एक महानायक: डॉ. बी.आर. आंबेडकर

एक महानायकः डॉ. बी.आर. आंबेडकर ही अँड टिव्ही दुरचित्रवाहिनीवर प्रक्षेपित होणारी एक ऐतिहासिक हिंदी मालिका आहे. ही मालिका भारतीय संविधानाचे शिल्पकार डॉ. बाबासाहेब आंबेडकरांच्या जीवनावर आधारित आहे. ही मालिका इम्तियाज पंजाबी द्वारे दिग्दर्शित, स्मृती शिंदे यांच्या एसओबीओ फिल्म्स द्वारे निर्मित असून शांती भूषण यांनी तीचे लेखन केले आहे. ७ नोव्हेंबर २०१९ रोजी या मालिकेचे टिझर प्रसिद्ध झाले होते, आंबेडकरांची सुरू करण्याची घोषणा झी अँड टीव्हीने केली होती. १७ डिसेंबर २०१९ पासून या मालिका एंटरटेनमेंटचे सहायक असलेल्या हिंदी टीव्ही चॅनेल अँड टीव्ही वर प्रदर्शित होत आहे. डॉ. बाबासाहेब आंबेडकर यांच्या बालपणीची भूमिका बालकलाकार आयुध भानुशाली याने साकारली आहे, तर अभिनेता अथर्व कर्वे यांनी त्यांच्या तरुणपणीची भूमिका साकारत आहे. मालिकेची कथा पुढे गेल्यानंतर अभिनेते प्रसाद जावडे हे मुख्य भूमिका साकारतील. ही मालिका डॉ. बाबासाहेब आंबेडकर यांची प्रेरणादायी कथा आहे, या मालिकेत त्यांचा वयाच्या पाचव्या वर्षापासून ते भारतीय राज्यघटनेचे लेखक होण्यापर्यंतचा प्रवास दर्शवला जाणार आहे. ही मालिका प्रत्येक सोमवार ते शुक्रवार रात्री ८:३० वाजता, २२ मिनिटांच्या भागांसह प्रसारित होत असते. ४ जुलै २०२० पासून झी कन्नड या चॅनेलवर सुद्धा ही मालिका कन्नड भाषेत प्रसारित होत आहे. बाबासाहेब आंबेडकरांच्या जीवनावर निघालेली ही तिसरी मालिका आहे; यापूर्वी डॉ. बाबासाहेब आंबेडकर: महामानवाची गौरवगाथा व डॉ. आंबेडकर ह्या मालिका बनवण्यात आल्या आहेत.

कलाकार व भूमिका

• प्रसाद जावडे – डॉ. बाबासाहेब आंबेडकर
  • आयुध भानुशाली - बालपणीची भूमिका
  • अथर्व कर्वे - तरुणपणीची भूमिका
• नेहा जोशी – भीमाबाई रामजी सकपाळ, आंबेडकरांच्या आई
• प्रियपाल दशरथ गायकवाड – दामू

हे सुद्धा पहा

• डॉ. बाबासाहेब आंबेडकरांवर बनवले गेलेले चित्रपट व दूरचित्रवाणी मालिका यांची सूची (मूळ सूची)
• डॉ. बाबासाहेब आंबेडकर यांच्या नावावर असलेल्या गोष्टींची यादी
• डॉ. बाबासाहेब आंबेडकर संबंधित लेखांची सूची
• वर्ग:डॉ. बाबासाहेब आंबेडकर संबंधी चित्रपट
• डॉ. बाबासाहेब आंबेडकर: महामानवाची गौरवगाथा
• सर्वव्यापी आंबेडकर
• डॉ. आंबेडकर (मालिका)