नेहरू मैदान, मडगाव

अधिकृतपणे जवाहरलाल नेहरू मैदान म्हणून ओळखले जाणारे फातोर्डा मैदान, हे गोव्यातील मडगाव स्थित एक विविध खेळांसाठी वापरले जाणारे मैदान आहे. हे मैदान आंतरराष्ट्रीय फुटबॉल आणि क्रिकेट सामन्यांच्या आयोजनासाठी वापरण्यात आले आहे. गोव्यामधील हे एकमेव आंतरराष्ट्रीय मैदान असून याची प्रेक्षक क्षमता २७,३०० इतकी आहे. मैदानाची स्थापाना १९८९ मध्ये झाली असून, त्याचे मालकी हक्क गोवा क्रीडा प्राधिकरणाकडे आहेत.

क्रिकेटचा विचार करता ह्या मैदानावर १९८९ पासून अवघे ६ क्रिकेट सामने झाले असून, त्यामध्ये भारतीय संघाचे ३ सामने झाले आहेत. ह्या तिन्ही सामन्यांमध्ये भारताला पराभव पत्करावा लागला.