ImportMaster: robot: Import pages using विशेष:आयात

2020-10-26T01:08:45Z

नवीन पृष्ठ

'''सरसगड''' हा [[भारत|भारताच्या]] [[महाराष्ट्र]] राज्यातील एक किल्ला आहे.

{{किल्ला
|नाव=सरसगड
|चित्र=
|उंची= ४४४ मी.
|प्रकार=गिरिदुर्ग
|श्रेणी=मध्यम
|ठिकाण=[[रायगड जिल्हा]], [[महाराष्ट्र]], [[भारत]]
|डोंगररांग=
|अवस्था=खराब
|गाव= [[पाली, रायगड, महाराष्ट्र (गांव)|पाली-सुधागड]]
}}

[[पाली, रायगड, महाराष्ट्र (गांव)|पाली]] या गावाच्या पूर्वेस हा किल्ला आहे.
पायथ्याच्या पाली गावातून इथे येऊन किल्ला पाहणे ३-४ तासांत होते.

या किल्ल्याच्या पूर्वेला १०-१२ कि.मी. वर [[सुधागड]] हा किल्ला आहे. [[धनगड]], [[कोरीगड]], [[तेलबैला]], [[खंडाळा]] घाट, [[नागफणी]], [[जांभूळपाडा]], अंबा नदी, गरम पाण्याची कुंडे असणारे [[उन्हेरे]] गाव असा मुलूख या गडावरून दिसतो. किल्ल्याच्या पाथ्याला असलेल्या पाली गावात प्रसिद्ध अष्टविनायकांत गणना होत असलेल्या बल्लाळेश्वराचे भव्य मंदिर आहे. सरसगड उर्फ पगडीचा किल्ला उर्फ पालीचा किल्ला अशा विविध नावानी ओळखला जाणारा हा गिरिदुर्ग, रायगड जिल्ह्यामधील सुधागड तालुक्यामधे आहे.

==इतिहास==

[[इ.स. १३४६]] मध्ये [[सिंहगड]], [[तोरणा]], [[पुरंदर]] किल्ले जिंकून घेतल्यावर मलिक अहमद ( [[निजामशाही]]चा संस्थापक) कोकणात उतरला.
त्या वेळी कोरीगड, सुधागड, सरसगड, सुरगड हे किल्ले त्याच्या ताब्यात आले.नंतर हे किल्ले [[आदिलशाही]]त दाखल झाले.

शिवाजी महाराजांनी नारो मुकुंदाना सुधागड व सरसगडाची सबनिशी दिली. शिवाजी महाराजांनी त्यांना सुधागडच्या देखभालीसाठी पाच हजार होन आणि सरसगडासाठी दोन हजार होन दिले. पुढे भोर संस्थानात या किल्ल्याची व्यवस्था होती.सरसगडाची देखभाल १९४८ साला पर्यंत भोर संस्थानाकडे होती. त्यानंतर संस्थाने खालसा झाल्यावर सरसगडाची मालकी इतर गडांप्रमाणे सरकारकडे आली. किल्ल्याच्या डागडुजीकडे दुर्लक्ष झालेले आहे. त्यामुळे सध्यातरी किल्ला निसर्गाच्या लहरीवर तग धरुन आहे.

==छायाचित्रे==

<gallery>
Image:sarasgadfort.jpg|सरसगड
</gallery>

==गडावरील ठिकाणे==
बालेकिल्ल्याच्या माथ्यावर महादेवाचे मंदिर आणि शाहपीराचे ठिकाण आहे.

==गडावर जाण्याच्या वाटा==
पाली गावाला लागूनच असलेला सरसगड त्याच्या कातळमाथ्यामुळे अधिकच बेलाग झालेला आहे. समुद्रसपाटीपासून ४४४ मीटर उंचीच्या सरसगडावर जाण्यासाठी पाली गावातून उत्तर आणि दक्षिण अशा दोन बाजूंनी मार्ग आहे. उत्तरेकडील वाट तलई या लहानशा गावातल्या रामआळीतून गडावर जाते. गणपती मंदिराजवळून म्हणजे देऊळवाड्याकडून जाणारी वाट चांगलीच रुळलेली आहे. एका वाटेने चढून दुसऱ्या वाटेने उतरणेही सोयीचे आहे. दक्षिणेच्या बाजूकडील कातळमाथ्याला एक मोठी नाळ आहे. नाळेतून ९६ भक्कम पायऱ्या चढल्यावर मुख्य दरवाजा येतो. मध्यभागी असण्याऱ्या वाटोळ्या सुळक्याभोवती चक्कर मारता येते. या ५० मीटर उंचीच्या बालेकिल्ल्याच्या तळाशी टाकी, तळी, कोठ्या, गुहा, तालीमखाने आहेत. याच गुहांमधे पांडवानीही वस्ती केली होती असे म्हणतात.

==बाह्य दुवे==
नकाशा : http://wikimapia.org/417364/
*[http://marathi.webdunia.com/entertainment/tourism/maharashtradarshan/1007/28/1100728014_1.htm वेबदुनिया या संकेतस्थळावरील लेख-सरसगड]
*[http://www.sahyaadri.com/info/articles.php?art_id=67&start=1 सह्याद्री या संकेतस्थळावरील लेख](इंग्रजी)
{{महाराष्ट्रातील किल्ले}}

[[वर्ग:रायगड जिल्हा]]
[[वर्ग:महाराष्ट्रातील किल्ले]]

सरसगड - आवृत्ती इतिहास

ImportMaster: robot: Import pages using विशेष:आयात