ImportMaster: robot: Import pages using विशेष:आयात

2022-05-01T18:44:02Z

नवीन पृष्ठ

{{विस्तार}}
{{माहितीचौकट गायक
| नाव = '''{{लेखनाव}}'''
| चित्र =
| चित्रशीर्षक =
| उपाख्य =
| टोपणनावे =
| जन्म_दिनांक = १८ फेब्रुवारी, इ.स. १९३२
| जन्म_स्थान = [[भारत]]
| मृत्यू_दिनांक =१७ एप्रिल २०१९
| मृत्यू_स्थान =पुणे
| मृत्यू_कारण =वार्धक्य
| धर्म = [[हिंदू]]
| वांशिकत्व =
| नागरिकत्व =[[भारत|भारतीय]]
| मूळ_गाव =
| देश = {{ध्वज|भारत}}
| भाषा = [[मराठी]]
| आई =
| वडील =
| जोडीदार =
| अपत्ये =
| नातेवाईक =
| शिक्षण =
| प्रशिक्षण संस्था =
| गुरू =
| संगीत प्रकार = [[गायन]]
| घराणे = ग्वाल्हेर घराणे
| कार्य =
| पेशा = गायकी
| कार्य संस्था =
| विशेष कार्य =
| कार्यकाळ =
| विशेष उपाधी =
| गौरव =
| पुरस्कार =
| संकीर्ण =
| तळटिप =
| स्वाक्षरी =
| संकेतस्थळ =
}}

''पं.'' '''शरद साठे''' (१८ फेब्रुवारी, इ.स. १९३२ - १७ एप्रिल २०१९) हे मराठी, [[हिंदुस्तानी शास्त्रीय संगीत]] गायक आहेत. ते [[ग्वाल्हेर घराणे|ग्वाल्हेर घराण्याच्या]] शैलीत गायन करतात.

==पूर्वायुष्य==
शरद साठे यांनी इ.स. १९४९ मध्ये पं. [[दत्तात्रेय विष्णू पलुसकर]] यांच्याकडे गुरू-शिष्य परंपरेत संगीत शिकण्यास सुरुवात केली. पलुसकरांबरोबर अनेक संगीत कार्यक्रमांत भाग घेण्याच्या संधीसोबत त्यांना आपल्या गुरूंसमवेत भरपूर प्रवास करायला मिळाला.

पलुसकरांचे इ.स. १९५५ मध्ये अकाली निधन झाले. शरद साठ्यांनी तेव्हा गुरूच्या शोधात इ.स. १९५६ मध्ये [[मुंबई]] गाठली व संगीतज्ञ प्राध्यापक [[बी. आर. देवधर]] यांच्या मार्गदर्शनाखाली जवळपास दहा वर्षे संगीत साधना केली. त्यांना [[भारत]] सरकारची शिष्यवृत्ती मिळाली. इ.स. १९६१ मध्ये शरद साठे [[गंधर्व महाविद्यालय]] मंडळातून संगीत विशारद झाले. प्राध्यापक देवधरांकडून त्यांना अनेक अप्रचलित रागांमधील विविध रचना शिकायला मिळाल्या.

इ.स. १९६६ नंतर त्यांनी ग्वाल्हेर घराण्याचे गायक पं. शरदचंद्र अरोलकर यांचे शिष्यत्व पत्करले. त्यांच्याकडे साठ्यांना ग्वाल्हेर घराण्यातील अनेक दुर्मिळ ख्याल रचना, टप्पे व तराण्यांचे ज्ञान मिळाले.

==सांगीतिक कारकीर्द==
पं. शरद साठे हे [[आकाशवाणी]]वर तसेच दूरचित्र वाहिन्यांवर नियमित स्वरूपात गायन कार्यक्रम करत. त्यांनी कित्येक संगीत परिषदा व संगीतोत्सवांमध्ये भाग घेतला. इ.स. १९७२ मध्ये फिल्म्स डिव्हिजन ने पं. [[विष्णू दिगंबर पलुसकर|विष्णू दिगंबर पलुसकरांवर]] काढलेल्या माहितीपटासाठी गाण्याचा विशेष सन्मान त्यांना लाभला.

इ.स. १९८५ मध्ये संगीत कार्यक्रमांसाठी शर साठे यांनी अमेरिकेचा दौरा केला. इ.स. १९८६-८७ चे दरम्यान त्यांनी [[भारतीय विद्या भवन]] संस्थेच्या [[लंडन]] येथील केंद्रात गायनकलेचे निवासी प्राध्यापक म्हणून काम पाहिले. त्यांनी टप्पा विषय शिकविला व काही भारतीय विद्यापीठांमध्ये परीक्षक म्हणून काम पाहिले. इ.स. १९८९, १९९३, १९९७ व २००८ मध्ये त्यांनी [[इंग्लंड]] येथे व इ.स. १९९३ मध्ये [[दुबई]], [[बहरैन|बहरीन]] येथे संगीत दौरे केले.

[[कोलकाता]] येथील संगीत संशोधन अकादमी व मुंबईच्या नॅशनल सेंटर फॉर परफॉर्मिंग आर्ट्‌स या संस्थेने आपल्या अभिलेखागार विभागासाठी पं. शरद साठे यांचे ध्वनिमुद्रण करवून घेतले आहे. इ.स. १९९७ मध्ये अमेरिकेतील [[सिअ‍ॅटल, वॉशिंग्टन|सिअ‍ॅटल]]मधील वॉशिंग्टन विद्यापीठात ग्वाल्हेर घराण्याच्या बंदिशींचे अभिलेखागार विभागासाठी ध्वनिमुद्रण करण्यासाठीही त्यांना आमंत्रित करण्यात आले होते. स्वरश्री, मॅग्नासाउन्ड व म्युझिशियन्स् गिल्ड यांसारख्या ध्वनिमुद्रण कंपन्यांनी त्यांच्या ध्वनिमुद्रिका प्रकाशित केल्या आहेत.

पं. शरद साठे हे मुंबईच्या दादर माटुंगा सांस्कृतिक केंद्राचे अध्यक्ष होते. त्यांनी [[पुणे विद्यापीठ|पुणे विद्यापीठा]]तून [[विज्ञान]] शाखेची पदवीही संपादन केली आहे.

==पुरस्कार व सन्मान==
इ.स. २००६ मध्ये आय. टी. सी. संगीत संशोधन अकादमीने त्यांचा हिंदुस्तानी गायन संगीताच्या क्षेत्रातील योगदानाबद्दल सन्मान केला. इ.स. २००९ मध्ये त्यांना पंडित [[विनायकराव पटवर्धन]] स्मृति गौरव पुरस्काराने गौरविण्यात आले.
[[आकाशवाणी]] व दूरचित्रवाणीचे उच्च श्रेणी कलावंत.
संगीत रत्न, काशी संगीत समाज, २००७.

==ध्वनिमुद्रिकांची यादी==

'''स्वरश्री'''
* [[रामकली]], [[भैरवी]] (टप्पा), [[सोहनी]]

'''मॅग्नासाऊंड'''
* [[छायानट]], [[खमाज]] (टप्पा), [[परज]]

''' म्युझिशियन्स गिल्ड'''
* [[देवगिरी बिलावल]], [[बिलावल]], [[परज]], [[ठुमरी]]
* [[मालकंस]], [[यमन]], [[खमाज]] (टप्पा).
* [[गुजरी तोडी]], [[बागेश्री कानडा]], [[भजन]].

'''द क्विन्टासन्स ऑफ अ म्युझिकल ट्रेडिशन'''
* भाग १ : [[ललित]], [[खमाज]] (टप्पा), [[यमन]]
* भाग २ : [[छायानट]], [[बिहागडा]], [[भजन]] ([[सूरदास]])
* भाग ३ : [[कौशी कानडा]], [[जौनपुरी]], भजन - [[तुलसीदास]].
* भाग ४ : [[गंधारी]], [[मियां की सारंग]], [[भैरवी]] ([[ठुमरी]]), भजन (सूरदास).

==बाह्य दुवे==
* [http://www.sharadsathe.com/index.html पं. शरद व्यास यांचे अधिकृत संकेतस्थळ]
* [http://www.itcsra.org/aom/artist_ofthe_month.asp?id=97 आय. टी. सी. संगीत संशोधन अकादमी संकेतस्थळ ]
*[https://maharashtratimes.indiatimes.com/maharashtra/pune-news/pt-sharad-sathe-passed-away/articleshow/68924831.cms पं. शरद साठे यांचे निधन]

{{हिंदुस्तानी संगीत}}

{{DEFAULTSORT:साठे, शरद}}
[[वर्ग:भारतीय शास्त्रीय गायक]]
[[वर्ग:मराठी गायक]]
[[वर्ग:हिंदुस्तानी गायक]]
[[वर्ग:इ.स. १९३२ मधील जन्म]]

शरद साठे - आवृत्ती इतिहास

ImportMaster: robot: Import pages using विशेष:आयात