इंग्लंड क्रिकेट संघाचा भारत, पाकिस्तान आणि सिलोन दौरा, १९६१-६२

इसवी सन १९६१ ते १९६२ दरम्यान इंग्लंड क्रिकेट संघाने भारत, सिलोन आणि पाकिस्तानचा दौरा केला. इंग्लंडने भारतात ५ कसोटी सामने खेळले. पाकिस्तानविरुद्ध ३ कसोटी सामने खेळवले गेले. इंग्लंडने पाकिस्तानचा कसोटी खेळण्याकरता पहिल्यांदाच दौरा केला. तसेच इंग्लंडने सिलोनविरुद्ध एक प्रथम-श्रेणी सामना देखील खेळला.

भारत वि इंग्लंड

साचा:Infobox cricket tour ऑक्टोबर १९६१ मध्ये पाकिस्तानशी एक कसोटी सामना खेळून झाल्यावर इंग्लंड क्रिकेट संघ नोव्हेंबर १९६१ मध्ये भारतात आला. भारतात स्थानिक संघांशी प्रथम-श्रेणी सराव सामन्यांसोबतच भारतीय क्रिकेट संघाबरोबर इंग्लंडने नोव्हेंबर १९६१ ते जानेवारी १९६२ दरम्यान ५ कसोटी सामने खेळले. कसोटी मालिकेत भारताने २-० असा विजय संपादन केला. इंग्लंडविरुद्ध भारताचा हा पहिला कसोटी मालिका विजय होता. भारताबरोबरची कसोटी मालिका खेळल्यानंतर इंग्लंड संघ लगेचच पाकिस्तान बरोबर उरलेले २ कसोटी खेळण्यासाठी ढाकाला रवाना झाला.

पाकिस्तान वि इंग्लंड

साचा:Infobox cricket tour इंग्लंड क्रिकेट संघाने ऑक्टोबर १९६१ मध्ये पाकिस्तानबरोबर एक कसोटी खेळली ज्यात इंग्लंडने विजय मिळवला. त्यानंतर इंग्लंड ५ कसोटी सामने खेळण्यासाठी भारतात गेला. तिथून जानेवारी १९६२ मध्ये राहिलेल्या २ कसोट्या खेळण्यास इंग्लंड संघ पाकिस्तानात परतला. उर्वरीत २ कसोट्या अनिर्णित सुटल्या. कसोटी मालिका इंग्लंडने १-० अशी जिंकली.