ImportMaster: robot: Import pages using विशेष:आयात

2022-05-01T16:27:28Z

नवीन पृष्ठ

{{इतिहासलेखन}}
{{माहितीचौकट राज्याधिकारी
| नाव = छत्रपती शाहूराजे भोसले
| पदवी = [[छत्रपती]]
| चित्र =
| चित्र_शीर्षक = 
| राजध्वज_चित्र = Flag_of_the_Maratha_Empire.svg| राजध्वज_चित्र_शीर्षक = मराठा साम्राज्य
| राजचिन्ह_चित्र =
| राजचिन्ह_चित्र_शीर्षक =
| राज्य_काळ = [[इ.स. १७०७|१७०७]] - [[इ.स. १७४९|१७४९]]
| राज्यारोहण =
| राज्याभिषेक = [[इ.स. १७०७|१७०७]]
| राज्यव्याप्ती = [[महाराष्ट्र]], [[कोकण]],<br /> [[भारत |दक्षिण भारत]] <br />आणि<br /> [[भारत | उत्तर भारत]] <br />[[भारत|मध्य भारत आणि बहुतांश भारताचा भाग]]
| राजधानी = [[सातारा]]
| पूर्ण_नाव = शाहूराजे संभाजीराजे भोसले

| जन्म_दिनांक = [[ मे १८ ]], [[इ.स. १६८२ |१६८२ ]]
| जन्म_स्थान = [[माणगाव |माणगाव रायगड जिल्हा]]
| मृत्यू_दिनांक = [[डिसेंबर १५ ]], [[इ.स. १७४९|१७४९]]
| मृत्यू_स्थान = [[सातारा]]
| पूर्वाधिकारी =
| राजपद_वारस =
| राजपद_वारस_प्रकार =
| उत्तराधिकारी = [[राजाराम दुसरे ]]
| वडील = [[छत्रपती संभाजीराजे भोसले]]
| आई = [[येसूबाई]]
| पत्नी = अंबिकाबाई
| संतति =
| राजवंश = भोसले
| राजगीत =
| राजब्रीदवाक्य = । श्री वर्धिष्णुर्विक्रमे विष्णोः। सा मूर्तिरिव वामनी । । शंभूसुतोरिव । मुद्रा शिवराजस्य राजते ।।| राजचलन = [[होन]], [[शिवराई]] ([[सुवर्ण होन]], [[रुप्य होन]]??)
| तळटिपा =
|}}

'''छत्रपती शाहूराजे भोसले''' (१८ मे १६८२ ते १५ डिसेंबर १७४९), छत्रपती कार्यकाल १७०७-१७४९, भारताचा इतिहासातील धुरंधर राजकारणी, उत्कृष्ट योद्धा, प्रभावशाली मराठा शासनकर्ता,[[मराठा]] साम्राज्याचा सर्वाधिक विस्तार करणारा राजा म्हणून भारतीय आणि विशेषत्वाने महाराष्ट्रीय इतिहासावर महत्त्वपूर्ण ठसा उमटवला.
शाहू महाराजांच्या कारकिर्दीत [[शिवाजी]] महाराजांनी उभ्या केलेल्या आणि [[संभाजी]] महाराजांनी मोठ्या शौर्याने सांभाळलेल्या स्वराज्याचा सर्वात मोठा विस्तार झाला.[[सातारा ]] हे त्याकाळात भारताच्या राजकारणाचे केंद्रस्थान आणि सत्तास्थान ठरले.मध्य भारत,उत्तर भारत,[[माळवा]],[[गुजरात]] हे महाराष्ट्राबाहेरील प्रांत मराठ्यांच्या अधिपत्याखाली आले,मुघल साम्राज्याचा अस्त होऊन [[मराठा]] साम्राज्याचा झेंडा भारतभर फडकला.

==छत्रपति कार्यकाळ १७०७-१७४९==

छत्रपती [[शिवाजी]] महाराजांनी स्थापन केलेल्या मराठी राज्याच्या [[कोल्हापूर]] व [[सातारा]] अशा दोन स्वतंत्र छत्रपतींच्या गाद्या औरंगजेबाच्या मृत्यूनंतर (१७०७) निर्माण झाल्या. औरंगजेबाच्या अझमनामक मुलाने शाहूंची सुटका करून त्यांना राजपदाची वस्त्रे व राजपद दिले; मात्र [[चौथाई व सरदेशमुखी]]साठी १७१३ पर्यंत मराठ्यांच्या अंतर्गत संघर्षामुळे त्यांना वाट पाहावी लागली. ⇨छत्रपती शाहू (कार. १७०८–४९) यांनी १२ जानेवारी १७०८ रोजी राज्याभिषेक करून घेऊन विधिवत मराठी राज्याचे अधिपती असल्याचे जाहीर केले. त्यांनी सातारा ही राजधानी केली. अष्टप्रधान मंडळ स्थापन करून मातब्बर सरदारांकडे खाती सुपूर्त केली. त्यांनी अनेक गुणी, कर्तृत्ववान व पराक्र मी माणसे निवडून राज्यविस्तार केला. या कामी त्यांना बाळाजी विश्वनाथ,पहिला बाजीराव व बाळाजी बाजीराव हे पेशवे आणि कान्होजी आंग्रे,रघूजी भोसले, दाभाडे, उदाजी चव्हाण यांसारखे कर्तबगार व निष्ठावान सरदार-सेवक लाभले. दक्षिण हिंदुस्थानातील मोगलांचा सुभेदार सय्यद हुसेन अली याने छत्रपती शाहूंबरोबर १७१३ मध्ये तह केला. त्यानुसार मोगलांच्या दक्षिणेतील मुलखावर चौथाई व सरदेशमुखीचे हक्क मराठ्यांनी स्वतःहून वसूल करावे आणि त्याबदल्यात मोगल मुलखाचा बंदोबस्त करून मराठ्यांनी बादशहास दहा लाख रु. खंडणी द्यावी आणि १५,००० फौज मराठ्यांनी बादशहाच्या मदतीस ठेवावी; तसेच शाहूंच्या मातोश्री, कुटुंब वगैरेंची दिल्लीच्या बादशहाच्या कबजात असलेल्या आप्तेष्टांची मुक्तता करावी असे ठरले. त्याची शाहूंनी तत्काळ अंमलबजावणी केली; तथापि मोगल बादशहा फर्रुखसियार यास हा तह मान्य नव्हता. म्हणून त्याने सय्यद बंधूंबरोबर युद्घाची तयारी केली, तेव्हा सय्यदहु सेन अली वरील करारानुसार मराठ्यांची फौज घेऊन दिल्लीला गेला. त्या सोबत बाळाजी विश्वनाथ, राणोजी शिंदे, खंडो बल्लळ, [[सरसेनापती खंडेराव दाभाडे]], बाजीराव, संताजी भोसले वगैरे मातब्बर सरदार होते. हे सर्व सैन्य यथावकाश फेब्रू वारी, १७१९ मध्ये दिल्लीत पोहोचले. सय्यद बंधूंनी फर्रुखसियार यास पदच्युत करून तुरुंगात टाकले आणि रफी-उद्-दरजत यास बादशाही तख्तावर बसविले. सय्यद बंधूंनी या नामधारी बादशहाकडून मराठ्यांना विधिवत सनदा दिल्या. त्यामुळे दक्षिणेतील मोगलांच्या सहा सुभ्यांतून चौथाई व सरदेशमुखी वसूल करण्याचे हक्क मराठ्यांना मिळाले आणि छ. शाहूंना स्वराज्याचा सनदशीर हक्क प्राप्त झाला. शिवाय बादशहाच्या कैदेत असलेले शाहूंचे बंधू मदनसिंग, मातोश्री येसूबाई यांची सुटका करण्यात आली; परंतु महाराणी ताराबाई संस्थापित करवीरच्या गादीबरोबरचा म्हणजे छ. संभाजी राजांबरोबरचा संघर्ष संपला नव्हता. निजामाच्या मदतीने संभाजींनी शाहूंविरुद्घ मोहीम उघडली. ती आठ-दहा वर्षे चालली. अखेर दुसरा पेशवा पहिला बाजीराव याने निजामाचा पालखेड युद्घात पराभव करून ६ मार्च १७२८ रोजी मुंगी-शेगाव येथे तह होऊन शाहू हेच मराठ्यांचे एकमेव छत्रपती असून चौथ व सरदेशमुखीचा तोच खरा धनी आहे, हे निजामाने मान्य केले. त्यानंतर संभाजी व शाहू या बंधूंत १३ एप्रिल १७३१ रोजी वारणेचा तह झाला. या तहानुसार वारणा नदी दोन्ही राज्यांची सरहद्द म्हणून मान्य करण्यात आली.

{{मराठा साम्राज्य}}
[[वर्ग:मराठा साम्राज्य|छत्रपती शाहूराजे भोसले]]
[[वर्ग:भोसले घराणे|छत्रपती शाहूराजे भोसले]]
[[वर्ग:छत्रपती|छत्रपती शाहूराजे भोसले]]
[[वर्ग:चित्र हवे]]

शाहू पहिले - आवृत्ती इतिहास

ImportMaster: robot: Import pages using विशेष:आयात