अवनी लेखारा

अवनी लेखारा (जन्म ८ नोव्हेंबर २००१) ही एक भारतीय पॅरालिम्पियन आणि रायफल नेमबाज आहे.तिने टोकियो २०२० पॅरालिम्पिकमध्ये १०  मीटर एअर रायफल स्टँडिंगमध्ये सुवर्णपदक आणि ५० मीटर रायफल ३ पोझिशनमध्ये कांस्य पदक जिंकले.

लेखारा सध्या महिलांच्या १०  मीटर एअर रायफल स्टँडिंग एसएच१ (जागतिक नेमबाजी पॅरा स्पोर्ट रँकिंग) मध्ये जागतिक क्रमांक २ वर आहे.  पॅरा चॅम्पियन्स कार्यक्रमाद्वारे तिला गोस्पोर्ट्स फाउंडेशनने पाठिंबा दिला आहे. एकाच पॅरालिम्पिक स्पर्धेत अनेक पदके जिंकणारी ती पहिली भारतीय महिला आहे. तिला राजस्थान सरकारने सहाय्यक वनसंरक्षक (एसीएफ) म्हणून नियुक्ती दिली आहे.