यश पाल (शिक्षणतज्ज्ञ )

जीवन

प्राध्यापक यशपाल (जन्म : २६ नोव्हेंबर १९२६, - नॉयडा, २४ जुलै २०१७) हे एक भारतीय वैज्ञानिक व शिक्षणतज्ज्ञ होते. त्यांनी पंजाब विद्यापीठातून १९४९ साली भौतिकशास्त्राची पदवी मिळवली व १९५८ साली मॅसेच्युसेट्स इंस्टिट्यूट ऑफ टेक्नाॅलॉजी मधून याच विषयात पी.एच्.डी पदवी प्राप्त केली.

महत्त्वाची पदे

यश पाल यांनी अनेक महत्त्वाची पदे भूषवली असून, त्यातील काही मुख्य पदे पुढीलप्रमाणे आहेत :

• योजना आयोग - मुख्य सल्लागार (१९८३-१९८४)
• विज्ञान व टेक्नाॅलॉजी विभागात सचिव (१९८४-१९८६)
• विद्यापीठ अनुदान आयोग - अध्यक्ष (१९८६-१९९१)

प्रा. यशपाल हे दूरदर्शनवरील अत्यंत चर्चित विज्ञान कार्यक्रम-टर्निंग पॉईंटमधून साध्या शब्दांत सामान्य जनतेपर्यंत विज्ञान पोहोचवण्याच्या कामामुळे प्रसिद्ध व लोकप्रिय झाले.

पुरस्कार आणि सन्मान

1. यशपाल यांना भारत सरकारकडून इ.स. १९७६मध्ये विज्ञान व अभियांत्रिकी क्षेत्रातील कार्याबद्दल पद्मभूषण पुरस्काराने सन्मानित करण्यात आले होते.
2. कलिंग पुरस्कार
3. लाल बहादुर शास्त्री राष्ट्रीय पुरस्कार
4. पद्मविभूषण पुरस्कार (इ.स. २०१३)

मृत्यूपूर्वीचे काही दिवस आधी ते नवी दिल्ली येथील जवाहरलाल नेहरू विद्यापीठाचे कुलगुरू होते.