ImportMaster: robot: Import pages using विशेष:आयात

2022-05-01T18:41:26Z

नवीन पृष्ठ

{{संदर्भहीन लेख}}
{{माहितीचौकट अभिनेता
| पार्श्वभूमी_रंग =
| नाव = सत्यजित राय
| चित्र = SatyajitRay.jpg
| चित्र_रुंदी =
| चित्र_शीर्षक = सत्यजित राय यांचे व्यक्तिचित्र
| पूर्ण_नाव =
| जन्म_दिनांक =[[मे २]], [[इ.स. १९२१]]
| जन्म_स्थान = [[कोलकाता]], [[भारत]]
| मृत्यू_दिनांक = [[एप्रिल २३]] ,[[इ.स. १९९२]]
| मृत्यू_स्थान = कोलकाता
| इतर_नावे =
| कार्यक्षेत्र = [[चित्रपट]]
| राष्ट्रीयत्व = भारतीय
| भाषा = [[बंगाली]]
| कारकीर्द_काळ =
| प्रमुख_नाटके =
| प्रमुख_चित्रपट =
| प्रमुख_दूरचित्रवाणी_कार्यक्रम =
| पुरस्कार = [[ऑस्कर पुरस्कार]] (१९९२)
[[भारतरत्न]](१९९२)

| वडील_नाव = सुकुमार राय
| आई_नाव = सुप्रभा राय
| पती_नाव =
| पत्नी_नाव = बिजया दास ([[इ.स. १९४८]] -[[इ.स. १९९२]] )
| अपत्ये = संदीप राय
| संकेतस्थळ =
| तळटिपा =
}}

'''सत्यजित राय''' ([[बंगाली भाषा|बंगाली]]: সত্যজিৎ রায়) ([[मे २]], [[इ.स. १९२१]] - [[एप्रिल २३]], [[इ.स. १९९२]] ) हे [[ऑस्कर पुरस्कार|ऑस्कर पुरस्कारविजेते]] [[भारतीय]] लेखक, पटकथालेखक, संगीतकार, निर्माते आणि दिग्दर्शक होते. चित्रपट जगतातील त्यांच्या कामगिरीबद्दल [[इ.स. १९९२]] मध्ये त्यांना जीवनगौरव [[ऑस्कर पुरस्कार]] देण्यात आला. ऑस्कर मिळवणारे ते एकमेव भारतीय दिग्दर्शक आहेत. त्यांनी अपु के वर्ष (इ.स. १९५० ते इ.स. १९५८) व [[इ.स. १९५५]] मध्ये [[पथेर पांचाली]] या चित्रपटाची निर्मिती केली. यांनी एकूण ३७ चित्रपटांची निर्मिती केली. ते स्वतःच चित्रपटांना संगीत देत, [[पटकथा लेखन]], [[दिग्दर्शन]] व [[संपादन]] अशी अनेक कामे करत.

यांच्या चित्रपटसृष्टीतील योगदानाबद्दल [[भारत]] सरकार तर्फे [[पद्मश्री]] हा पुरस्कार देण्यात आला. या शिवायही त्यांना [[युगोस्लाव्हिया]]चा [[रॅमन मॅगसेसे पुरस्कार]], [[ऑक्सफर्ड]] विश्वविद्यालयातर्फे [[डी. लिट.]] असे अनेक मान सन्मान प्राप्त झाले. [[फ्रान्स]] येथील [[कान चित्रपट महोत्सव]] यांसहित यांना एकूण ११ [[आंतरराष्ट्रीय पुरस्कार]] मिळाले.

== सुरुवातीचे दिवस ==
सत्यजित राय यांचा जन्म [[कोलकाता]] येथे झाला. त्यांच्या घराण्यात कलात्मक सृजनशीलतेचा वारसा होता. त्यांचे आजोबा [[उपेंद्रकिशोर राय]] प्रसिद्ध लेखक, संगीतकार आणि चित्रकार होते. सत्यजित रायांचे वडील [[सुकुमार राय]] कवी, लेखक आणि चित्रकार होते. शाळेत असताना राय यांनी [[हॉलिवूड|हॉलीवूडबद्दल]] मासिकांमध्ये वाचले आणि तेव्हापासून त्यांना चित्रपटांमध्ये गोडी वाटू लागली. याच काळात त्यांचा [[पाश्चात्य शास्त्रीय संगीत|पाश्चात्य शास्त्रीय संगीताशीही]] परिचय झाला. शाळा संपवून महाविद्यालयीन शिक्षण घेताना रायांचा या विषयांमधील रस वृद्धिंगत झाला.

कोलकाता येथील [[प्रेसिडेंसी कॉलेज|प्रेसिडेन्सी कॉलेजमधून]] पदवी घेतल्यानंतर राय यांचा शिक्षण थांबवण्याचा विचार होता. पण त्यांच्या आईच्या आग्रहाखातर ते [[रवींद्रनाथ टागोर]] यांनी स्थापन केलेल्या [[शांतिनिकेतन]] विश्वविद्यालयात शिक्षण घेण्यासाठी तयार झाले. शांतिनिकेतन येथे त्यांचा भारतीय, चिनी आणि जपानी कलांशी जवळून परिचय झाला. तिथे त्यांना [[बिनोद बिहारी मुखर्जी]] आणि [[नंदलाल बोस]] यांच्यासारख्या निष्णात चित्रकारांचा सहवास लाभला.

शांतिनिकेतन येथे पाच वर्षे शिक्षण घेतल्यानंतर [[इ.स. १९४२|इ.स. १९४२ मध्ये]] राय कोलकात्याला परतले. तिथे त्यांनी डी. जे. केमर नावाच्या [[ब्रिटिश]] जाहिरात कंपनीमध्ये नोकरी पत्करली. इथे त्यांनी निरनिराळ्या प्रकारच्या जाहिरातींची निर्मिती केली. नंतर त्यांची बदली त्यांचे ज्येष्ठ सहकारी डी. के.गुप्ता यांच्या 'सिग्नेट प्रेस' या प्रकाशनामध्ये झाली. इथे त्यांनी बऱ्याच पुस्तकांची मुखपृष्ठे बनवली. यात [[जवाहरलाल नेहरू]] यांचे [[डिस्कव्हरी ऑफ इंडिया]] आणि [[जिम कॉर्बेट]] यांचे [[मॅन इटर्स ऑफ कुमाऊं]] यांचा समावेश होता. याच संदर्भात [[बिभूतिभूषण बॅनर्जी]] यांची [[पाथेर पांचाली]] ही कादंबरी त्यांच्या वाचनात आली आणि या कथेचा राय यांच्या मनावर बराच प्रभाव पडला.

[[इ.स. १९४७]] मध्ये राय यांनी [[कलकत्ता फिल्म सोसायटी|कलकत्ता फिल्म सोसायटीची]] स्थापना केली. इथे निरनिराळ्या विदेशी चित्रपटांची प्रदर्शने होत असत. याच काळात रायांनी चित्रपटांबद्दल वर्तमानपत्रे आणि मासिके यात लेख लिहिण्यास सुरुवात केली. राय बरेचदा आवडलेल्या कथांच्या पटकथाही लिहीत असत. [[इ.स. १९४९]] मध्ये प्रसिद्ध फ्रेंच दिग्दर्शक [[ज्यां रेन्वार]] त्यांच्या [[द रिव्हर]] या चित्रपटाच्या चित्रीकरणासाठी कोलकाता येथे आलेले असताना राय यांची त्यांच्याशी भेट झाली. त्यांच्याशी बोलताना रायांनी पाथेर पांचाली या कथेवर चित्रपट बनवण्याची इच्छा व्यक्त केली. रेन्वार यांनी त्यांना या दिशेने जाण्यासाठी प्रोत्साहन दिले. [[इ.स. १९५०]] मध्ये कंपनीतर्फे [[लंडन]] दौऱ्यावर असताना रायांनी बरेच विदेशी चित्रपट बघितले. यातच इटालियन दिग्दर्शक [[व्हित्तोरिओ दी सिका]] यांच्या [[बायसिकल थीव्ह्‌ज]] या चित्रपटाचा समावेश होता. हा चित्रपट बघितल्यावर रायांचा चित्रपट बनवण्याचा निश्चय पक्का झाला.

== चित्रपट निर्मिती ==
[[पाथेर पांचाली]] बनवण्याचा विचार पक्का झाल्यावर राय यांनी या चित्रपटासाठी निर्माता शोधणे सुरू केले. बरीच शोधाशोध करूनही निर्माता मिळणे अशक्य आहे असे दिसल्यावर त्यांनी स्वतःच्या बचतीमधील पैसे वापरून चित्रीकरण सुरू केले. राय आणि त्यांच्या सहकाऱ्यांचा हा पहिलाच प्रयत्न होता. यातून आपल्याला बरेच काही शिकता आले असे रायांनी नंतर नमूद केले. यादरम्यान राय [[पश्चिम बंगाल|पश्चिम बंगालचे]] तत्कालीन मुख्यमंत्री [[डॉ. बी. सी रॉय]] यांना भेटले आणि चित्रपटासाठी सरकारकडून आर्थिक साहाय्याची हमी मिळाली. पाथेर पांचालीसाठी प्रसिद्ध संगीतकार [[पं. रविशंकर]] यांनी संगीत दिले.

अनेक अडचणींना तोंड देत अखेर हा चित्रपट पूर्ण करण्यात राय यशस्वी झाले. याचे पहिले प्रदर्शन [[न्यू यॉर्क]] येथील [[म्यूझियम ऑफ मॉडर्न आर्ट]] येथे झाले. चित्रपटाची आंतरराष्ट्रीय पातळीवर प्रशंसा झाली. त्याचबरोबर काही ठिकाणी प्रखर टीकाही झाली. पाथेर पांचालीला [[राष्ट्रपती सुवर्ण पदक]] आणि [[राष्ट्रपती रजत पदक]] याबरोबरच इतर अनेक आंतरराष्ट्रीय चित्रपट महोत्सवांमध्ये पुरस्कार मिळाले. [[इ.स. २००५]] मध्ये [[टाइम]] मासिकाच्या सर्वोत्कृष्ट १०० चित्रपटांमध्ये या चित्रपटाचा समावेश होता.

पाथेर पंचालीच्या अभूतपूर्व यशाने राय यांना पुढील चित्रपटांसाठी हवे ते स्वातंत्र्य मिळाले. त्यांचे नंतरचे दोन चित्रपट, [[अपराजितो]] आणि [[ओपुर शोंशार]] हे पाथेर पांचालीच्या कथेतील मुलगा अपूचा बालपण ते प्रौढावस्था असा प्रवास दाखवतात. ओपुर शोंशारमध्ये रे यांनी [[सौमित्र चॅटर्जी]] आणि [[शर्मिला टागोर]] या कलाकारांना प्रथम संधी दिली. नंतर सौमित्र बंगाली चित्रपटांमध्ये तर शर्मिला बंगाली आणि हिंदी चित्रपटांमध्ये आघाडीचे कलाकार म्हणून ओळखले गेले.

[[चित्र:Satyajit young 3.jpg|thumb|right|200px|सत्यजित राय,लहानपणीचे चित्र]]
यानंतरचा राय यांचा प्रवास सृजनशीलतेचा एक दुर्मिळ आविष्कार होता. [[इ.स. १९५८]] ते [[इ.स. १९८१]] या वर्षांमध्ये त्यांनी एकाहून एक दर्जेदार चित्रपट काढले. त्यांचा निर्मितीचा वेग साधारणपणे वर्षाला एक असा होता. या प्रवासात रायांनी फँटसी, ऐतिहासिक कथा आणि सायन्स फिक्शन यासारखे विविध विषय हाताळले. यात अंधश्रद्धेवर आधारित [[देवी]] , आधुनिक शहरी आयुष्यातील समस्या हाताळणारा [[महानगर]] , चित्रपटजगतातील बेगडीपणाचे चित्रण करणारा [[नायक]] यांचा समावेश होता. याचबरोबर [[इ.स. १९६४]] मधील [[रवींद्रनाथ टागोर|रवींद्रनाथ टागोरांच्या]] कथेवर आधारित [[चारुलता]] हा त्यांचा सर्वोत्कृष्ट चित्रपट मानला जातो.

राय यांच्या सुरुवातीच्या चित्रपटांना पं. रविशंकर, [[उस्ताद विलायत खान]] यांचे संगीत होते. [[इ.स. १९६१]] मध्ये [[तीन कन्या]] या चित्रपटासाठी त्यांनी स्वतःच संगीत दिले आणि यानंतरच्या बहुतेक चित्रपटांमध्ये ते संगीतकार होते. याचबरोबर संवाद, पटकथालेखन यामध्येही त्यांचा महत्त्वाचा सहभाग असे. [[इ.स. १९६१]] मध्ये तत्कालीन [[पंतप्रधान]] [[पंडित जवाहरलाल नेहरू]] यांच्या आग्रहाखातर रायांनी टागोरांवर माहितीपट काढला. [[इ.स. १९७७]] मध्ये रायांनी [[मुन्शी प्रेमचंद]] यांच्या कथेवर आधारित [[शतरंज के खिलाडी]] हा चित्रपट काढून हिंदी चित्रपटसृष्टीत पदार्पण केले. या चित्रपटात [[संजीव कुमार]] ,[[सईद जाफरी]] ,[[शबाना आझमी]] ,[[अमजदखान]] ,[[व्हिक्टर बॅनर्जी]] आणि [[रिचर्ड ॲटनबरो]] यांच्यासारखे नावाजलेले कलाकार होते. या चित्रपटात [[इ.स. १८५७]]च्या उठावापूर्वीचे भारतातील निजामशाहीचे प्रभावी चित्रण आहे. यात समालोचक म्हणून [[अमिताभ बच्चन]] यांचा आवाज वापरला आहे.

[[इ.स. १९८३]] मध्ये [[घरे बाइरे]] साठी काम करत असताना राय यांनी हृदयविकाराचा झटका आला. यानंतर पुढची नऊ वर्षे शारिरिक अस्वास्थ्यामुळे राय यांच्या कामावर बऱ्याच मर्यादा आल्या. यानंतरच्या त्यांच्या चित्रपटांचे चित्रीकरण मुख्यतः स्टुडिओतच झाले. यानंतर प्रकृती सुधारल्यानंतर त्यांनी आणखी तीन चित्रपट बनवले. आगंतुक हा त्यांचा शेवटचा चित्रपट होता.

=== लेखनकार्य ===
चित्रपटनिर्मितीबरोबरच सत्यजित राय यांनी विपुल लेखनही केले. बंगाली साहित्यामध्ये त्यांनी गुप्तहेर [[प्रदोषचंद्र मित्तर|फेलूदा]] आणि प्रा. शोंकू या दोन लोकप्रिय पात्रांची निर्मिती केली. यापैकी फेलूदांचे पात्र [[शेरलॉक होम्स|शेरलॉक होम्सच्या]] पात्रावर आधारलेले आहे. प्रा शोंकू यांच्या कथा सायन्स फिक्शन या प्रकारात मोडतात. सत्यजित राय यांचे साहित्य इंग्लिशमध्ये अनुवादित झाल्यामुळे त्यांना मोठा वाचकवर्ग लाभला आहे. त्यांच्या बऱ्याच पटकथाही प्रसिद्ध झाल्या आहेत. याशिवाय भारतीय आणि परदेशी चित्रपटांवर तुलनात्मक पुस्तक [[अवर फिल्म, देअर फिल्म्स]] आणि त्यांचे आत्मचरित्र जाखान चोटो चिल्लम विशेष उल्लेखनीय आहेत.
बंगाली भाषेत त्यांचे लेखन कार्यातील योगदान मोलाचे आहे.

==पुस्तके==
* The Apu trilogy (सहलेखिका - शंपा बॅनर्जी)
* अवर फिल्म, देअर फिल्म्स (इंग्रजी)
* The chess players : and other screenplays (इंग्रजी)
* जाखान चोटो चिल्लम (बंगाली, आत्मचरित्र)
* My years with Apu (इंग्रजी)
* सत्यजित राय की कहानियाँ (हिंदी)
* सिनेमा तंत्र आठवणी चिंतन (मूळ बंगाली/इंग्रजी; मराठी अनुवाद - विलास गिते)
* [[फेलूदा]] (मूळ बंगाली; मराठी अनुवाद - [[अशोक जैन]])
* [[प्रा.शोंकू]] (मूळ बंगाली; मराठी अनुवाद - संजय कप्तान)

== बाह्य दुवे ==
{{कॉमन्स वर्ग|Satyajit Ray|{{लेखनाव}}}}
* {{आय.एम.डी.बी. नाव|6249}}

{{विस्तार}}
{{भारतरत्न}}

{{DEFAULTSORT:राय, सत्यजित}}
[[वर्ग:ऑस्कर पुरस्कारविजेते दिग्दर्शक]]
[[वर्ग:इ.स. १९२१ मधील जन्म]]
[[वर्ग:इ.स. १९९२ मधील मृत्यू]]
[[वर्ग:पोस्टाचे तिकीट असलेल्या व्यक्ती]]
[[वर्ग:बंगाली भाषेमधील चित्रपट दिग्दर्शक]]
[[वर्ग:भारतरत्‍न पुरस्कारविजेते]]
[[वर्ग:मॅग्सेसे पुरस्कारविजेते]]
[[वर्ग:संगीत नाटक अकादमी पुरस्कारविजेते]]

सत्यजित राय - आवृत्ती इतिहास

ImportMaster: robot: Import pages using विशेष:आयात