वामनराव सडोलीकर
पं. वामनराव सडोलीकर (१६ सप्टेंबर, इ.स. १९०७ - इ.स. १९९१) हे हिंदुस्तानी शास्त्रीय संगीत गायक होते. ते आपले गुरू उस्ताद अल्लादिया खान यांनी स्थापन केलेल्या जयपूर-अत्रौली घराण्याच्या शैलीने गायन करत असत.
पूर्वायुष्य[संपादन | स्रोत संपादित करा]
पं. वामनराव सडोलीकरांचा जन्म कोल्हापूर येथे एका संगीतप्रेमी कुटुंबात झाला. किशोरवयात त्यांनी ग्वाल्हेर घराण्याचे पं. विष्णू दिगंबर पलुसकर यांच्याकडे संगीताचे प्राथमिक शिक्षण घेतले. पुढच्या काळात त्यांनी हिंदुस्तानी संगीताचे शिक्षण जयपूर-अत्रौली घराण्याच्या उस्ताद भुर्जी खान व उस्ताद अल्लादिया खान यांचेकडे घेतले.
सांगीतिक कारकीर्द[संपादन | स्रोत संपादित करा]
त्यांनी मराठी संगीत नाटकाच्या रंगभूमीवर गायक-अभिनेता, संगीत दिग्दर्शक व दिग्दर्शक अशा अनेक पदरी भूमिका निभावल्या. त्यांनी अनेक चित्रपटांतही काम केले.
शिष्य[संपादन | स्रोत संपादित करा]
त्यांच्या शिष्यांत बंधू मधुकर सडोलीकर, कन्या श्रुती सडोलीकर-काटकर आणि मंजिरी आलेगांवकर यांचा प्रामुख्याने समावेश होतो.
पुरस्कार व सन्मान[संपादन | स्रोत संपादित करा]
- इ.स. १९३८ मध्ये गंधर्व महाविद्यालय, लाहोर यांकडून 'संगीत प्रवीण' सन्मान
- आय टी सी संगीत संशोधन संस्थेची(ITC SRA-Imperial/Indian Tobacco Company Ltd's Sangeet Research Academy) फेलोशिप
- मराठी नाट्य परिषदेकडून बालगंधर्व सुवर्णपदक
बाह्य दुवे[संपादन | स्रोत संपादित करा]
वामनराव सडोलीकरांविषयी इंग्लिश मजकूर