ImportMaster: robot: Import pages using विशेष:आयात

2022-05-01T18:29:07Z

नवीन पृष्ठ

{{माहितीचौकट व्यक्ती
| चौकट_रुंदी =
| नाव = वामन कर्डक
| चित्र =
| चित्र_आकारमान = 200px
| चित्रशीर्षक = {{लेखनाव}}
| चित्रशीर्षक_पर्याय =
| जन्मनाव =
| जन्म_दिनांक = {{जन्म दिनांक|1922|08|15}}
| जन्म_स्थान = देशवंडी, ता. [[सिन्नर]], जि. [[नाशिक]]
| मृत्यू_दिनांक = {{मृत्यू दिनांक आणि वय|2004|5|15|1922|8|15}}
| मृत्यू_स्थान =
| मृत्यू_कारण =
| कलेवर_सापडलेले_स्थान =
| चिरविश्रांतिस्थान =
| चिरविश्रांतिस्थान_अक्षांश_रेखांश =
| निवासस्थान =
| राष्ट्रीयत्व = भारतीय
| टोपणनावे = वामनदादा
| वांशिकत्व =
| नागरिकत्व = भारतीय
| शिक्षण =
| प्रशिक्षणसंस्था =
| पेशा = कवी (शाहीर) आणि (साहित्यिक)
| कारकीर्द_काळ =
| मालक =
| प्रसिद्ध_कामे =
| मूळ_गाव =
| पगार =
| निव्वळ_मालमत्ता =
| उंची =
| वजन =
| ख्याती = कवी, शाहिर
| पदवी_हुद्दा =
| कार्यकाळ =
| पूर्ववर्ती =
| परवर्ती =
| राजकीय_पक्ष =
| विरोधक =
| संचालकमंडळ =
| धर्म = [[बौद्ध धर्म]]
| जोडीदार = अनुसया </br> शांताबाई
| अपत्ये = मीरा (जगू शकली नाही), दत्तक पुत्र -रवींद्र कर्डक
| वडील = तबाजी कर्डक
| आई = सईबाई तबाजी कर्डक
| नातेवाईक = सदाशिव (थोरला भाऊ), सावित्राबाई (धाकटी बहीण)
| पुरस्कार =
| स्वाक्षरी =
| स्वाक्षरीशीर्षक_पर्याय =
| संकेतस्थळ =
| तळटिपा =
| संकीर्ण =
}}
'''वामन तबाजी कर्डक''' ([[१५ ऑगस्ट]], [[इ.स. १९२२]] - [[१५ मे]], [[इ.स. २००४]], '''वामनदादा कर्डक''' नावाने प्रसिद्ध, हे मराठी शाहीर, कवी आणि आंबेडकरी चळवळीतील कार्यकर्ते होते. त्यांच्या हयातीतच त्यांचे चार काव्यसंग्रह प्रकाशित झाले होते.<ref>{{संकेतस्थळ स्रोत | दुवा=http://www.loksatta.com/navneet-news/lucrative-milk-production-2-174222/ | title=नवनीत:आजचे महाराष्ट्रसारस्वत: १५ ऑगस्ट | प्रकाशक=[[लोकसत्ता]] | दिनांक=३१ ऑगस्ट, इ.स. २०१३ | ॲक्सेसदिनांक=३१ ऑगस्ट, इ.स. २०१३ | लेखक=संजय वझरेकर | भाषा=मराठी}}</ref> कर्डकांनी डॉ. आंबेडकरांवर १०,०००हून अधिक गीते रचली आहेत.

लोकशाहीर वामन कर्डक यांनी [[डॉ. बाबासाहेब आंबेडकर]] यांचे विचार आपल्या ओजस्वी वाणीतून आणि समर्थ लिखाणातून महाराष्ट्राच्या घरांघरांत खेड्यापाड्यात, वाडीतांड्यांत पोहचवण्याचे काम केले. [[बुद्ध]], [[जोतीराव गोविंदराव फुले|फुले]], [[आंबेडकर]] यांचा विचार हा वामनदादांचा श्वास होता, ऊर्जाकेंद्र होते. हे विचार प्रभावीपणे प्रसारित करत वामनदादा जीवनाच्या शेवटापर्यंत फिरत राहिले. त्यामुळे समाज जागृत होत राहिला.<ref name=":1" />

==प्रारंभिक जीवन ==
वामन कर्डक यांचा जन्म १५ ऑगस्ट १९२२ साली नाशिक जिल्ह्यातील ता. सिन्नर मधील देशवंडी या छोट्याशा खेड्यात झाला. वडील तबाजी कर्डक, आई सईबाई, मोठा भाऊ सदाशिव तर धाकटी बहीण सावित्री असा वामनदादांचा परिवार होता. त्यांच्या घरी १८ एकर शेती होती. धान्य घरात यायचे तरीही हंगाम संपला की आईने डोंगरात जाऊन लाकडे गोळा करून मोळी बांधून ते जळतण सिन्नर बाजारात विकायचे. वडील टेंभुर्णीच्या पानाच्या विड्या करून विकायचे व हेडीचा धंदा करायचे. सर्वांनी कष्ट केल्यावरही आषाढ श्रावणात आबाळ व्हायची. कधी तरवट्याची भाजी, माठाची भाजी, कधी भाकरीच खावी लागायची.<ref name=":1" />

कर्डकांनी लहानपणी गुरे चारणे, जत्रेत कुस्त्या खेळणे, शिवडी येथे गिरणी कामगाराची नोकरी करणे, मातीकाम, सिमेंट काँक्रीटचे काम, चिक्की विकणे, आईसफ्रूट विकणे, खडी फोडणे, टाटा ऑईल मिलमध्ये नोकरी, इत्यादी कामे केली. त्यांना वाचनाचा छंद होता तसेच त्यांनी ''लल्लाट लेख'' या नाटकात ''घुमा'' या पात्राची भूमिका केली होती.<ref name=":1" />

वयाच्या १९-२०व्या वर्षी वामनचे लग्न अनुसया नावाच्या मुलीशी झाले. पुढे त्यांच्या कुटुंबात मीरा नावाच्या मुलीने जन्म घेतला. वामनदादांचे जीवन सुखात गेले नाही. बायको त्यांना सोडून गेली आणी पुढे आजारपणात मीराचेही निधन झाले. हा त्यांचा जीवनाला फार मोठा धक्का होता, ते मीराचे दुःख कधीही विसरू शकले नाहीत.<ref name=":1" />

== मुंबईला प्रयाण ==
मुलगी मीराच्या निधनानंतर पुढे आईसोबत पोटाची खळजी भरण्याकरिता वामनदादा मुंबईत आले. त्यांनी गिरणी कामगार म्हणून काम केले. कोळशाच्या वखारीत कोळसा उचलला. चिक्की विक्रीचा, आईस फ्रूट विक्रीचा धंदा केला. मिळेत ते काम केले. नंतर त्यांना टाटा कंपनीत नोकरी मिळाली. शिवडीच्या बीडीडी चाळीत राहत असतांना ते [[समता सैनिक दल|समता सैनिक दलात]] सामील झाले. इथपर्यंत वामनदादांना अक्षरांचा परिचय नव्हता.<ref name=":1" />

एकदा त्यांच्या चाळीमधीस एका मनासाने वामनदादांना पत्र वाचायला सांगितले. दादांना पत्र वाचता लिहिता येत नव्हते. याचे त्यांना खूप वाईट वाटले. शिक्षण नसल्यामुळे आपण लिहू-वाचू शकत नाही हे त्यांना अवघड वाटू लागले व ते रडू लागले. आणि ते देहलवी नावाच्या मास्तरांकडून बाराखडी, मुळाक्षरे शिकली. जोडाक्षरे ते दुकानाच्या पाट्या, बोर्ड वाचून शिकले. हळू-हळू त्यांचे लेखन वाचन वाढू लागले. सोबतच ते विविध खेळही खेळायचे व व्यायामही करायचे.<ref name=":1" />

== आंबेडकरी चळवळीत सहभागी ==
त्यावेळी आंबेडकरी चळवळ सर्वत्र वेगाने जोर धरू लागली. आंबेडकरांचे अनुयायी समतेच्या लढ्यात उतरले होते. वामनदादाही बाबासाहेबांच्या सभेला जात. समता सैनिक दलातील तरुणांसोबत काठीला काठी लावून बाबासाहेबांना सभास्थानी जायला रस्ता करून देत. नायगाव येथे १९४३ साली वामन कर्डक यांनी बाबासाहेबांना पहिल्यांदा पाहिले होते.<ref name=":1" />

== कवी ==
वामन कर्डक यांचे मराठी व हिंदी वाचन बरेच पुढे गेले होते. त्यांना चित्रपट कथाकार, अभिनेता व्हायची खूप इच्छा होती. ते अनेक चित्रपट कंपन्यांमध्ये गेले. पण त्यांना मिनर्व्हा फिल्म कंपनीत एक्ट्रा म्हणून प्रवेश मिळाला. ते कारदार स्टुडिओ, रणजीत स्टुडिओ यांमध्येही कामाला जायचे. जेव्हा काम नसेल तेव्हा ते राणी बागेत तासनतास बसायचे.<ref name=":1" />

असेच १९४३ मध्ये राणी बागेत बसले असता वामनदादा कर्डक यांनी पहिले हिंदी गीताचे विडंबन गीत करायचे सुचले व ते त्यांनी ३ मे १९४३ रोजी चाळीतील लोकांसमोर गाऊन दाखवले. लोकांना प्रशंसा केली, टाळ्या वाजवल्या आणि वामन कर्डक कवी झाले.<ref name=":1" />

त्यानंतर २००४ पर्यंत कर्डकांनी गीतलेखनाचा व गायनाचा कार्यक्रम चालू ठेवला. त्यांची प्रकाशित आणि अप्रकाशित मिळून साधारणतः दहा हजारावर गीतरचना आहे. त्यांनी काही चित्रपट गीतेही लिहिलेली आहेत. त्यानंतर [[चाळीसगांव]], [[मनमाड]], [[टिळकनगर]] येथे त्यांनी आंबेडकरांच्या भाषणांच्या दरम्यान कवितांचे गायन केले.<ref name=":1" />

==काव्यसंग्रह==
# ‘वाटचाल’ (गीतसंग्रह) १९७३
# ‘मोहळ’ (गीतसंग्रह) १९७६
# ‘हे गीत वामनाचे’ (गीतसंग्रह) १९७७

==गद्य==
# ‘माझ्या जीवनाचं गाणं’ (आत्मकथन) १९९६

===ध्वनिफिती व चित्रपट गीते===
# डॉ. बाबासाहेब आंबेडकरांची भेट
# भीमज्योत
# [[जय भीम]] गीते
# सांगा या वेडीला माझ्या गुलछडीला (चित्रपट - सांगत्ये ऐका)
# चल गं हरणे तुरू तुरू (चित्रपट - पंचारती)

=== अन्य गीतरचना ===
# ह्यो ह्यो पाहुणा, शकुचा मेहुणा, तुझ्याकडे बघून हसतोय गं, काही तरी घोटाळा दिसतोय गं (संगीत- मधुकर पाठक; स्वर- श्रावण यशवंते)

== पुरस्कार व सन्मान==
वामन कर्डकांना मिळालेले पुरस्कार व सन्मान खालीलप्रमाणे आहेत.
# [[दिल्ली]]ची डॉ. बाबासाहेब आंबेडकर फेलोशिप.
# महाराष्ट्र राज्य शासनाचा [[डॉ. बाबासाहेब आंबेडकर समाज भूषण पुरस्कार|डॉ. बाबासाहेब आंबेडकर दलित मित्र पुरस्कार]].
# महाराष्ट्र शासनाच्या रंगभूमी परिनिरीक्षण मंडळाचे तीन वर्ष सदस्यत्व.
# महाराष्ट्र साहित्य आणि सांस्कृतिक मंडळाचे सदस्यत्व.
# [[औरंगाबाद]] येथे पहिला भव्य नागरी सत्कार (१९८७).
# प्रा. ऋषिकेश कांबळे संपादित पहिल्या लोकशाहीर वामन कर्डक गौरव अंकाचे प्रकाशन (१९८७).
# मधुकर भोळे संपादित वामन दादा कर्डक गौरव ग्रंथाचे प्रकाशन (२००१)
# प्रा. डॉ. परशुराम गिमेकर संपादित ‘वामनदादा कर्डक यांची गीत रचना’ लेख संग्रहाचे प्रकाशन.
# [[नाशिक]], [[बुलढाणा]] येथे नाणेतुला
# [[परभणी]] येथे प्रख्यात उर्दू शायर [[बशर नवाज]] यांचे सोबत वहीतुला. नंतर या वह्यांचे गरीब मुलांना वाटप करण्यात आले.
# साहित्य, संस्कृती मंडळाची ‘उत्कृष्ट कविरत्‍न’ ही गौरववृत्ती.
# ’युगांतर प्रतिष्ठान’तर्फे ‘युगांतर पुरस्कार’ (१९९७).
# [[जामखेड]]च्या भाई फुटाणे प्रतिष्ठानचा ‘संत नामदेव पुरस्कार’
# [[मुंबई]]च्या बौद्ध कलावंत संगीत अकादमीचा ‘भीमस्मृती पुरस्कार’
# [[भोपाळ]] येथे ताम्रपट मिळाला..
# [[भुसावळ]] येथे चांदीचे मानपत्र मिळाले.
# [[हिंगोली]] जिल्ह्यातील [[बसमत]] येथे संजय मोहड यांनी आयोजित केलेल्या ‘स्वरार्हत संगीत संगीती’ या कार्यक्रमात नागरी सत्कार आणि गायन
# मराठवाडा ‘अस्मितादर्श पुरस्कार’
# इ.स. १९९३ मध्ये, [[वर्धा]] येथे भरलेल्या पहिल्या अखिल भारतीय [[आंबेडकरी साहित्य संमेलन]]ाचे अध्यक्षपद.
# [[औरंगाबाद]]च्या वामनदादा कर्डक [[प्रतिष्ठाने|प्रतिष्ठान]] या संस्थेने भरविलेले पहिले अखिल भारतीय महाकवी [[वामनदादा कर्डक साहित्य संमेलन]], १५ मे २००८ रोजी [[औरंगाबाद]] येथे झाले. डॉ. [[यशवंत मनोहर]] संमेलनाध्यक्ष होते.

==कर्डकांवर लिहिलेली पुस्तके==
* ‘एका कवीचे जीवनगाणे’ ही वामन कर्डक यांची चरित्रकथा असून त्याचे लेखक बबन लोंढे हे आहेत.
* आंबेडकरी प्रतिभेचा महाकवी : वामनदादा कर्डक - लेखकः डॉ. अशोक जोंधळे व डॉ. शत्रुघ्न जाधव, प्रतिभास प्रकाशन - परभणी, पृष्ठे ८०<ref name=":1" >{{संकेतस्थळ स्रोत|दुवा=https://www.bookganga.com/eBooks/Books/Details/5721038593441650085|title=आंबेडकरी प्रतिभेचा महाकवी : वामनदादा कर्डक-Ambedkari Pratibhecha Mahakavi Vamandada Kardak by Dr. Ashok Jondhale, Dr. Shatrughna Jadhav - Pratibhas Prakashan - Parbhani - BookGanga.com|संकेतस्थळ=www.bookganga.com|ॲक्सेसदिनांक=2019-05-15}}</ref>

{{विस्तार}}

==हे सुद्धा पहा==
* [[वामनदादा कर्डक साहित्य संमेलन]]

{{संदर्भनोंदी}}

==बाह्य दुवे==
#[https://m.youtube.com/results?q=vaman%20kardak%20documdentry&sm=3 वामन कर्डकांवरील लघुपट (हिंदी)]
# [http://www.youtube.com/watch?v=oKvOHun5pa8 ]
# [http://yashwantmanohar.com/samikshechi-pustake/ambedkarvadi-mahageetkar-wamandada-kardak/ आंबेडकरवादी महागीतकार: वामनदादा कर्डक – Dr. Yashwant Manohar]

{{DEFAULTSORT:कर्डक, वामन तबाजी}}
[[वर्ग:मराठी कवी]]
[[वर्ग:इ.स. १९२२ मधील जन्म]]
[[वर्ग:इ.स. २००४ मधील मृत्यू]]
[[वर्ग:भारतीय बौद्ध]]
[[वर्ग:नवयान बौद्ध]]
[[वर्ग:शाहीर]]
[[वर्ग:आंबेडकरवादी]]
[[वर्ग:दलित कलाकार]]

वामन कर्डक - आवृत्ती इतिहास

ImportMaster: robot: Import pages using विशेष:आयात