:56Z

नवीन पृष्ठ

'''भोवत्या''' आणि '''छबिना''' हा [[कोकण|कोकणातील]] पारंपारिक नृत्यप्रकार किंवा लोककला आहे.

== अर्थ ==

भोवत्या आणि छबिना याचा अर्थ मंदिराच्या भोवताली प्रदक्षिणा घालत गोलाकार फेर धरत नाचणे होय.

== स्वरूप ==

कोकणामध्ये अनेक देव-देवतांचे उत्सव साजरे होतात. तेव्हा आरती झाल्यानंतर मंदिराच्या भोवताली अभंग किंवा भजन म्हणत देवाच्या पालखीसह प्रदक्षिणा घातली जाते. नंतर मंदिराच्या प्रांगणात फेर धरून एखाद्या पदाच्या तालावर पारंपारिक पद्धतीने नाचतात.

== पदे ==

भोवत्या-छबिन्यातील म्हटली जाणारी काही पदे-
* या रे या रे या रे या, नाव प्रभूचे गाऊ या | मंगल मूर्ती मोरया, आनंदाने नाचूया ||
* गजानन पाय वंदाया, तुझा व्यवसाय तो आया | जुने बरवे दिवस गेले, पुढे आता कठीण आहे || अहो लोका करा धंदा, सोडून द्या या फुकट गमजा ||
* मला लागलाय चटका, पंढरी अवघी भेटवा | चटका लागलाय जिभेला, पंढरी अवघी भेटावा ||
* संसार भोवरा, भोवरा, फिरत असे गरागरा |
* कोल्हापुरी अंबाबाईचे दारी, भिक्षा मागतो मागतो ब्रह्मचारी |
* पंढरी, पंढरीस जाता कोणी, माझी विनवणी, हरीच्या कानी, जाउनी कोणी, जरा कुणी सांगा | निजला असेल तरी, कराबा जागा ||
* शिवशंभो गणनाथ सरस्वती भावे, हरी भजनी रंगा यावे | पार्वती नंदना तुझे गुण गावे, हरी कीर्तनी रंगा यावे ||
* हेरंब मोरया रिद्धीसिद्धी रमणा, अखंड वरदित प्रसन्न वदना | हेरंबा गणराया, तुझ्या कृपेची छाया मजवरी, गणराजा बा गणराया ||

ही पद्धत प्रामुख्याने कोकणातील [[रत्‍नागिरी जिल्हा|रत्‍नागिरी जिल्ह्यात]] आढळून येते.

[[वर्ग:महाराष्ट्रातील लोककला]]
[[वर्ग:नृत्य]]

भोवत्या-छबिना - आवृत्ती इतिहास

ImportMaster: robot: Import pages using विशेष:आयात