ImportMaster: robot: Import pages using विशेष:आयात

2022-05-01T17:37:34Z

नवीन पृष्ठ

{{माहितीचौकट शास्त्रज्ञ
| नाव = विक्रम साराभाई
| चित्र = Dr. Vikram Sarabhai.jpg
| चित्र_रुंदी = 160px
| चित्र_शीर्षक =
| पूर्ण_नाव =विक्रम अंबालाल साराभाई
| जन्म_दिनांक =12-08-1919 {{जन्म_दिनांक|1919|08|12}}
| जन्म_स्थान =अहमदाबाद
| मृत्यू_दिनांक =30-12-1971 {{मृत्यू दिनांक आणि वय|1971|12|30|1919|08|12}}
| मृत्यू_स्थान =केरळ राज्यातील कोबालम
| निवास_स्थान = [[भारत]] [[चित्र:Flag of India.svg|18px]]
| नागरिकत्व = [[भारत|भारतीय]] [[चित्र:Flag of India.svg|18px]]
| राष्ट्रीयत्व = [[भारतीय लोक|भारतीय]] [[चित्र:Flag of India.svg|18px]]
| वांशिकत्व =
| धर्म = [[हिन्दू]]
| कार्यक्षेत्र =
| कार्यसंस्था =
| प्रशिक्षण_संस्था =
| डॉक्टरेट_मार्गदर्शक =
| डॉक्टोरल_विद्यार्थी =
| ख्याती =
| संशोधक_लघुरूप_वनस्पतिशास्त्र =
| संशोधक_लघुरूप_प्राणिशास्त्र =
| पुरस्कार =
| वडील_नाव =
| आई_नाव =
| पती_नाव =
| पत्नी_नाव =
| अपत्ये =
| तळटिपा =
}}
'''विक्रम अंबालाल साराभाई''' (१२ ऑगस्ट, इ.स. १९१९ - ३० डिसेंबर, इ.स. १९७१) हे भारतीय भौतिकशास्त्रज्ञ व खगोलशास्त्रज्ञ होते. ते भारताच्या अंतराळ संशोधनाचे पितामह आणि भारताच्या अंतराळ युगाचे शिल्पकार म्हणून ओळखले जातात.

== बालपण व शिक्षण ==
विक्रम अंबालाल साराभाई यांचा जन्म [[अहमदाबाद]] येथील एका संपन्न कुटुंबात ऑगस्ट १२, १९१९ रोजी झाला. त्यांचे वडील उद्योगपती होते. त्यांचे बऱ्याच राजकीय व्यक्तिंशी त्यांचे संबध असल्याने [[रवींद्रनाथ टागोर]], [[जवाहरलाल नेहरू]], [[सरोजिनी नायडू]], [[महात्मा गांधी]] आदी लोकांचे त्यांच्या घरी जाणे-येणे होते. विक्रम साराभाई यांच्या आई ''सरलादेवी'' यांनी आपल्या ८ मुलांच्या शिक्षणासाठी स्वतःची मांटेसरी पद्धतीची शाळा काढली होती. या शाळेतच विक्रम साराभाईचे शिक्षण [[युरोप|युरोपातून]] आलेल्या शिक्षकांद्वारे झाले. त्याना लहानपणापासुनच गणित आणि भौतिकशास्त्र हे विषय विशेष आवडत होते.

आपले १२ वी पर्यंतचे शिक्षण आटपून १९३७ साली पुढील शिक्षणासाठी ते [[ब्रिटन|ब्रिटनमधील]] [[केंब्रिज विद्यापीठ|केंब्रिज विद्यापीठात]] शिकायला गेले. पण [[दुसरे महायुद्ध]] सुरू झाल्याने ते भारतात परत आले व त्यांनी [[बंगळूर|बंगलोर]]मधील ''इंडियन इंस्टीट्यूट ऑफ सायन्स'' मध्ये [[नोबेल पारितोषिक]] विजेते [[चंद्रशेखर वेंकट रामन|सर सी. व्ही. रामन]] यांच्या मार्गदर्शनाखाली वैश्विक किरणावर संशोधन केले. १९४२ साली त्यांनी [[भरतनाट्यम]], [[कुचिपुडी]] या नृत्यकलेत पारंगत असलेल्या प्रसिद्ध नृत्यांगना '''[[मृणालिनी साराभाई]]''' यांच्याशी विवाह केला. त्यांना कार्तिकेय आणि मल्लिका ही दोन अपत्ये झाली.

== कारकीर्द ==
१९४५ साली दुसरे महायुद्ध संपल्यावर विक्रम साराभाई ब्रिटनला गेले. १९४७ साली त्यानी ‘काॅस्मिक रे इन्वेस्टिगेशन इन ट्राॅपिकल लॅटीट्यूड्स’ वर संशोधन करून डॉक्टरेट मिळवली आणि त्याचवर्षी ते आपल्या मायदेशी परत आले. भारतात परत येउन त्यांनी [[नोव्हेंबर ११]] [[इ.स. १९४७|१९४७]]ला अहमदाबाद येथे भौतिकी संशोधन कार्यशाळेची स्थापना केली. हे त्यांचे पहिले पाउल होते, पुढे जाऊन अवकाश संशोधनात विक्रम साराभाई यांनी भरीव कामगिरी केली. विक्रम साराभाई यांनी अहमदाबाद येथील भारतीय प्रबंध संस्था (इंडियन इन्स्टिट्यूट ऑफ मॅनेजमेन्ट) स्थापन करण्यात महत्त्वाची भूमिका बजावली. १९७५ मध्ये जो पहिला अंतरिक्ष उपग्रह आर्यभट्ट अवकाशात सोडला गेला त्याची रचना विक्रम साराभाई यांच्या अहमदाबाद रिसर्च सेंटर मध्येच केली होती. आर्यभट्टच्या यशस्वी प्रक्षेपणानंतर भारताने अनेक उपग्रह अवकाशात प्रक्षेपित केले. या यशामागे साराभाई यांचे अथक परिश्रम, दूरदृष्टी आणि खंबीर नेतृत्व ह्यांचा मोलाचा वाटा आहे.

विक्रम साराभाई यांनी जागतिक कीर्ती असलेल्या अनेक सस्थांची सुरुवात केली. [[इंडियन इन्स्टिट्यूट ऑफ मॅनेजमेन्ट]] (IIM) ही भारतातील सर्वोत्कृष्ट व्यवस्थापन शिक्षण संस्था डाॅ. साराभाई यांच्या प्रयत्नातूनच उभी राहिली. [[भौतिकशास्त्र]]ातील संशोधनासाठी प्रसिद्ध असलेली [[राष्ट्रीय भौतिकी प्रयोगशाळा]] (PRL) देखिल डाॅ. साराभाई यांनीच सुरू केली. [[अहमदाबाद]] येथे वस्त्रोद्योग निर्मितीस चालना देणारे [[अहमदाबाद टेक्स्टाईल इंडस्ट्रीयल रिसर्च असोसिएशन]] (ATIRA) या संस्थेची उभारणी त्यांनी केली. पर्यावरण क्षेत्रात कार्यरत असलेली [[सेंटर फॅार इन्व्हीरॅान्मेंटल प्लॅनिंग ॲन्ड टेक्नॅालॅाजी]] (CEPT) ही संस्था देखील त्यांनी उभारली.

== सन्मान ==
डॉ. विक्रम साराभाई यांना सन १९६६ साली पद्मभूषण आणि १९७२ साली मरणोत्तर पद्मविभूषण हे पुरस्कार भारत सरकारतर्फे देण्यात आले.

== मृत्यू ==
[[३० डिसेंबर]] [[इ.स. १९७१|१९७१]] साली [[केरळ]] [[राज्य]]ातील [[कोवालम]] येथे रात्री झोपेतच ह्रदयविकाराच्या झटक्याने विक्रम साराभाई यांचे दुःखद निधन झाले.

== बाह्य दुवे ==

{{भारतीय अवकाश संशोधन}}
{{शांतिस्वरूप भटनागर पुरस्कार विजेते}}

[[वर्ग:भारतीय शास्त्रज्ञ|साराभाई, विक्रम]]
[[वर्ग:पद्मविभूषण पुरस्कारविजेते|साराभाई, विक्रम]]
[[वर्ग:पद्मभूषण पुरस्कारविजेते|साराभाई, विक्रम]]
[[वर्ग:इ.स. १९१९ मधील जन्म|साराभाई, विक्रम]]
[[वर्ग:इ.स. १९७१ मधील मृत्यू|साराभाई, विक्रम]]
[[वर्ग:भारतीय संशोधक]]
[[वर्ग:शांतिस्वरूप भटनागर पुरस्कार विजेते]]

विक्रम साराभाई - आवृत्ती इतिहास

ImportMaster: robot: Import pages using विशेष:आयात