श्रीलंका क्रिकेट संघाचा भारत दौरा, २०१४

मानधनाच्या वादावरून वेस्ट इंडीज क्रिकेट संघाने दौरा अर्धवट सोडल्यानंतर श्रीलंका क्रिकेट संघ ३० ऑक्टोबर ते १६ नोव्हेंबर २०१४ दरम्यान पाच एकदिवसीय सामन्यांची मालिका खेळण्यासाठी भारत दौऱ्यावर आला. भारताने मालिका ५-० अशी जिंकली आणि एकदिवसीय इतिहासातील त्याचा चवथा ५-० असा व्हाईटवॉश दिला. ०-५ ने हा श्रीलंकेचा पहिलाच व्हाईटवॉश.

चवथ्या एकदिवसीय सामन्यात रोहित शर्माने २६४ धावा केल्या, आणि एकदिवसीय क्रिकेटमध्ये सर्वाधिक धावांचा नवा विक्रम केला. त्याने डावात ३३ चौकार मारले, हा सुद्धा एक विश्वविक्रम आहे. ॲलिस्टर ब्राउनचा लिस्ट अ सामन्यातील २६८ धावांचा विक्रम त्याच्याकडून फक्त चार धावांनी हुकला.

संघ

एकदिवसीय सामने
साचा:Cr	साचा:Cr
विराट कोहली (क) अंबाती रायडू अक्षर पटेल अजिंक्य रहाणे अमित मिश्रा इशांत शर्मा उमेश यादव कर्ण शर्मा केदार जाधव धवल कुलकर्णी रविंद्र जडेजा रविचंद्रन अश्विन रॉबिन उथप्पा (य) रोहित शर्मा वरूण आरोन विनय कुमार वृद्धिमान साहा (य) शिखर धवन सुरेश रैना स्टुअर्ट बिन्नी	अँजेलो मॅथ्यूज (क) अजंता मेंडीस अशान प्रियांजन उपल थरंगा कुमार संघाकारा (य) कुशल परेरा चतुरंगा द सिल्वा तिलकरत्ने दिलशान थिसारा परेरा दिनेश चंदिमल धम्मिका प्रसाद निरोशन डिक्वेल्ला (य) नुवान कुलसेकरा महेला जयवर्धने लाहिरु गमागे लाहिरु थिरीमाने शमिंदा एरंगा सिक्कुगे प्रसन्ना सुरज रणदिव

एकदिवसीय मालिका

१ला एकदिवसीय सामना

साचा:माहितीचौकट मर्यादित षटकांचे सामने १ला एकदिवसीय सामना अगदी एकतर्फी झाला. शांत सुरुवात केल्यानंतर पहिला पॉवरप्ले संपल्यावर आणि दुसरा पॉवरप्ले लवकर घेतल्यावर २१ ते ३० षटकांदरम्यान भारताने १०५ धावा केल्या. अजिंक्य रहाणे (१११) आणि शिखर धवन (११३) या दोन्ही सलामीवीरांनी ३५ षटकांत २३१ धावांची भक्कम सलामी दिल्यानंतर सुरेश रैनाच्या झटपट ५० धावांमुळे भारताने श्रीलंकेसमोर ३६३ धावांचा डोंगर उभा केला. श्रीलंकेच्या सलामीवीरांनीसुद्धा सावध सुरुवात केली, परंतु सलामीवीर दिलशान बाद झाल्यानंतर ठराविक अंतरावर श्रीलंकेचे गडी बाद होत गेले आणि त्यांचा डाव १९४ धावांत आटोपला. भारताने सामना १६९ धावांनी जिंकला. इशांत शर्माने त्याची एकदिवसीय गोलंदाजीतील सर्वोच्च कामगिरी नोंदवली. चवथ्या षटकात स्नायू दुखावला गेल्यामुळे वरुण आरोनला मैदान सोडावे लागले.

२रा एकदिवसीय सामना

साचा:माहितीचौकट मर्यादित षटकांचे सामने दुसरा एकदिवसीय सामना सुद्धा आणखी एक एकतर्फी सामना होता. पहिल्याच षटकात श्रीलंकेने कुशल परेराचा विकेट गमावला, त्यानंतर दिलशान आणि संगाकाराच्या आक्रमक फलंदाजीनंतरही भारताने सामना आपल्या अधिपत्याखाली ठेवला होता. परंतू, थिसारा परेराने शेवटी केलेली फटकेबाजी आणि कर्णधार अँजेलो मॅथ्यूजने केलेल्या नाबाद ९२ धावांच्या जोरावर श्रीलंकेने निर्धारित ५० षटकांत २७४ धावा केल्या. पाठलाग करताना अजिंक्य रहाणे लवकर बाद झाला, परंतु २ऱ्या आणि ३ऱ्या गड्यासाठी झालेल्या १००+ भागीदारीच्या जोरावर भारताने ४४.१ षटकांत ४ गड्यांच्या मोबदल्यात सहज विजय मिळवला. अंबाती रायडूने (१२१) त्याचे पहिलेवहिले आंतरराष्ट्रीय एकदिवसीय शतक झळकावले.

३रा एकदिवसीय सामना

साचा:माहितीचौकट मर्यादित षटकांचे सामने श्रीलंकेच्या डावाची सुरुवात खुपच खराब झाली, पहिल्याच षटकात उमेश यादवने कुशल परेराला बाद केले. महेला जयवर्धने आणि तिलकरत्ने दिलशानच्या १०५ धावांच्या भागीदारीमुळे श्रीलंकेच्या डावाला आकार मिळाला. परंतु पॉवरप्ले मध्ये अक्षर पटेलच्या तीन षटकांमधील तीन बळींमुळे श्रीलंकेच्या डावाची गती मंदावली. जयवर्धनेचे शानदार शतक आणि दिलशानच्या ५० धावांमुळे श्रीलंकेने २४२ धावा केल्या. भारताने उत्तरादाखल सकारात्मक सुरुवात केली आणि शिखर धवनच्या ७९ चेंडूंतील ९१ धावांमुळे भारताच्या विजयाचा पाया रचला गेला. कर्णधार विराट कोहलीच्या ५३ धावांच्या खेळी दरम्यान त्याने एकदिवसीय क्रिकेटच्या इतिहासात सर्वात जलद ६००० धावांचा टप्पा ओलांडला. उमेश यादवने कारकि‍र्दीत प्रथमच ४ गडी बाद करण्याचा पराक्रम केला. या विजयासह भारताने मालिकेत ३-० अशी विजयी आघाडी घेतली.

४था एकदिवसीय सामना

साचा:माहितीचौकट मर्यादित षटकांचे सामने मालिकेतील चवथा सामना हा एकाच व्यक्तिचा होता, ती व्यक्ती म्हणजे रोहित शर्मा. ऑगस्ट २०१४ मध्ये इंग्लंडविरूद्ध खेळताना बोटाला झालेल्या फ्रॅक्चर नंतर संघाबाहेर असलेल्या रोहितचा हा त्यानंतरचा पहिलाच सामना, ज्यात त्याने ९ षट्कार आणि ३३ चौकारांसहीत १७३ चेंडूंत २६४ धावांची स्फोटक खेळी केली. आणि भारताने निर्धारित ५० षटकांत ४०४ धावांचा डोंगर उभा केला. त्याने कर्णधार विराट कोहलीसोबत ३ऱ्या गड्यासाठी २०२ धावांची तर ५व्या गड्यासाठी रॉबिन उथप्पासोबत १२८ धावांची भागीदारी केल, ज्यात उथप्पाने फक्त १६ धावांचे योगदान दिले. श्रीलंकेचे पहिले ४ फलंदाज अवघ्या ४८ धावा काढून तंबूत परतले. अँजेलो मॅथ्यूज आणि लाहिरु थिरीमाने यांच्या अर्धशतकामुळे भारताचा विजय काहीसा लांबला. ४३.१ षटकांत २५१ धावांमध्ये श्रीलंकेचा संपूर्ण संघ बाद झाला आणि भारताने सामना जिंकून मालिकेत ४-० अशी आघाडी घेतली.

५वा एकदिवसीय सामना

साचा:माहितीचौकट मर्यादित षटकांचे सामने श्रीलंकेच्या डावाची सुरुवात आधीच्या सामन्यांप्रमाणेच झाली. ४५ धावांमध्ये दोन्ही सलामीवीर बाद झाल्यानंतर कर्णधार अँजेलो मॅथ्यूज (१३९) आणि लाहिरु थिरीमाने (५२) यांच्या १२८ धावांच्या भागीदारीने श्रीलंकेचा डाव सावरला. शेवटच्या १० षटकांत ११४ आणि शेवटच्या ५ षटकात श्रीलंकेने ७३ धावा केल्या, आणि श्रीलंकेने भारतासमोर विजयासाठी २८७ धावांचे लक्ष्य ठेवले. उत्तरादाखल फलंदाजीस उतरलेल्या भारताच्या डावाची सुरुवातही अडखळतच झाली. आधीच्या सामन्यातील द्विशतकवीर रोहित शर्मा अवघ्या ९ धावांवर बाद झाला, आणि भारताची अवस्था ४.३ षटकांत २ बाद १४ अशी झाली त्यानंतर अंबाती रायडू (५९) आणि विराट कोहलीच्या नाबाद १३९ धावांच्या जोरावर भारताने ४९ व्या षटकात ३ गडी राखून विजयी लक्ष्य पार केले. आणि श्रीलंकेला ५-० असे पराभूत करून व्हाईटवॉश दिला.

आकडेवारी

फलंदाजी

सर्वाधिक धावा

देश	खेळाडू	डाव	धावा	साचा:Tooltip	साचा:Tooltip	साचा:Tooltip	सर्वोच्च	साचा:Tooltip	साचा:Tooltip	साचा:Tooltip	साचा:Tooltip
साचा:Flagicon	अँजेलो मॅथ्यूज	५	३३९	३३१	११३.००	१०६.३९	१३९*	१	२	२९	१२
साचा:Flagicon	विराट कोहली	५	३२९	३१६	८२.२५	१०६.३९	१३९*	१	२	२६	६
साचा:Flagicon	शिखर धवन	३	२८३	२६६	९४.३३	१०६.६३	११३	१	२	२९	५
साचा:Flagicon	रोहित शर्मा	२	२७३	१८५	१३६.५०	१४७.५६	२६४	१	०	३४	९
साचा:Flagicon	अंबाती रायडू	५	२५०	२७२	६२.५०	९१.९१	१२१*	१	१	२४	५

गोलंदाजी

सर्वाधिक बळी

देश	खेळाडू	डाव	बळी	सरासरी	धावा	साचा:Tooltip	इकॉनॉमी	साचा:Tooltip	साचा:Tooltip	साचा:Tooltip
साचा:Flagicon	अक्षर पटेल	५	११	१८.०९	१६९	२३.५	५.०७	३/४०	०	०
साचा:Flagicon	उमेश यादव	४	१०	१५.७५	१६९	२४.००	५.०७	४/५३	१	०
साचा:Flagicon	धवल कुलकर्णी	३	८	१८.०२	१४९	२७.००	४.७७	४/३४	१	०
साचा:Flagicon	रविचंद्रन अश्विन	४	६	३३.३३	२००	२७.००	७.४०	२/४९	०	०
साचा:Flagicon	इशांत शर्मा	३	४	२६.५०	१०१	३८.००	५.३१	४/३४	१	०

बाह्यदुवे

• इएसपीएन क्रिकइन्फो मालिका मुख्यपान