सुनेत्रा गुप्ता

सुनेत्रा गुप्ता (जन्म: १५ मार्च १९६५) या भारतीय वंशाच्या ब्रिटीश संसर्गजन्य रोगतज्ञ आहेत. ऑक्सफर्ड विद्यापीठातील प्राणीशास्त्र विभागातील सैद्धांतिक महामारीविज्ञानाच्या त्या प्राध्यापक आहेत. त्यांनी मलेरिया, इन्फ्लूएंझा आणि कोव्हिड-१९ सह विविध संसर्गजन्य रोगांच्या प्रसारित गतीवर संशोधन केले आहे. त्यांना लंडनच्या प्राणीशास्त्रीय सोसायटीचे वैज्ञानिक पदक आणि रॉयल सोसायटीचा रोझलिंड फ्रँकलिन पुरस्कार देऊन त्यांना सन्मानित करण्यात आले आहे.

गुप्ता या कादंबरीकार देखील आहेत. त्यांना साहित्य अकादमी पुरस्कार मिळाला आहे.

जीवन

गुप्ता यांचा जन्म कलकत्ता, भारत येथे ध्रुबा आणि मिनाती गुप्ता यांच्या पोटी झाला. त्यांनी जीवशास्त्रात शिक्षण घेतले आणि प्रिन्स्टन विद्यापीठातून बॅचलर पदवी मिळवली. 1992 मध्ये त्यांनी इंपीरियल कॉलेज लंडनमधून संसर्गजन्य रोगांच्या प्रसारित गतीशीलतेवर प्रबंधासाठी पीएचडी प्राप्त केली.

कारकीर्द

गुप्ता या ऑक्सफर्ड विद्यापीठातील प्राणीशास्त्र विभागातील सैद्धांतिक महामारीविज्ञानाच्या प्राध्यापक आहेत, जिथे त्या संसर्गजन्य रोग महामारीशास्त्रज्ञांच्या टीमचे नेतृत्व करतात. त्यांनी मलेरिया, एचआयव्ही, इन्फ्लूएंझा, जिवाणू मेंदुज्वर आणि COVID-19 सह विविध संसर्गजन्य रोगांवर संशोधन केले आहे. त्या मर्टन कॉलेज, ऑक्सफर्डची सुपरन्युमररी फेलो आहेत. तसेच त्या प्रिन्स्टन युनिव्हर्सिटी प्रेसच्या युरोपियन सल्लागार मंडळावतही आहेत.

पुरस्कार

गुप्ता यांना लंडनच्या प्राणीशास्त्रीय संस्थेने 2007चे वैज्ञानिक पदक आणि 2009 रॉयल सोसायटी रोझालिंड फ्रँकलिन पुरस्काराने सन्मानित केले आहे. जुलै 2013 मध्ये, प्रतिष्ठित रॉयल सोसायटीच्या उन्हाळी विज्ञान प्रदर्शनादरम्यान गुप्ता यांचे पोर्ट्रेट मॅडम क्युरी सारख्या आघाडीच्या महिला वैज्ञानिकांसह प्रदर्शित केले गेले.