आभाळमाया

आभाळमाया ही पहिली मराठी मालिका होती. ती अल्फा मराठी (सध्या झी मराठी) दूरचित्रवाणीवरून प्रसारित झाली होती. ही एक यशस्वी मराठी टेलिव्हिजन मालिका आहे. यात सुकन्या कुलकर्णी-मोने, मनोज जोशी, संजय मोने, अतिशा नाईक, हर्षदा खानविलकर, मनवा नाईक, संज्योत हर्डीकर, परी तेलंग मुख्य भूमिकेत झळकतात. ही मराठी टीव्ही शोमधील अल्फा टीव्ही मराठीची पहिली सर्वात जास्त काळ चालणारी भारतीय टेलिव्हिजन मालिका आहे.

कथानक

ही कथा रतनबाई कॉलेजमधील प्राध्यापक सुधा जोशी या शिक्षिकेभोवती फिरते, ज्यांच्या कुटुंबात तिचा पती शरद जो एक प्राध्यापक देखील आहे आणि त्यांना दोन मुली आकांशा आणि अनुष्का आहेत. शरद जेव्हा दुसऱ्या प्रोफेसर चित्राच्या प्रेमात पडतो जिची त्याला चिंगी नावाची एक मुलगी आहे, तेव्हा कुटुंबात तेढ निर्माण होते.

या मालिकेचे शीर्षकगीत

कवी - मंगेश कुळकर्णी,

गायिका - देवकी पंडित,

संगीत दिग्दर्शक - अशोक पत्की

खासगी मनोरंजन वाहिन्यांवरील आजच्या लोकप्रिय शीर्षक गीतांचा पाया ‘आभाळमाया’च्या या गीताने घातला असे म्हटले जाते.