ImportMaster: robot: Import pages using विशेष:आयात

2022-05-01T18:24:30Z

नवीन पृष्ठ

धर्मवीर '''लक्ष्मण बळवंत भोपटकर''', ऊर्फ '''अण्णासाहेब भोपटकर''' (इ.स. १८८० - २४ एप्रिल, इ.स. १९६०; [[पुणे]], [[महाराष्ट्र]]) हे [[मराठा|मराठी]] पत्रकार, हिंदुत्ववादी राजकारणी व वकील होते. हे [[केसरी (वृत्तपत्र)|केसरी वृत्तपत्राचे]] संपादक होते. तसेच हे ''महाराष्ट्र मंडळ'' शिक्षणसंस्थेचे संस्थापक व [[हिंदू महासभा|हिंदू महासभेचे]] माजी अध्यक्ष होते. ल.ब. भोपटकर हे व्यायामशास्त्रतज्ज्ञ होते. त्यांनी व्यायाम आणि व्यायामप्रकार यांच्यावर काही पुस्तके लिहिली आहेत. ते स्वातंत्र्यवीर [[सावरकर]] यांचे वकील होते. गांधी खून खटल्यातील सर्व आरोपींचे खटले भोपटकरांनी एक पैसाही न घेता चालवले.

== स्वातंत्र्य लढ्यातील सहभाग ==
[[भारतीय स्वातंत्र्यलढा|भारतीय स्वातंत्र्यलढ्याच्या]] काळात भोपटकरांनी ६ एप्रिल, इ.स. १९३० रोजी सोलापूर नगरपरिषदेवर राष्ट्रीय झेंडा फडकवला. तसेच ते इ.स. १९३७ सालच्या [[हैदराबाद]] सत्याग्रहात सहभागी झाले होते. त्यासाठी त्यांना तुरुंगवासाची शिक्षा सुनावण्यात आली.

== व्यक्तिगत जीवन ==
लक्ष्मण बळवंत हे [[भाला (नियतकालिक)|"भाला"कार]] [[भास्कर बळवंत भोपटकर|भास्कर बळवंत भोपटकरांचे]] धाकटे भाऊ होते. त्यांची पत्‍नी यशोदा ही मराठी साहित्यिक [[विठ्ठल सीताराम गुर्जर|विठ्ठल सीताराम गुर्जरांची]] बहीण होती. लक्ष्मण बळवंत भोपटकरांना चारू, मधु, कुंजविहारी, जगदीश हे चार पुत्र होते; तर इंदू श्रीखंडे, कुमुद मोघे, लीला आणि मीना, या चार कन्या होत्या.

==व्यक्तिगत प्रसंग==
[[इ.स. १९३०]]च्या [[सत्याग्रह|सत्याग्रहात]] त्यांच्यावर एक प्राणसंकट कोसळले होते. ते ज्या कोठडीत बंदिस्त होते त्यात एक [[नाग]] घुसला. त्यावेळी जवळपास कोणीच नव्हते. भोपटकर अर्धा तास त्या नागाच्या दृष्टीला दृष्टी लावून बसले होते. नंतर लोक आल्यानंतर भोपटकरांची सुटका झाली. दुसरे प्राणसंकट कोसळण्याची घटना [[पुणे|पुण्यात]] घडली. एका समारंभाला जात असताना त्यांची मोटार बाँबस्फोटात सापडली. त्यात भोपटकरांच्या अंगाला ८२ जखमा झाल्या होत्या.<ref>
{{स्रोत पुस्तक | पहिलेनाव =ज.द. | आडनाव =जोगळेकर | title =हिंदुत्ववादी धुरंधर नेते | भाषा =मराठी | प्रकाशक =नवचैतन्य प्रकाशन | वर्ष =२००८ | आयएसबीएन = | दुवा = | संदर्भ = पृष्ठ क्रमांक ११० | अ‍ॅक्सेसदिनांक = }}
</ref>

==ल.ब. भोपटकर यांनी लिहिलेली किंवा संपादित केलेली पुस्तके==
* ऐतिहासिक कथापंचक
* काँग्रेस व कायदेमंडळ
* कुस्ती
* केसरी प्रबोध (संपादन)
* केळकर (संपादन)
* दांडपट्टा
* नवरत्नांचा हार (ऐतिहासिक शब्दचित्रे)
* पुणे सार्वजनिक सभा ज्युबिली अंक (संपादन)
* महाराष्ट्र सांवत्सरिक (लेखकः श्री.म. माटे; संपादक : ल.ब. भोपटकर)
* माझी व्यायाम पद्धती
* मृत्यूच्या मांडीवर
* रामशाहीर यांची कविता
* श्रीबिपीनचंद्रपाल व्याख्याने
* स्त्रियांचे व्यायाम
* स्वराज्याची मीमांसा
* हिंदू समाज दर्शन

==संदर्भ व नोंदी==
{{संदर्भयादी}}

{{विस्तार}}
{{DEFAULTSORT:भोपटकर,लक्ष्मण बळवंत}}
[[वर्ग:अखिल भारतीय हिंदू महासभा]]
[[वर्ग:भारतीय स्वातंत्र्यसैनिक]]
[[वर्ग:मराठी पत्रकार]]
[[वर्ग:मराठी संपादक]]
[[वर्ग:इ.स. १८८० मधील जन्म]]
[[वर्ग:इ.स. १९६० मधील मृत्यू]]

लक्ष्मण बळवंत भोपटकर - आवृत्ती इतिहास

ImportMaster: robot: Import pages using विशेष:आयात