ImportMaster: robot: Import pages using विशेष:आयात

2022-05-01T18:53:53Z

नवीन पृष्ठ

{{मुखपृष्ठ सदर टीप
|तारीख = २ ऑक्टोबर
|वर्ष = २०१२
}}
{{माहितीचौकट भारतीय न्यायक्षेत्र
|प्रकार = [[राजधानी]]
|स्थानिक_नाव = हैदराबाद
|इतर_नाव = <small>[[तेलुगू भाषा|तेलुगू]] : హైదరాబాదు
|राज्य_नाव = तेलंगणा
|आकाशदेखावा = Hyderabad_montage-2.png
|आकाशदेखावा_शीर्षक = उजवीकडून : [[चारमिनार]], [[सिकंदराबाद]] क्लॉक टॉवर, हायटेक सिटी, रामोजी फिल्मसिटी आणि [[राजीव गांधी आंतरराष्ट्रीय विमानतळ]]

|क्षेत्रफळ_एकूण = 650
|क्षेत्रफळ_आकारमान = 8
|उंची = 542
|हवामान = समशीतोष्ण
|वर्षाव = 803
|तापमान_वार्षिक = 26.0
|तापमान_हिवाळा = 30.3
|तापमान_उन्हाळा = 23.5
|-
|लोकसंख्या_एकूण = 7749334
|अधिकृत_भाषा = [[तेलुगू भाषा|तेलुगू]]
|नेता_पद_१ = [[नगराध्यक्ष]]
|नेता_नाव_१ = बोंथु राममोहन
|नेता_पद_२ = [[आयुक्त]]
|नेता_नाव_२ = डॉ. बी. जनार्दन रेड्डी
|स्थापित_शीर्षक = स्थापित
|स्थापित_दिनांक = [[इ.स. १६००]]
|प्रांत = [[तेलंगणा]]
|जिल्हा = [[हैदराबाद जिल्हा|हैदराबाद]], [[मेडक जिल्हा|मेडक]], [[रंगारेड्डी जिल्हा|रंगारेड्डी]]
|संसदीय_मतदारसंघ = [[हैदराबाद (लोकसभा मतदारसंघ)|हैदराबाद]]
|एसटीडी_कोड = 040
|unlocode = IN-HYD
|आरटीओ_कोड = TS07 ते TS14
|संकेतस्थळ = www.ghmc.gov.in
|संकेतस्थळ_नाव = हैदराबाद महानगरपालिकेचे संकेतस्थळ
|तळटिपा = <small><references/></small>
|गुणक_शीर्षक = हो
|स्वयंवर्गीत = हो
}}

'''हैद्राबाद''' हे [[भारत|भारतातील]] [[तेलंगणा]] राज्याच्या राजधानीचे शहर आहे. हैद्राबादची [[इ. स. २००१]] सालची लोकसंख्या ७७ लाख ४० हजार ३३४ आहे<ref>[http://www.censusindia.gov.in/2011-prov-results/paper2/data_files/India2/Table_3_PR_UA_Citiees_1Lakh_and_Above.pdfn population] Government of India. Retrieved 8 December.</ref> ''मोत्यांचे शहर'' अशी या शहराची एकेकाळी ओळख होती. या शहराला समृद्ध ऐतिहासिक, सांस्कृतिक आणि स्थापत्यकला वारसा असल्याने [[पर्यटन]]स्थळ म्हणून हे शहर नावारूपास आले आहे. हे शहर [[दख्खन]] पठारावरील [[उर्दू]] साहित्यिक शहर आहे. शहरात १९९० नंतर [[शिक्षण]], [[माहिती तंत्रज्ञान]], [[औषध]]निर्मिती आणि [[जैवतंत्रज्ञान]] क्षेत्रातील उद्योगधंद्यांची वाढ झाली दाक्षिणात्य भाषांतील [[चित्रपट|चित्रपटनिर्मितीचे हैद्राबाद]] अग्रगण्य केंद्र आहे.

२०१५ सालापर्यंत [[हैदराबाद|हैद्राबाद]] अखंड [[आंध्र प्रदेश]] राज्याच्या राजधानीचे शहर होते. येथे [[चारमिनार]] हे प्रसिद्ध पर्यटन स्थळ आहे.रामोजी फिल्म सिटी हे आकर्षण स्थळ आहे. तसेच शहरामध्ये बिरला मंदीर , [[गोवळकोंडा|गोलकोंडा किल्ला]] इत्यादी स्थळे प्रसिद्ध आहेत.

[[पाकिस्तान]]मध्येही [[सिंध]] प्रांतात एक हैद्राबादआहे. त्याच्याशी घोटाळा होऊ नये म्हणून तेलंगणातील हैदराबादला, हैदराबाद दख्खन म्हणायचा प्रघात आहे, तर पकिस्तानातील हैदाराबादला सिंध हैदराबाद.

== इतिहास ==
[[चित्र:Golconda fort.jpg|thumb|left|गोवळकोंडा किल्ला]]
[[चित्र:Charminar-Pride of Hyderabad.jpg|thumb|left|[[चारमिनार]]]]

=== प्राचीन इतिहास ===
इ. स. १५१२ मध्ये [[बहामनी सल्तनत|बहामनी राजवटीतून]] बंड करून किल्ले [[गोलकोंडा|गोवळकोंडा]] येथे कुतुबशाही स्थापन झाली. नंतरच्या काळात महंमद कुली कुत्ब शाह याने गोवळकोंडा येथील सततच्या पाणीटंचाईवर तोडगा म्हणून [[मुसी नदी]]च्या किनारी असलेल्या '''भाग्यनगरचे नाव बदलून हैदराबाद केले.''' त्यानेच शहरात [[चारमिनार]] या वास्तूची उभारणी केली. गोवळकोंड्याहून राज्यकारभार हैद्राबादला स्थलांतरित झाला. शहराभोवती चार मोठे तलाव बांधले गेले.

मोगल सम्राट [[औरंगजेब]]ने इ. स. १६८७ मध्ये '''हैद्राबाद''' ताब्यात घेतले, औरंगजेबाचा मृत्यू इ. स. १७०७ मध्ये झाला. त्यानंतरच्या काळात या प्रांताचा ''निजाम उल मुल्क'' असलेल्या [[मीर कमरुद्दीन खान सिद्दीकी]] अर्थात पहिला असफ जाह याने शहरावर आपली सत्ता प्रस्थापित केली. त्यानंतर असफशाही राजवटीतील सात पिढ्यांनी इ. स. १९४८ पर्यंत हैद्राबादचे ''निजाम'' म्हणून राज्य केले. निजाम मुघलांच्या विपरीत असे मुस्लिम कट्टरवादी होते. शेवटचा [[निज़ाम]] [[मीर उस्मान अली खान]] होता. त्याने हिंदूचे मोठ्या प्रमाणात धर्मांतरन केले

=== आधुनिक इतिहास ===
भारत इ. स. १९४७ मध्ये स्वतंत्र झाल्यानंतर निजामाने हैद्राबाद संस्थान भारतापासून अलग ठेवण्याचे प्रयत्न केले. मात्र, १७ सप्टेंबर इ. स. १९४८ला भारतीय संघराज्यात हैद्राबाद संस्थान सामील करून घेण्यात आले. नंतरच्या काळात भाषिक आधारावर राज्य पुनर्रचनेच्या धोरणानुसार मद्रास स्टेटमधून तेलुगूबहुल भाषकांचा भाग अलग काढून आंध्रप्रदेश राज्याची निर्मिती करण्यात आली. हैद्राबाद शहर आणि त्याभोवतलाचा तेलंगण हा विभाग आंध्र प्रदेशात समाविष्ट करण्यात आला. १ नोव्हेंबर इ. स. १९५६ला आंध्र प्रदेशाची स्थापना झाली. हैद्राबाद या राज्याच्या राजधानीचे शहर झाले.

तेलंगण भागाचे वेगळे राज्य व्हावे, यासाठी आंध्रप्रदेशच्या स्थापनेपासून चळवळ सुरू राहिली. अखेर जुलै इ. स. २०१३ मध्ये केंद्रातील सत्ताधारी आघाडीच्या मान्यतेनंतर काँग्रेस पक्षाच्या कार्यसमितीने [[तेलंगणा|तेलंगण]] या नव्या राज्याच्या निर्मितीचा ठराव मंजूर केला आणि हैद्राबाद ही आंध्रप्रदेश आणि तेलंगण या दोन्ही राज्यांची १० वर्षांसाठी राजधानी राहील हेही ठरवण्यात आले.<ref>{{संकेतस्थळ स्रोत|url=https://www.thehindu.com/news/national/andhra-pradesh/telangana-will-be-indias-29th-state/article4970069.ece|title=Telangana will be India’s 29th State|first=Smita|last=Gupta|date=30 जुलै, 2013|via=www.thehindu.com}}</ref>

== भूगोल ==
[[चित्र:Hussainsagar hyd.jpg|left|thumb|हुसेनसागर तलाव]]

हैदराबाद दक्षिण भारतात दख्खनच्या पठाराच्या उत्तरेकडील भागात वसले आहे. त्याचे क्षेत्रफळ सुमारे ६५० चौरस किलोमीटर आहे. करड्या आणि गुलाबी ग्रॅनाईटपासून बनलेली खडकाळ चढउताराची जमीन हे हैदराबादच्या भूपृष्ठाचे वैशिष्ट्य. हैदराबाद समुद्रसपाटीपासून सरासरी ५४२ मीटर उंचीवर आहे. बंजारा हिल्स हा शहरातील सर्वात उंच भाग आहे. शहरात आणि सभोवताली इ. स. १९९६ पर्यंत १४०हून अधिक लहानमोठी तळी होती. इ. स. १५६२ मध्ये बांधलेला हुसेनसागर तलाव शहराच्या मध्यभागी आहे. [[चारमिनार]] आणि [[मक्का मस्जिद]]असलेले जुने शहर मुसी नदीच्या काठावर वसलेले आहे. हा शहराचा जुना मध्यवर्ती भाग आहे. शहराचा नवा विस्तार चारही दिशांनी झाला आहे.

हैदराबाद दमट आणि कोरड्या कटिबंधीय वातावरणाचा संमिश्र अनुभव देणारे शहर आहे. शहराचे वार्षिक सरासरी तापमान २६ अंश सेल्शियस आहे. एप्रिल आणि जून दरम्यान शहराचे कमाल तापमान अनेकदा ४० अंश सेल्शियसवर जाते. जून ते सप्टेंबर या मॉन्सूनच्या काळात शहरात पाऊस पडतो.

== प्रशासन ==
शहराची देखभाल बृहद् हैदराबाद महानगरपालिका करते. बृहद् हैदराबाद महानगरपालिकेची स्थापना एप्रिल २००७ मध्ये हैदराबाद महानगरपालिका आणि जवळच्या दोन जिल्ह्यांतील १२ नगरपालिकांचे विलिनीकरण करून झाली. बृहद् हैदराबाद महानगरपालिकेचे क्षेत्र ६५० चौरस किलोमीटर आहे. हैदराबाद, [[रंगरेड्डी जिल्हा|रंगारेड्डी]] आणि [[मेदक]] या तीन जिल्ह्यांत तिचा विस्तार आहे. महानगरपालिकेचे १५० आहेत. हे वॉर्ड १८ मंडले आणि पाच विभाग (झोन्स) यात वाटले गेले आहेत. महापालिकेचे महापौर लोकांनी निवडलेले प्रमुख असतात,तर आयुक्त हे [[भारतीय प्रशासकीय सेवा]] दर्जाचे अधिकारी प्रशासकीय प्रमुख असतात.

याशिवाय आंध्र प्रदेश विधानसभा, आंध्र प्रदेश सचिवालय आणि आंध्र प्रदेश उच्च न्यायालय हैदराबादलाच आहेत. हैदराबाद महानगरपालिका क्षेत्राचे प्रतिनिधित्व करणारे २४ विधानसभा मतदारसंघ आहेत. शहरात [[लोकसभा|लोकसभेचे]] पाच मतदारसंघ आहेत

== समाजरचना ==
[[चित्र:India food.jpg|left|150px|thumb|[[हैदराबादी बिर्याणी]] (डावीकडे) आणि इतर खाद्यपदार्थ]]

हैदराबादमध्ये हिंदूंची आणि मुस्लिमांची लोकसंख्या आहे. शहरात माहिती तंत्रज्ञान उद्योगाच्या वाढीनंतर भारताच्या सर्व भागांतून मोठ्या प्रमाणात लोक हैदराबादला येऊन वसत आहेत, त्यामुळे शहराचे स्वरूप बहुभाषिक झाले. तेलुगू भाषेमध्ये "डेक्कनी उर्दू" नंतर सर्वात जास्त भाषिक आहेत.

याशिवाय तामिळ, कन्नड, गुजराती, राजस्थानी यासह अनेक भारतीय भाषा बोलणारे येथे राहतात. तेलुगू आणि उर्दूचा येथील हिंदीवर परिणाम होऊन हैदराबादी हिंदी ही नवी शैली पुढे आली. व्यापारउदीम, सरकारी कामकाजात इंग्रजीचाही वापर केला जातो. आपल्या खास पद्धतीच्या पक्वान्नांसाठीही, विशेषतः मांसाहारी पक्वान्नांसाठी, हैदराबाद प्रसिद्ध आहे. हैदराबादी बिर्याणी हा पदार्थ जगभरात नावाजलेला आहे.

== उद्योगधंदे ==
हैदराबाद ही पारंपरिकरीत्या, [[लसूण]] आणि मसाल्याचे पदार्थ, [[नारळ]], [[सुपारी]], केळी आदी फळांची मोठी बाजारपेठ होती. आजचे हैदराबाद मात्र माहिती तंत्रज्ञान आणि माहिती तंत्रज्ञान आधारित सेवा, शिक्षण, मनोरंजन या क्षेत्रात देशातील केंद्र बनले आहे. माहिती तंत्रज्ञान आणि संबंधित क्षेत्रातील अनेक जागतिक कंपन्यांनी आपली कार्यालये येथे थाटली आहेत. औषधनिर्मिती आणि जैवतंत्रज्ञान क्षेत्रातील अनेक कंपन्यांचे प्रकल्प हैदराबाद शहर आणि परिसरात आहेत. तेलुगू चित्रपट आणि दूरचित्रवाणी कार्यक्रम निर्मिती उद्योगाचे हैदराबाद हे केंद्र आहे.

== वाहतूक ==
=== बसस्थानके ===
हैदराबादेतील महात्मा गांधी बसस्थानक हे आशियातील पहिल्या पाच सर्वात मोठ्या बसस्थानकापैकी एक आहे. देशाच्या अनेक भागातून बसगाड्या येथे येतात. हैदराबाद शहर आणि परिसरात आंध्रप्रदेश स्टेट रोड ट्रान्सपोर्ट कॉपोर्रेशन (एएसआरटीसी) या सरकारी महामंडळाच्या बसगाड्या धावतात.

=== रेल्वेस्थानके ===
[[हैदराबाद डेक्कन रेल्वे स्थानक|हैदराबाद डेक्कन]] (नामपल्ली), [[काचीगुडा रेल्वे स्थानक|काचीगुडा]] आणि [[सिकंदराबाद रेल्वे स्थानक|सिकंदराबाद]] ही तीन प्रमुख [[रेल्वे स्थानक]]े शहरात आहेत. शहरात उपनगरी रेल्वेसेवा उपलब्ध असल्याने या सेवेची इतर लहान स्थानकेही आहेत. हैदराबादच्या जुळ्या सिकंदराबाद शहरातच [[दक्षिण मध्य रेल्वे|दक्षिण मध्य रेल्वेचे]] मुख्यालय आहे. रेल निलयम या संकुलात ते वसलेले आहे. हैदराबादहून देशाच्या सर्व भागांत जाण्यायेण्यासाठी रेल्वेसेवा उपलब्ध आहे.

=== मेट्रो ===
हैदराबादेत 2 मेट्रो मार्ग कार्यरत आहेत जे अमीरपेट स्थानकात एकत्र येतात. १. एलबीनगर ते मियापूर आणि २. अमीरपेट ते नागोल.

=== विमानतळ ===
हैदराबादेत मार्च २००८ मध्ये शमशाबाद येथे [[राजीव गांधी आंतरराष्ट्रीय विमानतळ]] हा नवा अत्याधुनिक विमानतळ चालू झाला. यापूर्वीचा [[बेगमपेट विमानतळ]] वाढत्या हवाई वाहतूक गरजांसाठी अपुरा पडू लागल्यानंतर हा नवा विमानतळ बांधून सुरू करण्यात आला. देशाच्या सर्व भागांत तसेच पश्चिम आशिया, आग्नेय आशियासह जगाच्या अनेक भागांत हैदराबादहून थेट विमानसेवा आहेत.

शहरांतर्गत वाहतुकीसाठी उपनगरीय रेल्वेसेवा, बससेवा व त्याशिवाय मीटरप्रमाणे पैसे घेऊन प्रवासी वाहतूक करणाऱ्या तीनचाकी ऑटोरिक्षाही येथे आहेत.

== क्रीडा ==
क्रिकेट आणि फूटबॉल हे शहरातील लोकप्रिय खेळ आहेत. लाल बहादूर शास्त्री मैदान व उप्पलचे राजीव गांधी आंतरराष्ट्रीय मैदान या दोन मैदानांवर क्रिकेटचे आंतरराष्ट्रीय सामने होतात. उप्पलचे मैदान हे हैदराबाद क्रिकेट असोसिएशनचे घरचे मैदान आहे. स्वर्णधारा प्रदेश क्रीडा संकुल हे मैदानी हॉकीचे केंद्र आहे तर गचीबावलीचे जी. एम. सी. बालयोगी मैदान अ‍ॅथलेटिक्स आणि पादकंदुकाचे केंद्र आहे.

रणजी करंडक या देशातील प्रथमश्रेणी क्रिकेटस्पर्धेत हैदराबाद क्रिकेट संघ भाग घेतो. इंडिअन प्रिमिअर लीगमधील २०१२पर्यत डेक्कन चार्जर्स या संघाचे मुख्यालय हैदराबाद शहरात होते , यानंतर हा संघ आयपीएलमधून बाद कराण्यात आला . डेक्कन चार्जर्स बाद झाल्यानंतर २०१३मध्ये हैदराबादचाच नवीन संघ आयपीएल मध्ये समाविष्ट करण्यात आला तो म्हणजे सनरायझर्स हैदराबाद. हा संघ आयपीएलमध्ये हैदराबाद शहराचे प्रतीनिधित्व करतो . सिकंदराबाद क्लब, निजाम क्लब, हैदराबाद रेस क्लब, आंध्र प्रदेश मोटर स्पोर्ट्&zwnj;स क्लब, हैदराबाद गोल्फ क्लब हे शहरातील प्रसिद्ध क्लब आहेत.

=== प्रसिद्ध खेळाडू ===
* [[क्रिकेट]] : [[गुलाम अहमद]], [[एम.एल. जयसिंहा]], [[मोहम्मद अझहरुद्दीन]], [[व्ही.व्ही.एस. लक्ष्मण]], [[वेंकटपती राजू]], [[शिवलाल यादव]], [[अर्शद अय्युब|अर्शद अयूब]], [[नोएल डेव्हिड]].
* [[टेनिस]] : [[सानिया मिर्झा]].
* [[फुटबॉल]] : सय्यद अब्दुल रहीम, सय्यद नयीमुद्दीन, शब्बीर अली.
* [[बॅडमिंटन]] : एस. एम. अरिफ, पुल्लेला गोपीचंद, [[सायना नेहवाल]], ज्वाला गुत्ता, चेतन आनंद.
* [[हॉकी]] : सय्यद मोहम्मद हादी, मुकेश कुमार

== संस्कृती ==

'''साहित्य'''

निझामाच्या काळात राजाश्रय मिळाल्याने हैदराबादमध्ये [[उर्दू]] साहित्य भरभराटीला आले. या काळात [[उर्दू भाषा|उर्दू]] साहित्यिकांचे मुशायरे (संमेलने) होत. [[उर्दू भाषा|उर्दू]] त्याचप्रमाणे [[तेलुगू]] साहित्य प्रसिद्धीचे महत्त्वाचे केंद्र अशी हैदराबादची ओळख झाली. इ. स. २०१० पासून शहरात दरवर्षी हैदराबाद लिटररी फेस्टिव्हल भरवला जातो. त्यात देशपरदेशातले साहित्यिक सहभागी होतात.

'''कला आणि चित्रपट'''

१६ व्या शतकापासून हैदराबादेत कथ्थक नृत्याला आश्रय मिळाला आहे. तेलुगू चित्रपट उद्योगाचे हैदराबाद हे केंद्र आहे. त्यामुळे तेलुगू चित्रपटनिर्मिती व्यवसाय मोठ्या प्रमाणावर आहे. अलीकडच्या काळात दूरचित्रवाणी उद्योगही हैदराबादेत विस्तारला आहे. हैदराबादजवळच्या रामोजी फिल्म सिटीने मनोरंजन उद्योगात देशात अनेक सन्मान मिळवले आहेत

== हेसुद्धा पहा ==
* [[मीर उस्मान अली खान]]
* [[हैदराबाद संस्थान]]
* [[सालारजंग संग्रहालय]]
* [https://pravasmitra.com/hyderabad-tourist-places-in-marathi/ हैद्राबाद मधील पर्यटन स्थळे]

== संदर्भ ==
{{संदर्भयादी}}

{{भारतीय राज्ये आणि प्रदेशांची राजधानी}}

[[वर्ग:हैदराबाद जिल्हा]]
[[वर्ग:मुखपृष्ठ सदर लेख]]
[[वर्ग:हैदराबाद|*]]

हैद्राबाद - आवृत्ती इतिहास

ImportMaster: robot: Import pages using विशेष:आयात