अजय जडेजा

अजयसिंगजी दौलतसिंगजी जडेजाचा जन्म १ फेब्रुवारी १९७१ रोजी जामनगर, गुजरात येथे एका राजपुत कुटूंबात झाला.अजय १९९२ ते २००० पर्यंत भारतीय क्रिकेट संघाकडुन नियमीत खेळला. अजयने भारतासाठी १५ कसोटी व १९६ एकदिवसीय सामने खेळले. अजयच्या क्रिकेटमधील कारकीर्द त्याच्यावरिल मॅच फिक्सिंगमुळे ५ वर्षाच्या बंदीने झाकोळली गेली. नंतर दिल्ली उच्च न्यायलयने २७ जानेवारी २००३ रोजी त्याच्यावरील बंदी उठवली.

बालपण

जडेजाचा जन्म नवानगर (आत्ताचे जामनगर) येथे राजपुत परिवारात झाला, ज्याला के.एस.रणजीतसिंगजी, के.एस. दुलीपसिंगजी सारख्या क्रिकेटमधिल दिग्गजांचा इतिहास लाभला आहे.

कारकीर्द

जडेजा १९९२ ते २००० पर्यंत भारतीय क्रिकेट संघात नियमीतपणे खेळला. यामधे १५ कसोटी व १९६ आंतरराष्ट्रिय एक दिवसीय सामन्यात खेळला. या कालावधीत तो भारतीय संघातील उत्कृष्ट क्षेत्ररक्षक होता. जडेजाने मोहम्मद अझरुद्दिन सोबत चौथ्या व पाचव्या विकेटसाठीचा सर्वोच्च भागिदारीचा विक्रम केला आहे, जो त्यांनी अनुक्रमे झिंबाब्वे व श्रीलंकेविरुद्ध खेळताना बनवला आहे.