पिंपळगाव (राजदेहरे)
पिंपळगाव (राजदेहरे)
साचा:माहितीचौकट भारतीय न्यायक्षेत्र
स्थान
पिंपळगाव (राजदेहरे) हे गाव महाराष्ट्र राज्यातल्या जळगाव जिल्यातील चाळीसगाव या तालुक्यात आहे. हे गाव चाळीसगाव - नांदगाव रस्त्यावर असलेल्या रोहीणी या गावापासून २ किलोमीटर अंतरावर आहे. गावाच्या जवळ बंजारा / वंजारी समुदायाच्या वस्त्या आहेत. त्यास तांडा असे म्हणतात. या तांड्यासहीत गावाचा कारभार येथील ग्राम पंचायती मार्फत चालतो.
लोकजीवन
गावात प्रामुख्याने हिंदू धर्मीय आहेत. गावातील ५० टक्के लोकसंख्या ही मराठा जातीची आहे. त्यात प्रामुख्याने काकडे, देशमुख, माने, मोकाटे हे होत.
प्रशासन
इथला कारभार हा ग्रामपंचायती मार्फत चालतो. हे गाव चाळीसगाव पोलीस स्टेशनाच्या हद्दीत येते.
शिक्षण
गावात फक्त प्राथमिक शिक्षणाची व्यवस्था आहे. पुढील शिक्षणासाठी तालुक्याच्या ठिकाणी जावे लागते.
आरोग्य
गावात महाराष्ट्र शासनाचे प्राथमिक आरोग्य केंद्र आहे.
व्यवसाय
येथील जनजीवन हे शेती व्यवसायावर अवलंबून आहे. बंजारा समाज आता सुधारत चालला आहे. त्यांचाही प्रमुख व्यवसाय शेती हाच आहे.
धार्मिक वातावरण
गावाचे वातावरण हे श्रद्धाळू आहे. काळु आई ग्रामदैवत आहे. तसेच गावात हनुमान व नारळी मातेचही मंदिर आहे. गावात देवी जत्रा असते. यावेळी गावात विविध स्पर्धांचे (कुस्त्या, शर्यती) आयोजन केले जाते.