ImportMaster: robot: Import pages using विशेष:आयात

2022-05-01T17:46:04Z

नवीन पृष्ठ

{{संदर्भहीन लेख}}
कॉम्रेड '''मुक्ता अशोक मनोहर''' या एक मराठी लेखिका, सामाजिक कार्यकर्त्या व सफाई कामगारांच्या संघटक आहेत. त्यांनी समाजशास्त्रात पदव्युत्तर पदवी घेतली आहे.

{{प्रताधिकारित मजकूर शंका
| कॉपीव्हायो-वृत्तांत=https://tools.wmflabs.org/copyvios?lang=mr&project=wikipedia&oldid=1509000&action=search&use_engine=1&use_links=1
| मजकूर = मनोहर यांनी आंदोलने, संप, टाळेबंदी शिवाय कामगारांमध्ये संघटनदृष्टी विकसित करणे, आपले हक्क-कर्तव्यांबाबत जाणीव देणे हे केले आहे. त्या [[पुणे पालिका कामगार युनियन]]च्या जनरल सेक्रेटरी आहेत.
==सामाजिक कार्य==
मनोहर यांना महाविद्यालयीन जीवनापासून सामाजिक कामाचे आकर्षण होते.. इ.स. १९७५पासून त्या स्त्रियांच्या चळवळीत सहभागी झाल्या. 'पुरोगामी स्त्री संघटना', 'बायजा' द्वैमासिक आदींच्या संपादनाच्या माध्यमातून त्यांनी विचारप्रवृत्त करणारे लेखन केले. पथनाट्यगट सुरू करून लेखन-जनजागृती मोहिमांमध्ये सहभाग घेतला. राज्यातील विडी, कापड, गिरणी कामगारांचे संघटन केले. रासायनिक व इतर कारखान्यांमधील स्त्रियांची सुरक्षा व हक्क, आदिवासी-शेतमजूर, कष्टकरी स्त्रियांच्या समस्या आदी विषयांवर लढे उभारले. वाढत्या शहरीकरणानंतर त्यांनी महापालिका कामगार संघटना, श्रमिक महिला मोर्चा, राज्य सर्व श्रमिक महासंघ आदी माध्यमांद्वारे शहरी गरीब कामगारांच्या हक्कांचे उपक्रम हाती घेतले. शहरी समस्यांबाबत सुशिक्षितांमध्ये जनजागृती करण्यासाठी लेखणीचा वापर केला. अगदी 'कचराकोंडी' या माहितीपटाच्या संहितेपासून भोपाळ दुर्घटनेसारख्या प्रकल्पग्रस्तांच्या व्यथा मांडण्याची मोहीम त्यांनी लेखणीच्या माध्यमातून हाती घेतली.
}}
पुणे आणि कोल्हापूर येथील वेश्याव्यवसायातील स्त्रियांसाठी त्यानी केलेले कार्य फार महत्त्वाचे आहे.

==वृत्तपत्रीय लेखन==
रविवार ’सकाळ’च्या सप्ततरंग पुरवणीत ’मी कात टाकली’ या सदरात मुक्ता मनोहर यांचे लेख प्रसिद्ध होत असतात. त्यांतील काही लेखांचे मथळे :-
* अशा आणखी कितीतरी 'मारिया’ आहेत (प्रसिद्धिदिनांक - १० मार्च २०१३)
* नजिबा, आशा आणि ओसामा (प्रसिद्धिदिनांक - १७ मार्च २०१३)
* फॅशनच्या दुनियेतलं जळीत (प्रसिद्धिदिनांक - ३ मार्च २०१३)
* या 'इंडस्ट्री'चे मालक आहेत तरी कुठं? (प्रसिद्धिदिनांक - २४ मार्च २०१३)
* युक्रेनच्या तरुणी, लेनिन आणि क्लारा (प्रसिद्धिदिनांक - ३१ मार्च २०१३)
* हत्याकांडं दलितांचीच का? (प्रसिद्धिदिनांक - ९ नोव्हेंबर, २०१४)

==मुक्ता मनोहर यांनी लिहिलेली पुस्तके==
* २१व्या शतकात (नाटक)
* जगणं वेचताना (कचऱ्यातून कागद, प्लॅस्टिक आदी गोळा करणाऱ्या स्त्रियांच्या जीवनावरील पुस्तक)
* [['नग्नसत्य', बलात्काराच्या वास्तवाचा अंतर्वेध (पुस्तक)|नग्नसत्य : बलात्काराच्या वास्तवाचा अंतर्वेध]] (या पुस्तकाला महाराष्ट्र सरकारचा उत्कृष्ट वाङ्‌मयासाठीचा डॉ. [[बाबासाहेब आंबेडकर]] पुरस्कार मिळाला आहे.)
* मराठी नाटकातील स्त्री- प्रतिमा

==नाट्य-चित्रनिर्मिती==
* [[गो.पु. देशपांडे]] यांनी [[जोतिबा फुले]] यांच्यावर लिहिलेल्या 'सत्यशोधक' या नाटकाची पुणे महापालिकेच्या कामगार रंगभूमीसाठी निर्मिती मुक्ता मनोहर यांनी केली आहे.
* कचराकोंडी (माहितीपट)

==पुरस्कार==
* [[मातोश्री भीमाबाई आंबेडकर पुरस्कार]]
* ’नग्न सत्य...’ला डॉ. बाबासाहेब आंबेडकर पुरस्कार
* वर्ध्याच्या यशवंतराव दाते स्मृती संस्थेद्वारे दिल्या गेलेला पहिलाच स्त्रीवादी साहित्य पुरस्कार (२०१०-११)
* मुक्ता मनोहर यांना (पहिला) कॉम्रेड [[गोविंद पानसरे]] प्रबोधन पुरस्कार प्रदान झाला आहे. (३ जून, २०१५)
* कुदळे फाउंडेशनचा सुनील दत्त पुरस्कार (९ मे, २०१६)

{{DEFAULTSORT:मनोहर, मुक्ता}}
[[वर्ग:मराठी लेखिका]]
[[वर्ग:मराठी समाजसेवक]]
[[वर्ग:स्त्री चरित्रलेख]]
[[वर्ग:मातोश्री भीमाबाई आंबेडकर पुरस्कार विजेत्या]]

मुक्ता मनोहर - आवृत्ती इतिहास

ImportMaster: robot: Import pages using विशेष:आयात